റാഗിങ് വിരുദ്ധ നിയമം പരിഷ് കരിക്കണം: ഹൈക്കോടതി

തിരുവനന്തപുരം: സംസ്ഥാനത്തെ റാഗിങ് വിരുദ്ധ നിയമം പരിഷ് കരിക്കണമെന്ന് ഹൈക്കോടതി.റാഗിങ് വിരുദ്ധ നിയമത്തിന് യുജിസി മാർഗ്ഗനിർദ്ദേശങ്ങളുടെ പശ്ചാത്തലത്തിൽ ചട്ടങ്ങൾ രൂപീകരിക്കണം.പൊതുതാൽപര്യ ഹർജിയിലാണ് ഹൈക്കോടതി പ്രത്യേക ഡിവിഷൻ ബെഞ്ചിന്റെ ഉത്തരവ്.റാഗിങ് തടയാൻ സർക്കാർ കർശന നടപടികൾ സ്വീകരിക്കണമെന്നും ഹൈക്കോടതി കൂട്ടിച്ചേർത്തു.റാഗിങ് വിരുദ്ധ സമിതികളെ സംബന്ധിച്ച് ചട്ടങ്ങളിൽ നിർവ്വചിക്കണമെന്നും ഹൈക്കോടതി നിർദ്ദേശങ്ങൾ നടപ്പാക്കി അറിയിക്കണമെന്നും ഡിവിഷൻ ബെഞ്ചിന്റെ ഉത്തരവ്. റാഗിങ് കർശനമായി തടയുന്നതിന് നിയമ പരിഷ് കരണം അനി വാര്യം. സംസ്ഥാന നിയമ സേവന അതോറിറ്റിയുടെ ഹർജിയിൽ യുജിസിയെ കക്ഷി ചേർത്തു. നിയമത്തിൽ മാറ്റം വരുത്തുന്നതിൽ പഠനം നടത്തണമെന്ന് ഹൈക്കോടതി വ്യക്തമാക്കി. ഇതിനായി വർക്കിംഗ് ഗ്രൂപ്പ് രൂപീകരിക്കണം. വിവിധ മേഖലകളിലെ വിദഗ്ധരെ ഉൾപ്പെ ടുത്തികൊണ്ടായിരിക്കണം വർക്കിംഗ് ഗ്രൂപ്പ് രൂപീകരിക്കേണ്ടത്. സംസ്ഥാന ജില്ലാ തല റാഗിങ് വിരുദ്ധ സമിതി പ്രവർത്തിക്കുന്നുവെന്ന് ഉറപ്പാക്കണം.