കൊച്ചി : കെരളത്തിലെ സിപിഐയുടെ കരുത്തുറ്റ നേതാവായ കാനം രാജേന്ദ്രന് (73) വിദ്യാര്ത്ഥി രാഷ്ട്രീയത്തിലൂടെയാണ് രാഷ്ട്രീയരംഗത്തേക്ക് കടന്നുവരുന്നത്. കോട്ടയം ജില്ലയിലെ കാനം എന്ന ഗ്രാമത്തില് വി.കെ. പരമേശ്വരന് നായരുടെ മകനായി 1950 നവംബര് 10നാണ് കാനം രാജേന്ദ്രന്റെ ജനനം.
1978-ല് സി.പി.ഐ.യുടെ സംസ്ഥാന സെക്രട്ടേറിയറ്റിലേക്ക് തെരഞ്ഞെടുക്കപ്പെട്ടു.1982ല് വാഴൂര് നിയോജകമണ്ഡലത്തില് നിന്നും 7-ാമത് കേരള നിയമസഭയിലേയ്ക്ക് ആദ്യമായി തെരഞ്ഞെടുക്കപ്പെട്ടു. 1987ല് വാഴൂര് നിയോജകമണ്ഡലത്തില് നിന്നും എം എല് എ ആയി വീണ്ടും തെഞ്ഞെടുക്കപ്പെട്ടു. 2006-ല് എ.ഐ.ടി.യു.സി.യുടെ സംസ്ഥാന ജനറല് സെക്രട്ടറിയായി. 2012 ല് സിപിഐ ദേശീയ എക്സിക്യുട്ടീവ് അംഗവുമായി. 2015ല് കാനം രാജേന്ദ്രന് കമ്മ്യൂണിസ്റ്റ് പാര്ട്ടി ഓഫ് ഇന്ത്യയുടെ കേരള സംസ്ഥാന കമ്മിറ്റി സെക്രട്ടറിയായി തെരഞ്ഞെടുക്കപ്പെട്ടു. ആള് ഇന്ത്യ യൂത്ത് ഫെഡറേഷന് കേരള സംസ്ഥാന കമ്മിറ്റി സെക്രട്ടറിയും, ആള് ഇന്ത്യ ട്രെയ്ഡ് യൂണിയന് കോണ്ഗ്രസ്സ് കേരള സംസ്ഥാന കമ്മിറ്റി സെക്രട്ടറിയുമായിരുന്നു
കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. ആരോഗ്യ പ്രശ്നങ്ങള് മൂലം ഏറെ നാളായി പാര്ട്ടിയുടെ സജീവ പ്രവര്ത്തനങ്ങളില് നിന്ന് മാറി നിന്നിരുന്ന കാനം രാജേന്ദ്രന്റെ കാല്പ്പാദം അടുത്തിടെ മുറിച്ച് മാറ്റിയിരുന്നു.
