പുൽപ്പള്ളി: മലബാറിന്റെ കോതമംഗലം എന്നറിയപ്പെടുന്ന വയനാട്ടിലെ പ്രമുഖ സർവ്വമത തീർത്ഥാടനകേന്ദ്രമായ ചീയമ്പം മോർ ബസേലിയോസ് യാക്കോബായ സുറിയാനി പള്ളിയിൽ പരിശുദ്ധ യൽദോ മോർ ബസേലിയോസ് ബാവായുടെ ഈ വർഷത്തെ പെരുന്നാൾ ശുശ്രൂഷകൾക്ക് സമാപനമായി. സമാപന ദിനത്തിൽ ചെതലയം സെന്റ് ജോർജ്ജ് ദൈവാലയത്തിൽ നിന്നുമാരംഭിച്ച തെക്കന മേഖല കാൽനട തീർത്ഥയാത്ര, കോഴിക്കോട് ഭദ്രാസനാധിപൻ അഭിവന്ദ്യ പൗലോസ് മോർ ഐറേനിയോസ് മെത്രാപ്പോലീത്തായുടെ പ്രധാന കാർമ്മികത്വത്തിൽ മൂന്നിന്മേൽ കുർബ്ബാന, മദ്ധ്യസ്ഥപ്രാർത്ഥന തുടങ്ങിയവയും ആഘോഷമായ പെരുന്നാൾ പ്രദക്ഷിണവും സൗഖ്യദായകമായ പാച്ചോർനേർച്ചയും നടത്തപ്പെട്ടു. ആയിരക്കണക്കിന്…

വടുവഞ്ചാല്‍ : വയനാട് ജില്ലാ ഖാദി ഗ്രാമവ്യവസായ ഓഫീസിന്റെ ആഭിമുഖ്യത്തില്‍ തേനീച്ച വളര്‍ത്തല്‍ പരിശീലന ക്ലാസ് സംഘടിപ്പിച്ചു.  ഗവ.ഹയര്‍ സെക്കണ്ടറി സ്‌കൂള്‍ ഓഡിറ്റോറിയത്തില്‍ സംഘടിപ്പിച്ച ചടങ്ങ് അമ്പലവയല്‍ ഗ്രാമപഞ്ചായത്ത് പ്രസിഡണ്ട് സി.കെ. ഹഫ്സത്ത് ഉദ്ഘാടനം ചെയ്തു. അമ്പലവയല്‍ ഗ്രാമപഞ്ചായത്ത് മെമ്പര്‍ എം.യു.ജോര്‍ജ്ജ് ചടങ്ങിന് അദ്ധ്യക്ഷത വഹിച്ചു. ഖാദി ബോര്‍ഡ് ഡയറക്ടര്‍ ടി.സി. മാധവന്‍ നമ്പൂതിരി, കെ.വി.മനോജ്, എസ്.എം.സി ചെയര്‍മാന്‍ കെ.ജെ ഷീജോ,യു.ബാലന്‍, വി.പി സുഭാഷ് എന്നിവര്‍ സംസാരിച്ചു.

കൽപ്പറ്റ: ജില്ലയില്‍ ഡിജി കേരളം പദ്ധതി വിജയിപ്പിക്കാന്‍ കര്‍മ്മ പദ്ധതികള്‍ ആവിഷ്‌ക്കരിച്ച് നടപ്പിലാക്കാന്‍ സാക്ഷരതാ മിഷന്‍ പ്രേരക്മാരുടെ ജില്ലാതല യോഗത്തില്‍ തീരുമാനിച്ചു. ജില്ലാ പഞ്ചായത്ത് കോണ്‍ഫറന്‍സ് ഹാളില്‍ നടന്ന യോഗം ജില്ലാ പഞ്ചായത്ത് പ്രസിഡൻ്റ് സംഷാദ് മരക്കാര്‍ ഉദ്ഘാടനം ചെയ്തു. തദ്ദേശ സ്വയംഭരണ വകുപ്പിന്റെ നിര്‍ദ്ദേശ പ്രഖാരമുള്ള ഡിജി വാരം വിജയിപ്പിക്കാനും യോഗത്തില്‍ തീരുമാനിച്ചു. നവംബര്‍ 1ന് ഡിജി കേരളം പ്രഖ്യാപനം നടക്കുന്ന സാഹചര്യത്തില്‍ പൂര്‍ത്തിയായ തദ്ദേശ സ്വയംഭരണ സ്ഥാപനങ്ങളില്‍ പ്ര്ഖ്യാപനം നടത്താനുള്ള ഇടപെടലുകള്‍ നടത്തുന്നതിനും തീരുമാനിച്ചു….