കൽപ്പറ്റ : മുണ്ടക്കൈ-ചൂരല്‍മല ദുരിന്തബാധിതരുടെ പുനരധിവാസ പ്രവര്‍ത്തനം ലക്ഷ്യമാക്കി മേപ്പാടി ഗ്രാമപഞ്ചായത്ത് തയ്യാറാക്കുന്ന വിവിധ വികസന പദ്ധതികള്‍ക്ക് വയനാട് ജില്ലാ പഞ്ചായത്ത് അഞ്ച് കോടി രൂപ സഹായം നല്‍ക്കാന്‍ ഭരണസമിതി തീരുമാനിച്ചു. ദുരന്ത പ്രദേശത്തെ വികസന-ക്ഷേമ-പുനരുദ്ധാരണ പ്രവര്‍ത്തനങ്ങള്‍ക്കാണ് തുക വിനിയോഗിക്കുക. ജില്ലാ പഞ്ചായത്തിന് കീഴിലെ മുഴുവന്‍ ഡിവിഷനുകളിലെയും പുതുതായി നടപ്പാക്കുന്ന വികസന പദ്ധതികള്‍ പൂര്‍ണ്ണമായി മാറ്റിവെച്ചാണ് തുക കണ്ടെത്തിയത്. ആവശ്യമെങ്കില്‍ കൂടുതല്‍ തുക അനുവദിക്കാന്‍ ഭരണസമിതി ആലോചിച്ച് തീരുമാനിക്കും. മേപ്പാടി ഗ്രാമപഞ്ചായത്തില്‍ നടപ്പാക്കാന്‍ വിവിധ വികസന പദ്ധതികള്‍…