ഒരാഴ്ച നീണ്ട ക്യാമ്പിൽ കേരളത്തിലെ വിവിധ വിഷയങ്ങളിലെ വിദഗ്ധർ കുട്ടികളോട് സംസാരിക്കുകയും വിഷയങ്ങൾ അവതരിപ്പിക്കുകയും ചെയ്തു. കൂടാതെ കുട്ടികൾക്ക് വിവിധ ശാസ്ത്ര പ്രൊജക്ടുകൾ ഉണ്ടാക്കുന്നതിനായി വേണ്ട നിർദേശങ്ങൾ നൽകുകയും അവതരണങ്ങൾ നടത്തിപ്പിക്കുകയും ചെയ്തു. പക്ഷി നിരീക്ഷണം, മണ്ണിനെ കുറിച്ചും വെള്ളത്തെക്കുറിച്ചുമുള്ള പഠനം, കാലാവസ്ഥാ വ്യതിയാനം എന്നിങ്ങനെ വിവിധ വിഷയങ്ങൾ ക്യാമ്പിൽ ഉൾച്ചേർത്തിരുന്നു. കോഴിക്കോട്, കണ്ണൂർ, വയനാട് ജില്ലകളിൽ നിന്നുള്ള മുപ്പത്തി ഏഴു പഠിതാക്കളാണ് ക്യാമ്പിൽ പങ്കെടുത്തത്. പഠിതാക്കൾക്കുള്ള സർട്ടിഫിക്കറ്റുകളും, സമ്മാനങ്ങളും ഡി എഫ് ഒ ഹരിലാൽ നൽകി.
