ബത്തേരി : ഓഫീസ് കാര്യങ്ങള്‍ക്കായി നഗരസഭയിലെത്തുന്ന വയോജനങ്ങള്‍ക്ക് സൗജന്യമായി ഇനി ചായയും കടിയും കഴിക്കാം. സംസ്ഥാനത്ത് ആദ്യമായി വയോജനക്ഷേമത്തില്‍ പുതിയ കാല്‍വെപ്പുമായി സുല്‍ത്താന്‍ ബത്തേരി നഗരസഭ ഇടം പിടിക്കുകയാണ്. നഗരസഭയുടെ പുതിയ കെട്ടിടം ഉദ്ഘാടനം ചെയ്യുന്ന വേളയിലാണ് പുതിയ പദ്ധതിക്കും നഗരസഭ തുടക്കം കുറിച്ചത്. ഒട്ടേറ നൂതന പദ്ധതികളിലൂടെ ശ്രദ്ധിക്കുന്ന മുന്നേറ്റവും ചുരുങ്ങിയ കാലയളവിനുള്ളില്‍ തന്നെ കേരളത്തിന്റെ ക്ലീന്‍ സിറ്റിയുമായി മാറിയ സുല്‍ത്താന്‍ ബത്തേരി നഗര സഭയാണ് ഇനി വയോജനങ്ങള്‍ക്കും സന്തോഷമുള്ള വാര്‍ത്തയായി മുന്നില്‍ വരുന്നത്. നഗരസഭ…

കൽപറ്റ: ഇന്ധനവില വെട്ടിക്കുറയ്ക്കുക, മോട്ടോർ വാഹന നിയമ ഭേതഗതി പിൻവലിക്കുക, മോട്ടോർ തൊഴിലാളികൾക്ക്‌ ക്ഷേമപദ്ധതി പ്രഖ്യാപിക്കുക തുടങ്ങിയ ആവശ്യങ്ങൾ ഉയർത്തി 24ന്‌ നടക്കുന്ന പാർലമെന്റ്‌ മാർച്ചിന്റെ ഭാഗമായി കോൺഫഡറേഷൻ ഓഫ് ട്രാൻസ്പോർട്ട് വർക്കേഴ്സ് ജില്ല കൺവൻഷൻ നടത്തി. പാർലമെന്റ്‌ മാർച്ചിന്റെ ഭാഗമായി 17, 18 തീയതികളിൽ ജില്ലാ വാഹന ജാഥയും 24ന്‌ പോസ്റ്റ്‌ ഓഫിസ്‌ പിക്കറ്റിങും നടത്താൻ കൺവൻഷൻ തീരുമാനിച്ചു. സംസ്ഥാന സെക്രട്ടറി കെ മമ്മു ഉദ്ഘാടനം ചെയ്തു. എം എസ്‌ സുരേഷ്‌ ബാബു അധ്യക്ഷനായി. കെ…

പുല്‍പള്ളി: പുല്‍പള്ളി- നടവയല്‍ റൂട്ടില്‍ നെയ്ക്കുപ്പ വനപാതയിലെ പതിവുകാരനായ ഒറ്റയാന്‍ യാത്രക്കാര്‍ക്കു ഭീഷണിയാകുന്നതായി പരാതി. ആന ശല്യക്കാരനല്ലെന്ന് വനപാലകര്‍ പറയുന്നുണ്ടെങ്കിലും പാതയോരത്ത് ഒറ്റയാന്‍ നില്‍ക്കുമ്പോള്‍ ഇതുവഴി കടന്നുപോകാന്‍ ആര്‍ക്കും ധൈര്യമില്ല. കല്‍പറ്റ, പനമരം, മാനന്തവാടി ഭാഗത്തേക്ക് രാവിലെ ജോലിക്കു പോകുന്നവര്‍ക്കാണ് ഏറെ പ്രശ്‌നം. ശക്തമായി മഞ്ഞുപെയ്യുന്ന ദിവസങ്ങളില്‍ ആനയുടെ അടുത്തെത്തുമ്പോഴാണ് കാണാനാവുക. പിന്നെ ഭയവും ആശങ്കയുമിരട്ടിക്കും. കഴിഞ്ഞ ദിവസങ്ങളില്‍ ഇരുചക്രവാഹന യാത്രക്കാരായ സ്ത്രീകള്‍ ആനയെ കണ്ടുതിരിച്ചു പോന്നു. പിന്നീട് വലിയ വാഹനത്തിനു പിന്നാലെയാണ് കടന്നുപോയത്. വനത്തിലെ ചുള്ളിക്കാട്…

കൽപ്പറ്റ : ദേശീയ നിയമ സേവന അതോറിറ്റിയുടെ നിർദ്ദേശപ്രകാരം കൽപ്പറ്റ, മാനന്തവാടി, സുൽത്താൻ ബത്തേരി എന്നീ കോടതി കേന്ദ്രങ്ങളിൽ ജൂൺ 14 ന് ദേശീയ ലോക് അദാലത്ത് നടത്തുന്നു. പൊതുജനങ്ങൾക്ക് ചെക്ക് കേസുകൾ സംബന്ധിച്ച പരാതികൾ, തൊഴിൽ തർക്കങ്ങൾ, വൈദ്യുതി, വെള്ളക്കരം, മെയിൻറനൻസ് കേസുകൾ, ഒത്തുതീർപ്പാക്കാവുന്ന ക്രിമിനൽ കേസുകൾ എന്നിവ സംബന്ധിച്ച പരാതികൾ അദാലത്തിൽ നേരിട്ട് നൽകാം. മോട്ടോർവാഹന നഷ്ടപരിഹാര കേസുകൾ, ലേബർ കോടതിയിലെ കേസുകൾ, കുടുംബ കോടതിയിലെ വിവാഹമോചനം ഒഴികെയുള്ള കേസുകൾ, ഭൂമി ഏറ്റെടുക്കൽ സംബന്ധിച്ച…