ഉരുള് ദുരന്തം; പ്രതിദിനം 300 രൂപ സഹായം വാക്കില് മാത്രം ഒതുങ്ങി, ഉത്തരവിറങ്ങിയിട്ടും ദുരന്തബാധിതര്ക്ക് ധനസഹായ വിതരണം തുടങ്ങിയില്ല
കല്പറ്റ: ഉപജീവന സഹായം കിട്ടാതായതോടെ തുടർജീവിതത്തില് ദുരിതവുമായി മുണ്ടക്കൈ-ചൂരല്മല ഉരുള് ദുരന്തബാധിതർ. ദിവസേന 300 രൂപ സഹായം വീണ്ടും നല്കുമെന്ന സര്ക്കാര് ഉത്തരവിറങ്ങി ഒരാഴ്ച പിന്നിട്ടിട്ടും ഇതുവരെ വിതരണം ആരംഭിച്ചിട്ടില്ല. സർക്കാറിന്റെ അറിയിപ്പും അതിന്റെ പോസ്റ്ററുകളും കിട്ടിയതല്ലാതെ സഹായം കിട്ടിത്തുടങ്ങിയിട്ടില്ലെന്ന് ദുരിതബാധിതർ പറയുന്നു. ജീവനോപാധി നഷ്ടപ്പെട്ട കുടുംബങ്ങളിലെ രണ്ടു വ്യക്തികള്ക്ക് വീതം സംസ്ഥാന ദുരന്ത പ്രതികരണ നിധിയില്നിന്നും (എസ്.ഡി.ആര്.എഫ്) കിടപ്പുരോഗികളുള്ള കുടുംബത്തിലെ ഒരാള്ക്ക് കൂടി മുഖ്യമന്ത്രിയുടെ ദുരിതാശ്വാസ നിധിയില്നിന്നും പ്രതിദിനം 300 രൂപ വീതം ഒമ്ബത് മാസത്തേക്കുകൂടി…
