കൽപ്പറ്റ: ഇ എം എസ്- എ കെ ജി ദിനാചരണത്തിൻ്റെ ഭാഗമായി ജില്ലയിൽ സി പി ഐ എം സംഘടിപ്പിക്കുന്ന പ്രഭാഷണ പരിപാടിക്ക് തുടക്കമായി. എട്ട് കേന്ദ്രങ്ങളിലാണ് പരിപാടി. കൽപ്പറ്റ ഏരിയാ കമ്മിറ്റിയുടെ നേതൃത്വത്തിൽ കൽപ്പറ്റയിൽ വെച്ച് നടത്തിയ പരിപാടി ജില്ലാ സെക്രട്ടറി കെ റഫീഖ് ഉദ്ഘാടനം ചെയ്തു. മാനന്തവാടി  ഏരിയാ കമ്മിറ്റിയുടെ നേതൃത്വത്തിൽ മാനന്തവാടിയിൽ വെച്ച് നടത്തിയ പരിപാടി കെ ഇ എൻ കുഞ്ഞമ്മദ് ഉദ്ഘാടനം ചെയ്തു. വൈത്തിരി  ഏരിയാ കമ്മിറ്റിയുടെ നേതൃത്വത്തിൽ പൊഴുതനയിൽ  വെച്ച്…

വരയാൽ: ചിറക്കര തവിഞ്ഞാൽ എസ്റ്റേറ്റ് – സർക്കാർ വനത്തിൽ അനധികൃതമായി പ്രവേശിച്ച് കൂരമാനിനെ വെടിവെച്ച കേസിൽ ഒളിവിലാരുന്ന പ്രതിയെ വരയാൽ ഫോറസ്റ്റ് സ്റ്റേഷൻ ജീവനക്കാർ പിടികൂടി. കൃഷ്ണകുമാർ S/o കീരൻ പാലോട്ട് പുത്തൻമറ്റത്തിൽ – നെയാണ് വരയാൽ ഫോറസ്റ്റ് സ്റ്റേഷൻ ഡെപ്യൂട്ടി റെയിഞ്ച് ഫോറസ്റ്റ് ഓഫീസർ ബി.വി. രാജഗോപാലനും സംഘവും പിടികൂടി. 2025 മാർച്ച് 26 നാണ് കേസിനാസ്പദമായ സംഭവം നടന്നത്. മറ്റ് രണ്ട് പ്രതികളെ സംഭവ സ്ഥലത്ത് വച്ച് തന്നെ പിടികൂടിയിരുന്നു.

വെള്ളമുണ്ട: സി.എച്ച്.ആർ.എഫിന്റെ ആഭിമുഖ്യത്തിൽ വെള്ളമുണ്ട പബ്ലിക് ലൈബ്രറിയിൽ സംഘടിപ്പിച്ച പഴശ്ശി രാജ അനുസ്‌മരണ പരിപാടി വയനാട് ജില്ലാപഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. ഐ.വി സജിത്ത് അധ്യക്ഷത വഹിച്ചു.അഡ്വ: ഗണേഷ് പറമ്പത്ത് മുഖ്യപ്രഭാഷണം നടത്തി. സുജേഷ് സുരേന്ദ്രൻ , എം മണികണ്ഠൻ മാസ്റ്റർ ,എം സുധാകരൻ, കെ.എം മുജീബ് റഹ്‌മാൻ കെ.സുനീറ തുടങ്ങിയവർ പ്രസംഗിച്ചു.

തിരുവനന്തപുരം: എ.പി.ജെ അബ്ദുൽ കലാം സ്‌റ്റെഡി സെന്റർ നൽകുന്ന കേരളത്തിലെ മികച്ച ജില്ലാ പഞ്ചായത്ത് പ്രസിഡന്റിനുള്ള ജനമിത്ര പുരസ്ക്കാരം വയനാട് ജില്ല പഞ്ചായത്ത് പ്രസിഡന്റ് സംഷാദ് മരക്കാറിന് തിരുവനന്തപുരത്ത് വെച്ച് നടന്ന ചടങ്ങിൽ കേരള നിയമസഭാ സ്പീക്കർ എ.എൻ ഷംസീർ സമ്മാനിച്ചു. പ്രതിപക്ഷ നേതാവ് വി.ഡി.സതീശൻ മുഖ്യാതിഥിയായിരുന്നു. ചീഫ് വിപ്പ് എൻ.ജയരാജ്, ഇടുക്കി എം.പി. ഡീൻ കുര്യാക്കോസ്, മോൻസ് ജോസഫ് എം.എൽ.എ, ഐ.ബി സതീഷ് എം.എൽ. എ, തുടങ്ങിയവർ ചടങ്ങിൽ പങ്കെടുത്തു

മേപ്പാടി: കാട്ടാന ആക്രമണത്തിൽ പ്രതിഷേധിച്ച് നാട്ടുകാർ റോഡ് ഉപരോധിക്കുന്നു. ഇന്നു രാവിലെ ആണ് കാട്ടാന ആക്രമണത്തിൽ വീട്ടമ്മ മരിച്ചത് . മേപ്പാടി ചൂരൽമല റോഡിൽ ആയിരുന്നു ദാരുണ സംഭവം. കാട്ടാനയെ പിടികൂടി നാടുകടത്തണമെന്നും ആന ശല്യത്തിനു ശാശ്വത പരിഹാരം ഉണ്ടാകണമെന്നും ആവശ്യപ്പെട്ടാണ് നാട്ടുകാരുടെ പ്രതിഷേധം.

വരയാൽ: വന്യജീവി ആക്രമണം ലഘൂകരിക്കാനായി വന്യജീവി സാന്നിധ്യം കൂടുതലുള്ള ഹോട്ട്സ്പോട്ടുകളിലെ വനാതിർത്തിയിലെ അടിക്കാടുകൾ നീക്കുന്ന പ്രവൃത്തി വരയാൽ ഫോറസ്റ്റ് സ്റ്റേഷൻ പരിധിയിൽ ആരംഭിച്ചു. പേര്യ ഫോറസ്റ്റ് റേഞ്ചിലെ നാല് ഹോട്ട്സ്പോട്ടുകളിലായി 20000/- രൂപയ്ക്ക് അടിക്കാട് നീക്കുന്നതിനാണ് ജില്ലാ കളക്ടറുടെ കാര്യാലയത്തിൽ നിന്നും അനുവദിച്ചത്. വരയാൽ ഫോറസ്റ്റ് സ്റ്റേഷൻ പരിധിയിൽ പേര്യ 37′ മൈൽ, 41’മൈൽ കാപ്പാട്ട്മല ഭാഗത്തെ വനാതിർത്തി പ്രദേശങ്ങളിലെ അടിക്കാടുകളാണ് ആദ്യഘട്ടത്തിൽ നീക്കുക തവിഞ്ഞാൽ ഗ്രാമപഞ്ചായത്ത് മുഖേനയാണ് ഫണ്ട് അനുവദിക്കുന്നത്.

കൽപ്പറ്റ: സുഗന്ധഗിരിയിലെ നിർമ്മാണ പ്രവർത്തനങ്ങളുമായി ബന്ധപ്പെട്ട് വനം വകുപ്പ്, റവന്യു, ഐ.റ്റി.ഡി.പി, പഞ്ചായത്ത് എന്നിവരുടെ സംയുക്ത യോഗം കൽപ്പറ്റ നിയോജകമണ്ഡലം എം.എൽ.എ അഡ്വ.ടി.സിദ്ധിഖിന്റെ അധ്യക്ഷതയിൽ ചേർന്നു. യോഗ തീരുമാനപ്രകാരം നിലവിലുള്ള റോഡ് നവീകരണ പ്രവൃത്തികൾ തുടരും,നിലവിലുള്ള പി.എച്ച്.സി കെട്ടിടം പൊളിച്ച് അതേ സ്ഥലത്ത് തന്നെ പുതിയ പി.എച്ച്.സി നിർമ്മിക്കും, കമ്മൂണിറ്റി ഹാൾ, സബ്ബ് സെന്റർ നിർമ്മാണത്തിനായി സ്‌കെച്ച് റവന്യു വകുപ്പിൽ നിന്നും വനം വകുപ്പ് അധികൃതർക്ക് നൽകും, 40 ഏക്കറിന്റെ ഗ്രൂപ്പ് സ്‌കെച്ചിൽ വനം വകുപ്പ്, റവന്യു,…