മീനങ്ങാടി: യാക്കോബായ സഭ മലബാർ ഭദ്രാസനത്തിന്റെ നേതൃത്വത്തിൽ പുതുതായി തിരഞ്ഞെടുക്കപ്പെട്ട ജനപ്രതിനിധികളെ ആദരിച്ചു. സഭാംഗങ്ങളായ ജനപ്രതിനിധികളെക്കൂടാതെ ബത്തേരി ബ്ലോക്ക് പഞ്ചായത്ത് പ്രസിഡന്റ് പ്രസന്ന ശശീന്ദ്രൻ, ബിഷപ്പ് ഹൗസ് വാർഡംഗം തുടങ്ങിയവരെയുമാണ് ആദരിച്ചത്. മലബാർ ഭദ്രാസന മെത്രാപ്പോലീത്ത ഡോ. ഗീവർഗീസ് മോർ സ്തേഫാനോസ് പിതാവിന്റെ നേതൃത്വത്തിൽ മീനങ്ങാടി ബിഷപ്പ് ഹൗസിൽ നടന്ന ഭദ്രാസന കൗൺസിൽ യോഗത്തിലായിരുന്നു ആദരം. ഭദ്രാസന സെക്രട്ടറി ഫാ. ബേസിൽ പോൾ കരനിലത്ത്, വൈദിക സെക്രട്ടറി ഫാ. മത്തായിക്കുഞ്ഞ് ചാത്തനാട്ടുകുടി, ജോയിന്റ് സെക്രട്ടറി ബേബി വാളങ്കോട്ട് തുടങ്ങിയവർ സംസാരിച്ചു.
