അതി ദാരിദ്ര്യ നിർമ്മാർജ്ജന പ്രഖ്യാപനം നടത്തി മൂപൈനാട് ഗ്രാമപഞ്ചായത്ത്. ഗ്രാമപഞ്ചായത്ത് ഹാളിൽ നടന്ന പരിപാടിയിൽ അതിദാരിദ്ര്യ നിർമ്മാർജ്ജന പ്രഖ്യാപനം ഗ്രാമപഞ്ചായത്ത് പ്രസിഡന്റ് ആർ.ഉണ്ണികൃഷ്ണൻ നിർവഹിച്ചു. രണ്ട് കുടുംബങ്ങൾക്ക് ഭൂമി, മൂന്ന് കുടുംബങ്ങൾക്ക് വീട്, 42 കുടുംബങ്ങൾക്ക് ഭക്ഷണ കിറ്റ് എന്നിവയ്ക്ക് പുറമെ മരുന്ന് ആവശ്യമുള്ള 20 കുടുംബങ്ങൾക്കും പഞ്ചായത്ത് സേവനം നൽകി. ഗ്രാമപഞ്ചായത്ത് വൈസ് പ്രസിഡന്റ് ഷൈബാൻ സലാം അധ്യക്ഷനായ പരിപാടിയിൽ സ്ഥിരം സമിതി അധ്യക്ഷരായ കെ.റഫീഖ്, പി.കെ സാലിം, ഡയാന മച്ചാഡോ അംഗങ്ങളായ വി.എൻ ശശീന്ദ്രൻ, യശോദ, ശശിധരൻ, വി.ഇ.ഒ നൗഫൽ എന്നിവർ പങ്കെടുത്തു.
അതി ദാരിദ്ര നിർമ്മാർജ്ജന പ്രഖ്യാപനവുമായി മൂപൈനാട് പഞ്ചായത്ത്
