ആദിവാസിയെ റോഡില് വലിച്ചിഴച്ചവര്ക്കെതിരേ വധശ്രമത്തിനു കേസെടുക്കണം: ഗോത്രമഹാസഭ
കല്പ്പറ്റ: പയ്യമ്പള്ളി ചെമ്മാട് ഉന്നതിയിലെ മാതനെ കൂടല്ക്കടവിനു സമീപം റോഡില് വലിച്ചിഴച്ച സംഭവത്തില് പ്രതികള്ക്കെതിരേ വധശ്രമത്തിന് കേസെടുക്കണമെന്ന് ആദിവാസി ഗോത്രമഹാസഭ സംസ്ഥാന കണ്വീനര് എം. ഗീതാനന്ദന്, സംസ്ഥാന സമിതി അംഗങ്ങളായ രമേശന് കൊയാലിപ്പുര, ഗോപാലന് മരിയനാട് എന്നിവര് വാര്ത്താസമ്മേളനത്തില് ആവശ്യപ്പെട്ടു. മാതനെ റോഡില് വലിച്ചിഴച്ചവര്ക്കെതിരേ കൃത്യത്തിന്റെ കാഠിന്യം അനുസരിച്ചുള്ള കുറ്റങ്ങള് ചുമത്തിയിട്ടില്ല. പ്രതികള്ക്കു രക്ഷപ്പെടാന് പഴുതു നല്കുന്ന വിധത്തിലാണ് എഫ്ഐആര് തയാറാക്കിയത്. ഭാരതീയ ന്യായ സംഹിതയിലെ 296(ബി), 351(2), 126(2), 115(2), 110, 3(5) വകുപ്പുകള് പ്രകാരമാണ്…
