ബത്തേരി: സുൽത്താൻ ബത്തേരി എക്‌സൈസ് സർക്കിൾ ഇൻസ്‌പെക്ടർ എം.കെ. സുനിലും സംഘവും നടത്തിയ പരിശോധനയിൽ 10 ഗ്രാം കഞ്ചാവുമായി യുവാവ് പിടിയിലായി. നൂൽപ്പുഴ കൊല്ലഗൽ ദേശീയപാതയിൽ സംസ്ഥാന അതിർത്തിയിൽ നിന്നാണ് സുഷ്മിത് ഷെട്ടി (36)നെ പിടികൂടിയത്. ഇയാൾക്കെതിരെ എൻ.ഡി.പി.എസ് (നാർക്കോട്ടിക് ഡ്രഗ്‌സ് ആൻഡ് സൈക്കോട്രോപിക് സബ്‌സ്റ്റൻസെസ് ആക്റ്റ്) പ്രകാരം കേസെടുത്തു.

കല്‍പ്പറ്റ: വയനാട് പ്രസ് ക്ലബ്ബും കേരള വ്യാപാര വ്യവസായി ഏകോപന സമിതി ജില്ലാ കമ്മിറ്റിയും സംയുക്തമായി മുണ്ടക്കൈ ചൂരല്‍മല ഉരുള്‍പൊട്ടല്‍ ദുരന്തത്തില്‍ രക്ഷാകരങ്ങളായ സന്നദ്ധ സംഘടനകളെയും വിവിധ സേനാവിഭാഗങ്ങളെയും വകുപ്പുകളെയും മാധ്യമസ്ഥാപനങ്ങളെയും ആദരിച്ചു. ‘കരുതലായവര്‍ക്ക് സ്‌നേഹാദരം’ എന്ന പേരില്‍ ചുണ്ടേല്‍ സെന്റ് ജൂഡ് പാരിഷ് ഹാളില്‍ നടന്ന പരിപാടി ഭവന നിര്‍മാണ, റവന്യു വകുപ്പ് മന്ത്രി കെ. രാജന്‍ ഉദ്ഘാടനം ചെയ്തു. ചുണ്ടേല്‍ ടൗണില്‍ നിന്നും വാദ്യഘോഷങ്ങളുടെയും പുഷ്പവൃഷ്ടിയുടെയും അകമ്പടിയോടെയാണ് രക്ഷാപ്രവര്‍ത്തകരെ പാരിഷ് ഹാളിലേക്ക് ആനയിച്ചത്. അഡ്വ….

കല്‍പ്പറ്റ: പുഞ്ചിരിമട്ടം ഉരുള്‍പൊട്ടല്‍ ദുരന്തബാധിതരോട് കേന്ദ്ര, സംസ്ഥാന സര്‍ക്കാരുകള്‍ നീതി പുലര്‍ത്തിയില്ലെന്ന് യുഡിഎഫ് ജില്ലാ യോഗം ആരോപിച്ചു. പ്രധാനമന്ത്രിയും മുഖ്യമന്ത്രിയും സന്ദര്‍ശനം നടത്തിയിട്ടും ദുരന്ത ബാധിതര്‍ക്ക് അര്‍ഹമായ സഹായം ലഭിക്കുന്നില്ല. വിദേശത്ത് പഠിക്കുന്നവരും ഉപരിപഠനം നിലച്ചതുമായ നിരവധി വിദ്യാര്‍ഥികള്‍ ദുരന്തബാധിത പ്രദേശങ്ങളിലുണ്ട്. ഇവരെ പ്രത്യേകം പരിഗണിച്ച് ആവശ്യമായ സഹായം നല്‍കണം. ദുരന്തബാധിത കുടുംബങ്ങള്‍ക്കുള്ള അടിയന്തര സഹായം 10 ലക്ഷം രൂപയായി വര്‍ധിപ്പിക്കണം. ദുരന്തത്തില്‍ ഭൂമിയും വീടും നഷ്ടപ്പെട്ടവരുടെ വ്യക്തമായ കണക്ക് ശേഖരിച്ച് നഷ്ടത്തിന്റെ തോത് അനുസരിച്ച് സഹായം…