പുൽപ്പള്ളി: മുള്ളൻകൊല്ലി പഞ്ചായത്തിലെ കബനിഗിരി തേവർക്കാട്ട് ജോയിയുടെ രണ്ടു വയസ്സ് പ്രായമുള്ള ആട്ടിൻ കുട്ടിയെയാണ് പുലി ആക്രമിച്ചു കൊലപ്പെടുത്തിയത്. ഇന്നലെ രാത്രിയിലായിരുന്നു സംഭവം. ദിവസങ്ങൾക്ക് മുൻപും ഈ മേഖലയിൽ പുലിയുടെ സാന്നിധ്യ മുണ്ടായിരുന്നു. ഇതിനകം നാലാമത്തെ ആടാണ് കൊല്ലപ്പെടുന്നത്. സ്ഥലത്ത് പുൽപ്പള്ളി ഫോറസ്റ്റ് സ്‌റ്റേഷൻ ജീവനക്കാരെത്തി നിരീക്ഷണ ക്യാമറകൾ സ്ഥാപിക്കുകയും, പട്രോളിംങ് നടത്തുകയും ചെയ്‌തു. പ്രദേശവാസികൾ ജാഗ്രത പാലിക്കണമെന്ന് വനം വകുപ്പ് അറിയിച്ചു.

കൽപ്പറ്റ: മുണ്ടക്കൈ ദുരന്ത ബാധിതരിൽ അപ്പാരൽ മേഖലയിൽ സംരഭം ആരംഭിക്കാൻ താല്പര്യമുള്ളവർക്കായി കുടുംബശ്രീ യുടെ നേതൃത്വത്തിൽ ലൈഫ് ലൈൻ എന്ന പേരിൽ അപ്പാരൽ പാർക്ക്‌ രൂപീകരിച്ചു. എം എസ് എസ് ആർ എഫിൽ നിന്നും ബാഗ് നിർമാണത്തിൽ വിദഗ്ദ പരിശീലനം നേടിയ 30 പേരെ ഉൾപെടുത്തിയാണ് കൺസോർഷ്യം രൂപീകരിച്ചത്. കൺസോർഷ്യത്തിന്റെ ഘടന, പ്രവർത്തന രീതി, അടിസ്ഥാന സൗകര്യ വികസനം തുടങ്ങിയ കാര്യങ്ങൾ യോഗത്തിൽ ചർച്ച ചെയ്തു. യോഗത്തിൽ കുടുംബശ്രീ മിഷൻ ജില്ല കോർഡിനേറ്റർ പി കെ ബാലസുബ്രഹ്മണ്യൻ,…

വെള്ളമുണ്ട: ജില്ലാ പഞ്ചായത്ത് വിവിധ ഘട്ടങ്ങളിലായി അനുവദിച്ച നാല്പത് ലക്ഷം രൂപ വിനിയോഗിച്ച് വെള്ളമുണ്ട എട്ടേനാലിൽ നിർമ്മിച്ച സ്നേഹദീപം ന്യൂട്രിമിക്സ് ഉല്പാദനകേന്ദ്രത്തിന്റെ കെട്ടിടോദ്ഘാടനം വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി നിർവഹിച്ചു. ഉല്പാദന യന്ത്രങ്ങളുടെ സ്വിച്ച് ഓൺ കർമ്മം വെള്ളമുണ്ട ഗ്രാമപഞ്ചായത്ത് പ്രസിഡന്റ്‌ സുധി രാധാകൃഷ്ണൻ നിർവഹിച്ചു. ഗ്രാമപഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ സൽമത്ത് ഇ.കെ,പഞ്ചായത്തംഗം റംല മുഹമ്മദ്‌, സി.ഡി.എസ് ചെയർപേഴ്സൺ സജ്ന ഷാജി, എൻ.കെ മോഹനൻ മാസ്റ്റർ, വിനോദ്…