ദ്വിദിന പ്രവൃത്തി പരിചയ ശിൽപശാല സംഘടിപ്പിച്ചു

കാട്ടിക്കുളം: പൊതുവിദ്യാഭ്യാസ വകുപ്പ് ജില്ലയിലെ 22 വിദ്യാലയങ്ങളിൽ നടപ്പിലാക്കുന്ന പ്രത്യേക പഠനപരിപോഷണ പരിപാടിയുടെ ജി എച്ച് എസ് കാട്ടിക്കുളം പദ്ധതിയായ PACE – 40 യുടെ ഭാഗമായി വിദ്യാർഥികൾക്ക് ദ്വിദിന പ്രവൃത്തി പരിചയ ശിൽപശാല സംഘടിപ്പിച്ചു. സ്പെഷ്യലിസ്റ്റ് അധ്യാപകരായ ശ്രീമതി ജിജി പോൾ വാളാട്, റോസമ്മ ചാക്കോ കാട്ടിക്കുളം, അമ്പിളി സി ബി ആറാട്ടുതറ എന്നിവർ സ്റ്റഫ്ഡ് ടോയ്സ്, കുട നിർമാണം എന്നിവയിൽ കുട്ടികൾക്ക് വിദഗ്ധ പരിശീലനം നൽകി. പുതിയ വിദ്യാഭ്യാസ പദ്ധതി വിഭാവനംചെയ്യുന്ന തൊഴിൽ നൈപുണി വികാസം ഇതിലൂടെ സാധ്യമാക്കാൻ കഴിയുന്നു. ഭാവിയിൽ ‘സ്വന്തം പ്രയത്നം സ്വന്തം സമ്പാദ്യം’ എന്ന ഈ പദ്ധതി ആശയത്തിലൂടെ ആത്മവിശ്വാസം കൈവരിക്കാനും വിദ്യാർഥികൾക്ക് സാധിക്കും.