കൽപ്പറ്റ: മുണ്ടക്കൈ-ചൂരല്മല പുനരധിവാസ ടൗണ്ഷിപ്പിലേക്കുള്ള ആദ്യഘട്ട ഗുണഭോക്തൃ പട്ടികയിലെ 107 ആളുകളെ നേരില് കണ്ടു.
ആദ്യ ദിനത്തില് 125 ഗുണഭോക്താക്കള്ക്കാണ് ജില്ലാ ദുരന്ത നിവാരണ വിഭാഗം ചെയര്പേഴ്സണ് കത്ത് നല്കിയത്. 107 പേരാണ് കളക്ടറേറ്റില് എത്തിയത്. ഇതില് 12 പേര് വീടിനായി സമ്മതപത്രം നല്കി. ഒരാള് സാമ്പത്തിക സഹായത്തിന് സമ്മതപത്രം നല്കി. ടൗണ്ഷിപ്പ് നിര്മ്മാണത്തിനായി കല്പ്പറ്റ എല്സ്റ്റണ് എസ്റ്റേറ്റില് കണ്ടെത്തിയ 64 ഹെക്ടര് സ്ഥലത്ത് നിര്മ്മിക്കുന്ന ടൗണ്ഷിപ്പില് 1000 ചതുരശ്ര അടിയുള്ള വാസഗൃഹം, അല്ലാത്തവര്ക്ക് 15 ലക്ഷം രൂപയുടെ സാമ്പത്തിക സഹായം സംബന്ധിച്ച് സമ്മതപത്രം സ്വീകരിക്കുന്നതിനായി നടത്തിയ ആദ്യ ദിന കൂടിക്കാഴ്ചയില് മേപ്പാടി ഗ്രാമപഞ്ചായത്തിലെ 10, 11, 12 വാര്ഡുകളിലെ 107 ആളുകളെയാണ് ഇന്ന് സിവിൽ സ്റ്റേഷനിൽ നേരില് കണ്ടത്. ദുരന്തത്തില് വീട് നഷ്ടപ്പെട്ടവര്ക്ക് അതിവേഗം വീടെന്ന സര്ക്കാറിന്റെ പ്രഥമ പരിഗണന വേഗത്തിലാക്കുന്നതിന്റെ ഭാഗമായാണ് ആളുകളെ നേരില് കണ്ട് സംസാരിക്കുന്നത്.
മുണ്ടക്കൈ-ചൂരല്മല പുനരധിവാസം; ആദ്യ ദിനത്തില് 107 ആളുകളെ ജില്ലാ കളക്ടര് നേരില് കണ്ടു
