കൽപ്പറ്റ: കൃഷി വകുപ്പ് നടപ്പാക്കുന്ന നൂറു ദിന പരിപാടിയിൽ മുൻ സർക്കാരിന്റെ കാലത്ത് കൃഷിക്കാർക്ക് ലഭിക്കാനുള്ള കുടിശ്ശിക വിതരണം കൂടി ഉൾപ്പെടുത്തണമെന്ന് സ്വതന്ത്ര കർഷക സംഘം സംസ്ഥാന സെക്രട്ടറി പി.കെ.അബ്ദുൽ അസീസ് മുഖ്യമന്ത്രിക്കും, കൃഷി മന്ത്രിക്കും നൽകിയ നിവേദനത്തിൽ ആവശ്യപ്പെട്ടു. 2021 മുതലുള്ള പ്രകൃതി ക്ഷോഭ ദുരിതാശ്വാസ നഷ്ട പരിഹാരം 90 കോടിയോളം കർഷകർക്ക് ലഭിക്കാനുണ്ട്. കാർഷിക കടാശ്വാസ കമ്മീഷന്റെ അവാർഡ് പ്രകാരം നൂറുകണക്കിന് കർഷകർ അവരുടെ വിഹിതം ബേങ്കുകളിൽ അടച്ചിട്ടും ബേങ്കുകൾക്ക് സർക്കാർ വിഹിതം നൽകാത്തതിനാൽ…

കൽപ്പറ്റ: പാലക്കാട് വെച്ച് നടന്ന സംസ്ഥാന വിദ്യാനികേതൻ സ്‌കൂൾ കലോത്സവത്തിൽ ഭരതനാട്യം, നാടോടിനൃത്തം, ഹിന്ദി പദ്യം എന്നിവയ്ക്ക് എ. ഗ്രേഡ് നേടിയ ദേവ്ന എസ് ചെറുകര ശ്രീശങ്കര വിദ്യാനികേതൻ 6 ാം ക്ലാസ് വിദ്യാർത്ഥിനിയാണ്. കല്പറ്റ നവരസ ഡാൻസ് സ്കൂളിലെ രേണുകാ സലാമാണ് നൃത്താധ്യപിക.

ജി എച്ച് എസ് അതിരാറ്റുകുന്ന് സ്കൂളിൽ പത്താം ക്ലാസ് വിദ്യാർത്ഥികൾക്കായി പ്രത്യേക മോട്ടിവേഷൻ ക്ലാസ് സംഘടിപ്പിച്ചു. ക്ലാസ് നയിച്ചത് ORC ട്രെയിനറും Neuronest, Centre for Counseling and Psychotherapyയുടെ സ്ഥാപകനും കൗൺസിലറുമായ റോബിൻ പി സന്തോഷ് ആയിരുന്നു. പരീക്ഷാഭീതിയെ മറികടക്കുന്നതിനുള്ള മാർഗങ്ങൾ, സമയനിയന്ത്രണം, ആത്മവിശ്വാസം വളർത്തൽ എന്നിവയെക്കുറിച്ച് വിദ്യാർത്ഥികൾക്ക് പ്രായോഗിക നിർദേശങ്ങൾ നൽകി. ക്ലാസ് വിദ്യാർത്ഥികൾക്ക് ആത്മവിശ്വാസവും പ്രചോദനവും നൽകുന്നതായി മാറി. സ്കൂൾ അധികൃതർ പരിപാടിക്ക് നന്ദി രേഖപ്പെടുത്തി.