പുൽപ്പള്ളി: അമരക്കുനിയിൽ ജനവാസ മേഖലയിലിറങ്ങിയ കടുവയെ പിടികൂടാൻ തിരച്ചിൽ ആരംഭിച്ചു. ഡോ. അരുൺ സക്കറിയ ഉൾപ്പെടെയുള്ള സംഘമാണ് തിരച്ചിലിന് നേതൃത്വം നൽകുന്നത്. വിവിധ സംഘങ്ങളായി തിരിഞ്ഞാണ് വനപാലക സംഘം തിരച്ചിൽ നടത്തുന്നത്. കടുവയെ കണ്ടെത്തിയാൽ മയക്കുവെടി വെക്കാനാണ് തീരുമാനം. ഇതിനായി മുത്തങ്ങയിൽ നിന്ന് കുങ്കി ആനകളെ എത്തിക്കാനും തീരുമാനമെടുത്തിട്ടുണ്ട്. പ്രദേശത്ത കഴിഞ്ഞ കുറച്ച് ദിവസമായി കടുവയുടെ ശല്യം രൂക്ഷമാണ്. നാട്ടുകാർ പ്രതിഷേധവുമായി രംഗത്തെത്തിയതോടെയാണ് കടുവയെ പിടികൂടാൻ തീരുമാനിച്ചത്

മാനന്തവാടി : പാൽവെളിച്ചം ആയുർവേദ യോഗവില്ലയിൽ ചികിത്സയിലിരിക്കെ മരണപ്പെട്ട കാമറൂൺ സ്വദേശിനിയുടെ മൃതദേഹം 6 ദിവസത്തോളം ഫ്രീസറിലാക്കി സ്വകാര്യ ഷെഡ്ഡിൽ സൂക്ഷിച്ച സംഭവത്തിൽ സമഗ്രാന്വേഷണം നടത്തി ദുരൂഹതകളകറ്റണമെന്ന് എസ്ഡിപിഐ മാനന്തവാടി മണ്ഡലം കമ്മിറ്റി. കാമറൂൺ സ്വദേശിനിയായ യുവതി യോഗവില്ലയിൽ കാൻസറിന് ചികിത്സയിലിരിക്കെ നവംബർ 20 നാണ് മരണപ്പെട്ടത്. തുടർന്ന് 6 ദിവസത്തോളം മാനന്തവാടി മെഡിക്കൽ കോളേജ് അടക്കമുള്ള ആശുപത്രികൾ അടുത്തുണ്ടായിട്ടും അവിടെങ്ങളിൽ എത്തിക്കാതെ മൃതദേഹം സ്വകാര്യ ആംബുലൻസ് ഡ്രൈവറുടെ വീടിനോട്‌ ചേർന്നുള്ള ഷെഡ്‌ഡിൽ ഫ്രീസറിലാക്കി സൂക്ഷിക്കുകയായിരിന്നു. ഇതിൽ…

പടിഞ്ഞാറത്തറ : പ്രായപൂർത്തിയാവാത്ത കുട്ടിക്കെതിരെ ലൈംഗികാതിക്രമം നടത്തിയ കേസിൽ പടിഞ്ഞാറത്തറ പേരാൽ തരിയോട് ചെറുകുഴി വീട്ടിൽ സി രതീഷ് (38) നെയാണ് കൽപ്പറ്റ ഫാസ്റ്റ് ട്രാക്ക് സ്‌പെഷ്യൽ കോടതി ജഡ്‌ജ് കെ. കൃഷ്ണ കുമാർ 5 വർഷത്തെ തടവിനും 35000 രൂപ പിഴയടക്കാനും ശിക്ഷിച്ചത്.   2022 ഏപ്രിൽ മാസത്തിലാണ് കേസിനസ്പദമായ സംഭവം നടന്നത്. ഇയാൾ കുട്ടി താമസിച്ചിരുന്ന വീട്ടിൽ അതിക്രമിച്ചു കയറി കുട്ടിക്കെതിരെ ലൈഗീകാതിക്രമം നടത്തുകയായിരുന്നു. അന്നത്തെ പടിഞ്ഞാറത്തറ പോലീസ് സ്റ്റേഷൻ സബ്ബ് ഇൻസ്പക്ടറായിരുന്ന വിമൽ…

ബത്തേരി: നിയോജക മണ്ഡലത്തിന്റെ പൂതാടി പഞ്ചായത്ത് ഉള്‍പ്പെടെയുള്ള വിവിധ പ്രദേശങ്ങളില്‍ വേനല്‍ മഴയിലും കാറ്റിലും ഇടിമിന്നലിലും ഉണ്ടായ വ്യാപക കൃഷി നാശവും, പട്ടികവര്‍ഗ ഉന്നതികളില്‍ ഉള്‍പ്പെടെയുള്ള വീടുകള്‍ക്കും മറ്റു കെട്ടിടങ്ങള്‍ക്കും ഉണ്ടായ നാശനഷ്ടങ്ങളും സംബന്ധിച്ച് റവന്യു, കൃഷി മറ്റിതര വകുപ്പുകള്‍ സംയോജിച്ച് പരിശോധന നടത്തുകയും അടിയന്തരമായി നഷ്ടപരിഹാരം ലഭ്യമാക്കുന്നതിന് ആവശ്യമായ നടപടികള്‍ സ്വീകരിക്കണമെന്നും ആവശ്യപ്പെട്ട് റവന്യു വകുപ്പ് മന്ത്രിക്കും പട്ടികവര്‍ഗ പട്ടികജാതി വകുപ്പ് മന്ത്രിക്കും ഐ സി ബാലകൃഷ്ണന്‍ എംഎല്‍എ കത്തയച്ചു. ബാങ്കില്‍ നിന്നും സ്വകാര്യ വ്യക്തികളില്‍…

മൂലങ്കാവ് യൂണിറ്റിലെ ജ്വാല സ്വാശ്രയ സംഘത്തിന്റെ വാർഷികാഘോഷം സുൽത്താൻ ബത്തേരി നഗരസഭ കൗൺസിലർ പ്രിയ വിനോദ് ഉദ്ഘാടനം ചെയ്തു.ബത്തേരി മേഖല പ്രോഗ്രാം ഓഫീസർ പോൾ പി.എഫ്. മുഖ്യസന്ദേശം നൽകി.സംഘം പ്രസിഡന്റ്‌ ഷാജിനി ബെന്നി അധ്യക്ഷത വഹിച്ചു. സെക്രട്ടറി ബിന്ദു സാബു വാർഷിക റിപ്പോർട്ട് അവതരിപ്പിച്ചു.യൂണിറ്റ് സി ഡി ഒ പുഷ്പലത,സെക്രട്ടറി ശ്രീജ എന്നിവർ സംസാരിച്ചു.വിവിധ മത്സരങ്ങൾ നടത്തി വിജയികൾക്ക് സമ്മാനങ്ങൾ നൽകി.പ്രായമായ അംഗങ്ങളെ ആദരിച്ചു.സ്നേഹ വിരുന്നോടെ സമാപിച്ചു.