കൽപറ്റ: ജില്ലയില്‍ കാല വര്‍ഷക്കെടുതിയുടെ പശ്ചാത്തലത്തില്‍ 8 ദുരിതാശ്വാസ ക്യാംപുകളാണ് പ്രവര്‍ത്തിക്കുന്നത്. 183 കുടുംബങ്ങളിലെ 207 പുരുഷന്‍മാരും 196 സ്ത്രീകളും 132 കുട്ടികളും ഉള്‍പ്പെടെ 535 പേരാണ് ക്യാംപുകളിലുള്ളത്. മുണ്ടക്കൈ- ചൂരല്‍ മല ദുരന്തത്തിന്റെ ഭാഗമായി 6 ക്യാംപുകളും പ്രവര്‍ത്തിക്കുന്നുണ്ട്. 162 കുടുംബങ്ങളിലെ 179 പുരുഷൻമാരും 168 സ്ത്രീകളും 117 കുട്ടികളും ഉൾപ്പെടെ 464 പേരാണുള്ളത്.

മാനന്തവാടി : മാനന്തവാടി മുൻസിപ്പാലിറ്റി 26-ാം ഡിവിഷൻ ഹെൽത്ത് സാനിറ്റേഷൻ ആൻഡ് ന്യൂട്രീഷൻ കമ്മിറ്റിയുടെ നേതൃത്വത്തിൽ, ശുചീകരണ വാരാഘോഷം സംഘടിപ്പിച്ചു. മാനന്തവാടി കോൺവെന്റ് കുന്ന് കോളനിയിൽ ഡിവിഷൻ കൗൺസിലർ അരുൺ കുമാർ ബീ.ഡി ഉദ്ഘാടനം ചെയ്തു. വാർഡ് കൺവീനർ, ഡിവിഷനിലെ വാർഡ് ഹെൽത്ത് സാനിറ്റേഷൻ ആൻഡ് ന്യൂട്രീഷൻ കമ്മിറ്റി അംഗങ്ങൾ, കുടുംബശ്രീ പ്രവർത്തകർ, ഹരിത കർമ്മ സേന അംഗങ്ങൾ, റസിഡൻഷ്യൽ അസോസിയേഷൻ അംഗങ്ങൾ, രാഷ്ട്രീയ സാമൂഹ്യ സന്നദ്ധ പ്രവർത്തകർ, അംഗൻവാടി വർക്കേഴ്സ് എന്നിവർ പങ്കാളികളായി.

മാനന്തവാടി: കൊയിലേരി ചോല വയലിന് സമീപം പുഴയിൽ നിന്നും കണ്ടെത്തിയ മൃതദേഹം തിരിച്ചറിഞ്ഞു. പടിഞ്ഞാറത്തറ അരമ്പറ്റക്കുന്ന് സ്വദേശിയായ ചെറുകുളത്ത് വീട്ടിൽ ബാലകൃഷ്ണന്റെ മകൻ സുജിത്ത് കുമാർ (38) ആണ് മരിച്ചത്. ഇദ്ദേഹത്തെ 10.9.2014 ന് കൊയിലേരിയിൽ നിന്നും കാണാതായതായി കാണിച്ച് ബന്ധുക്കൾ മാനന്തവാടി പോലീസിൽ പരാതി നൽകിയിരുന്നു. തുടർന്ന് മൃതദേഹം ഇന്ന് പുഴയിൽ നിന്നും കണ്ടെത്തുകയായിരുന്നു. മാനന്തവാടി പോലീസ് സ്ഥലത്തെത്തി ഇൻക്വസ്റ്റ് നടപടികൾക്ക് ശേഷം മൃതദേഹം മാനന്തവാടി മെഡിക്കൽ കോളേജ് മോർച്ചറിയിലേക്ക് മാറ്റി.

പുതിയിടംകുന്ന് : വി. ചാവറ കുര്യാക്കോസ് ഏലിയാസ് പള്ളിയിൽ മിഷൻ ഞായർ ആചരിച്ചു. സീയോൻ ധ്യാന കേന്ദ്രം ഡയറക്ടർ ഫാ. ജിന്റോ തട്ടുപറമ്പിൽ വി. കുർബാന അർപ്പിച്ചു വചന സന്ദേശം നൽകി. മിഷൻ ചൈതന്യത്താൽ നിറഞ്ഞ വർണ്ണാഭമായ മിഷൻ റാലിയും വി. കൊച്ചുത്രേസ്യയുടെ ജീവിതത്തെ ആസ്പദമാക്കി അവതരിപ്പിച്ച നൃത്തവും പരിപാടിയെ വേറിട്ടതാക്കി. വിവിധ മത്സരങ്ങളിൽ വിജയികളായവർക്ക് ഫാ. ജിന്റോ തട്ടുപറമ്പിൽ, വികാരി ഫാ. ജസ്റ്റിൻ മുത്താനിക്കാട്ട് എന്നിവർ സമ്മാനങ്ങൾ നൽകി. പരിപാടികൾക്ക് ശേഷം എല്ലാവർക്കും നേർച്ചഭക്ഷണം വിതരണം…