മീനങ്ങാടി: മീനങ്ങാടിയിലെ ഇരുളം ഫോറസ്റ്റ് സ്റ്റേഷൻ പരിധിയിൽപ്പെട്ട ഒരപ്പ്, അരിമുള മേഖലകളിൽ കടുവ ഭീതിയെ തുടർന്ന് വനംവകുപ്പും പോലീസും സംയുക്തമായി ഡ്രോൺ പരിശോധന നടത്തി. റേഞ്ച് ഫോറസ്റ്റ് ഓഫീസർ കെ.പി. അബ്ദുൽ ഗഫൂർ, ഡെപ്യൂട്ടി റേഞ്ച് ഫോറസ്റ്റ് ഓഫീസർ പി.കെ. രഞ്ജിത്ത്, മീനങ്ങാടി പോലീസ് ഇൻസ്‌പെക്ടർ സന്തോഷ് എന്നിവരുടെ നേതൃത്വത്തിലായിരുന്നു പരിശോധന.   ഡ്രോൺ ഉപയോഗിച്ച് നടത്തിയ വിശദമായ പരിശോധനയിൽ പ്രദേശങ്ങളിൽ കടുവയുടെ സാന്നിധ്യം കണ്ടെത്താനായില്ലെന്ന് അധികൃതർ അറിയിച്ചു. പ്രദേശവാസികൾ ജാഗ്രത തുടരണമെന്ന് നിർദേശം നൽകിയിട്ടുണ്ട്.

കൽപ്പറ്റ:വോട്ടിനായി ദുരന്തബാധിതരെ കോൺഗ്രസ്‌ വീണ്ടും കബളിപ്പിക്കുകയാണെന്ന്‌ സിപിഐ എം ജില്ലാ സെക്രട്ടറി കെ റഫീഖ്‌ പറഞ്ഞു. ദുരന്തബാധിതർക്ക്‌ വീടിനെന്ന പേരിൽ പണം പിരിച്ച കോൺഗ്രസും യൂത്ത്‌ കോൺഗ്രസും വീട്‌ നിർമാണത്തിനുള്ള ഒരു നടപടിയും സ്വീകരിച്ചിട്ടില്ല. തദ്ദേശ തെരഞ്ഞെടുപ്പിൽ കണ്ണിൽപൊടിയിട്ട്‌ നേട്ടമുണ്ടാക്കാൻ ദുരന്തബാധിതരെ വീണ്ടും കബളിപ്പിക്കുന്നത്‌ ക്രൂരമാണ്‌. പുനരധിവാസത്തിനുള്ള സ്ഥലം ഏറ്റെടുത്തെങ്കിൽ എവിടെയാണെന്ന്‌ വ്യക്തമാക്കണമെന്ന്‌ റഫീഖ്‌ കൽപ്പറ്റ എ കെ ജി ഭവനിൽ മാധ്യമങ്ങളോട്‌ പറഞ്ഞു. കൽപ്പറ്റ എംഎൽഎ സ്ഥലം കണ്ടെത്തിയെന്ന്‌ പറയുമ്പോൾ മൂന്നുസ്ഥലം പരിഗണനയിലുണ്ടെന്നും ഉടൻ കണ്ടെത്തുമെന്നുമാണ്‌…

ന്യൂഡല്‍ഹി: ട്രെയിന്‍ യാത്രയില്‍ ടിക്കറ്റിന് തെളിവായി വാട്സ്ആപ്പില്‍ അയച്ച പകര്‍പ്പുകളോ സ്‌ക്രീന്‍ഷോട്ടുകളോ, പിഡിഎഫോ സ്വീകരിക്കില്ലെന്ന് റെയില്‍വേ. റെയില്‍വണ്‍ ആപ്പ് വഴി ബുക്ക് ചെയ്യുന്ന ഡിജിറ്റല്‍ അണ്‍റിസര്‍വ്ഡ് ടിക്കറ്റുകളുമായി യാത്ര ചെയ്യുന്ന യാത്രക്കാര്‍ ബുക്കിങ് നടത്താന്‍ ഉപയോഗിച്ച അതേ മൊബൈല്‍ ഫോണില്‍ ഒറിജിനല്‍ ടിക്കറ്റിന്റെ പകര്‍പ്പുകള്‍ ഹാജരാക്കണമെന്നും അധികൃതര്‍ വ്യക്തമാക്കി.   യാത്രക്കാരന്‍ ടിക്കറ്റ് ബുക്ക് ചെയ്ത ഫോണില്‍ തന്നെ ടിക്കറ്റ് ഉണ്ടായിരിക്കണമെന്നാണ് റെയില്‍വേയുടെ പുതുക്കിയ നിയമം പറയുന്നത്. കൂടാതെ ട്രെയിന്‍ പുറപ്പെടുന്നതിന് മുമ്പ് യാത്രക്കാര്‍ അവരുടെ ഡിജിറ്റല്‍…

ബത്തേരി:  കഞ്ചാവുമായി മധ്യവയസ്കൻ പിടിയിൽ. എക്സൈസ് ഡിവിഷൻ, സുൽത്താൻബത്തേരി എക്സൈസ് റേഞ്ച് ഓഫീസ് സംയുക്തമായി നടത്തിയ ഓണം സ്പെഷ്യൽ ഡ്രൈവിൽ 340 ഗ്രാം കഞ്ചാവുമായി ഒരാൾ പിടിയിൽ. പനമരം ആര്യന്നൂർ കണ്ടം കളത്തിൽ വീട്ടിൽ ഷംസുദ്ദീൻ ആണ് അറസ്റ്റിലായത്. പെരിക്കല്ലൂർ മരക്കടവ് ഭാഗത്ത് വെച്ച് നടത്തിയ പരിശോധനയിലാണ് ഇയാൾ ബാവലിയിൽ നിന്നും KL 72 7551 നമ്പർ ഹോണ്ട ആക്ടീവ സ്കൂട്ടറിൽ കടത്തിക്കൊണ്ടുവന്ന കഞ്ചാവ് പിടികൂടിയത്. പനമരത്തും പരിസരപ്രദേശങ്ങളിലും കഞ്ചാവ് വിൽപ്പന നടത്തിവന്നിരുന്ന ഇയാൾ നിരവധി കേസുകളിൽ…

ജി എച്ച് എസ് എസ് പനങ്കണ്ടിയിൽ എസ് പി സി വിദ്യാർത്ഥികൾക്കായി ശുഭയാത്ര പരിപാടിയുടെ ഭാഗമായി റോഡ് സുരക്ഷാ ക്ലാസ് സംഘടിപ്പിച്ചു. മീനങ്ങാടി പോലീസ് സ്റ്റേഷനിലെ എഎസ് ഐ ശ്രീ ബിബിൻബാൽ സർ ക്ലാസ് നയിച്ചു. ഹെഡ്മിസ്ട്രസ് ശ്രീമതി റുബീന, സീനിയർ അസിസ്റ്റന്റ് ശ്രീമതി മിനി ഫിലിപ്പ്, സി പി ഒ മാരായ സുമിത്ര പി ബി, ജിഷ എ ജെ, ഡ്രിൽ ഇൻസ്ട്രക്ടർ ശ്രീ സതീഷ് എന്നിവർ നേതൃത്വം നൽകി.

കൽപ്പറ്റ: കുടുംബശ്രീ ജില്ലാമിഷൻ്റെ ആഭിമുഖ്യത്തിൽ ബാലസഭ കുട്ടികൾക്ക് വേണ്ടി നടത്തിയ മഴയുത്സവത്തിൽ മാനന്തവാടി സി.ഡി.എസ് 2 അൻപത്തി ആറ് പോയന്റുമായി ജേതാക്കളായി. മഴയെ പ്രമേയമാക്കി വിവിധങ്ങളായ മത്സരങ്ങളാണ് നടന്നത്. ചെയർപേഴ്സൺ ഡോളി രജ്ജിത്ത്, ബാലസഭ റിസോഴ്‌സ്‌ പേഴ്സൺ സഫ്വാന ഷുഹാദ്, അക്കൗണ്ടൻ്റ് സുനീറ, എ.ഡി.എസ്സ്, സി.ഡി.എസ് ഭാരവാഹികൾ എന്നിവർ വാർഡുതലം മുതൽ ജില്ലാതലം വരെ കുട്ടികളെ മത്സര രംഗത്തേക്ക് പ്രാപ്തരാക്കി.