Category: Accidents

മീനങ്ങാടി: പാചകം ചെയ്യുന്നതിനിടെ ഗ്ലാസ് ടോപ്പ് ഗ്യാസ് സ്റ്റൗ ഭീകരശബ്ദത്തോടെ പൊട്ടിത്തെറിച്ച് യുവതിക്ക് സാരമായി പരിക്കേറ്റു . മീനങ്ങാടി 54 സ്വദേശിനി വിസ്മയ അമലിനാണ് നെറ്റിയിൽ ആഴത്തിൽ മുറിവേറ്റത്.സ്റ്റൗവിന്റെ കട്ടിയുള്ള ഗ്ലാസ് ചില്ലുകൾ വൻ ശബ്ദത്തോടെ ചിതറിത്തെറിച്ചതിനൊപ്പം, സ്റ്റൗവിന് മുകളിൽ ഇരുന്നിരുന്ന പ്രഷർ കുക്കർ മുകളിലേക്ക് ഉയർന്നുപൊങ്ങി വിസ്മയയുടെ നെറ്റിയിലേക്ക് ശക്തമായി ഇടിക്കുകയായിരുന്നു വലിയ ശബ്ദവും നിലവിളിയും കേട്ടെത്തിയ കുടുംബാംഗങ്ങളും സമീപവാസികളും ചേർന്ന് രക്തത്തിൽ കുളിച്ച വിസ്മയയെ ഉടൻതന്നെ മീനങ്ങാടിയിലെ സ്വകാര്യ ആശുപത്രിയിൽ എത്തിച്ചു. തുടർന്ന് പരിക്ക്…

ബത്തേരി: ഗസ്റ്റ് ഹൗസിനു സമീപം ഓട്ടോറിക്ഷയും ബൈക്കും കൂട്ടിയിടിച്ചുണ്ടായ അപകടത്തിൽ രണ്ട് പേർക്ക് പരിക്കേറ്റു. ഇന്ന് രാവിലെ 6.30-ഓടെയാണ് അപകടം നടന്നത്. ബൈക്ക് യാത്രികനായ പുത്തൻകുന്ന് സ്വദേശി ഗോകുൽ, ഓട്ടോറിക്ഷ ഡ്രൈവർ കൈപ്പഞ്ചേരി സ്വദേശി ജോസ് എന്നിവർക്കാണ് പരിക്കേറ്റത്. സാരമായി പരിക്കേറ്റ ഇരുവരെയും സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

വൈത്തിരി: ലക്കിടി താസ ഹോട്ടലിന് സമീപം കാർ നിയന്ത്രണം വിട്ട് പുഴയിലേക്ക് മറിഞ്ഞുണ്ടായ ദാരുണമായ അപകടത്തിൽ നാല് വയസ്സുകാരി മരിച്ചു. ഈങ്ങാപ്പുഴ കുപ്പായക്കോട് കുന്നുമ്മൽ വീട്ടിൽ ഷാജഹാൻ – ഷാഹിത ദമ്പതികളുടെ മകൾ ആയിഷ ഫാത്തും (4) ആണ് മരണപ്പെട്ടത്. അപകടം നടന്നയുടൻ പ്രദേശവാസികളും രക്ഷാപ്രവർത്തകരും ചേർന്നാണ് രക്ഷാപ്രവർത്തനം നടത്തിയത്. കുഞ്ഞിനെ ഉടൻ തന്നെ വൈത്തിരി താലൂക്ക് ആശുപത്രിയിലും തുടർന്ന് വിദഗ്ധ ചികിത്സയ്ക്കായി മേപ്പാടി ഡി എം വിംസ് മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാനായില്ല.

ഷോക്കേറ്റ് മരിച്ച നിലയിൽ കണ്ടെത്തി പുത്തൂർവയൽ മണ്ഡകക്കുനിയിൽ ഉറവിൽ വർഗീസിന്റെ മകൻ ഷൈജു (51) വിനെയാണ് ഷോക്കേറ്റ് മരിച്ച നിലയിൽ കണ്ടെത്തിയത് കുടിവെള്ള പൈപ്പിൻ്റെ തകരാർ പരിഹരിക്കാൻ പോയ ഷൈജുവിനെ പിന്നീട് മരിച്ച നിലയിൽ കണ്ടെത്തുകയായിരുന്നു

പനമരം: അഞ്ചുകുന്ന് ഡോക്ടർ വളവിൽ വച്ചു ബൈക്ക് അപകടത്തിൽ യുവാവിന് ദാരുണാന്ത്യം. ഇന്നലെ രാത്രി 9 മണിക്കായിരുന്നു അപകടം നടന്നത്. നാലാം മൈൽ കാപ്പും കുന്ന് അർജുൻ (23 )ആണു മരണപ്പെട്ടത്. സഹയാത്രികനായ പാലുകുന്നു സ്വദേശി ആദിത്യൻ (20) മാനന്തവാടി മെഡിക്കൽ കോളേജ് ആശുപത്രിയിൽ ചികിത്സയിൽ ആണ്.

വയനാട്ടിൽ റോഡിലൂടെ നടുന്നു പോവുന്ന കുഞ്ഞിനെ കാർ ഇടിച്ച് തെറിപ്പിച്ചു ആറാം ക്ലാസുകാരിക്ക് ദാരുണാന്ത്യം സഹോദരനോടൊപ്പം ട്യൂഷന് കാൽനടയായി പോകവെ കാർ ഇടിച്ച് തെറുപ്പിച്ച് ആറാം ക്ലാസുകാരിക്ക് ദാരുണാന്ത്യം. മാനന്തവാടി എടവക രണ്ടേ നാൽ പടിഞ്ഞാറേ പുത്തൻപുരയിൽ രാജേഷ് സ്വപ്ന ദമ്പതികളുടെ മകൾ ദിവ(12) ആണ് മരിച്ചത്.മാനന്തവാടി സെൻ്റ് പാട്രിക് സ് സ്കൂളിലെ ആറാം ക്ലാസ് വിദ്യാർത്ഥിനിയായിരുന്നു. രണ്ടേ നാൽ പെട്രോൾ പമ്പിന് സമീപം സഹോദരൻ ഡെറിക്കിനൊപ്പം പോകുമ്പോൾ തെറ്റായ ദിശയിൽ വന്ന കാർ ഇരുവരെയും ഇടിച്ച്…

വാഹനങ്ങൾ കൂട്ടിയിടിച്ച് 5 പേർക്ക് പരിക്ക് സുൽത്താൻബത്തേരിയിൽ വാഹനങ്ങൾ കൂട്ടിയിടിച്ച് ഓട്ടോറിക്ഷ മറിഞ്ഞ് വിദ്യാർത്ഥികൾ ഉൾപ്പെടെ അഞ്ചുപേർക്ക് പരിക്കേറ്റു.   മാനിക്കുനിയിൽ ഇന്ന് രാവിലെ 9 മണിയോടെയാണ് അപകടം.   സുൽത്താൻബത്തേരി ഭാഗത്തുനിന്നും കൽപ്പറ്റ ഭാഗത്തേക്ക് പോവുകയായിരുന്ന ഓട്ടോറിക്ഷ, ബൈക്ക്, കാർ എന്നീ വാഹനങ്ങളാണ് അപകടത്തിൽപ്പെട്ടത്.   കൂട്ടിയിടിയിൽ ഓട്ടോറിക്ഷ മറിഞ്ഞാണ് വിദ്യാർഥികൾക്ക് പരിക്കേറ്റത്. ബൈക്ക് യാത്രികനും പരിക്കേറ്റു. ഇവരെ സുൽത്താൻബത്തേരിയിലെ സ്വകാര്യ ആശുപത്രിയിൽ പ്രാഥമിക ചികിത്സയ്ക്ക് വിധേയമാക്കി. ആരുടെയും പരിക്ക് ഗുരുതരമല്ല

മാനന്തവാടി: പയ്യമ്പള്ളിയില്‍ സ്വകാര്യ ബസ്സും ട്രക്കും കൂട്ടിയിടിച്ച് അപകടം. ഇന്ന് രാവിലെ 6.30 ഓടെയാണ് എറണാകുളത്തുനിന്ന് പുല്‍പ്പള്ളിയിലേക്ക് വരികയായിരുന്ന കൊച്ചിന്‍ ട്രാവല്‍സ് ബസ്സും കര്‍ണാടകയില്‍ നിന്ന് കോഴിക്കോട്ടേക്ക് പോവുകയായിരുന്ന ട്രക്കും കൂട്ടിയിടിച്ചത്.അപകടത്തില്‍ രണ്ട് വാഹനങ്ങളിലെയും യാത്രക്കാരും ജീവനക്കാരും സുരക്ഷിതരാണ്. വിവരമറിഞ്ഞ് മാനന്തവാടി ഫയര്‍ സ്‌റ്റേഷനിലെ അസി. സ്‌റ്റേഷന്‍ ഓഫീസര്‍ സുരേഷ് കുമാറിന്റെ നേതൃത്വത്തിലുള്ള അഗ്‌നിരക്ഷാസേന സ്ഥലത്തെത്തി നാട്ടുകാരുടെ സഹായത്തോടെ രക്ഷാപ്രവര്‍ത്തനം നടത്തി. തുടര്‍ന്ന് അപകടത്തില്‍പ്പെട്ട വാഹനങ്ങള്‍ റോഡില്‍നിന്ന് മാറ്റി ഗതാഗതം പുനഃസ്ഥാപിച്ചു   ബസ്സിൽ യാത്രക്കാരുടെ എണ്ണം…

മാനന്തവാടി: നെടുമ്പൊയില്‍ റോഡില്‍ പേര്യ 37ല്‍ കെ.എസ്.ആര്‍.ടി.സി ബസും മില്‍ക്ക് ടാങ്കര്‍ ലോറിയും കൂട്ടിയിടിച്ചു. അപകടത്തില്‍ ടാങ്കര്‍ ലോറിയുടെ ഡീസല്‍ ടാങ്ക് പൊട്ടി റോഡില്‍ ഡീസല്‍ പരന്നു. യാത്രക്കാര്‍ക്ക് പരിക്കൊന്നുമില്ല ഡീസല്‍ റോഡില്‍ പരന്നതോടെ ബൈക്കുകള്‍ ഉള്‍പ്പെടെയുള്ള വാഹനങ്ങള്‍ തെന്നിമറിഞ്ഞ് അപകടമുണ്ടാകാനുള്ള സാധ്യത കണക്കിലെടുത്ത് മാനന്തവാടി അഗ്‌നിരക്ഷാസേന സ്ഥലത്തെത്തി. തുടര്‍ന്ന് റോഡില്‍ പരന്ന ഡീസല്‍ നീക്കം ചെയ്ത് അപകടസാധ്യത ഒഴിവാക്കി. മാനന്തവാടി ഫയർ സ്റ്റേഷൻ അസി സ്റ്റേഷൻ ഓഫീസർ (ഗ്രേഡ് )ഓ ജി പ്രഭാകരന്റെ നേതൃത്വത്തിൽ ഫയർ…