“ഒന്നിക്കാം ലഹരിക്കെതിരെ” സർക്കാർ ഉദ്യോഗസ്ഥർക്കായുള്ള സെമിനാർ സംഘടിപ്പിച്ചു.

കൽപ്പറ്റ: കേരള പിറവി ദിനത്തിൽ സർക്കാർ ഉദ്യോഗസ്ഥരെ പങ്കെടുപ്പിച്ചുകൊണ്ട് “ഒന്നിക്കാം ലഹരിക്കെതിരെ”

ജില്ലാതല ബോധവൽക്കരണ സെമിനാർ കൽപ്പറ്റ സിവിൽ സ്റ്റേഷൻ ഹാളിൽ വച്ച് സംഘടിപ്പിച്ചു. ചടങ്ങിന് ഡെപ്യൂട്ടി എക്സൈസ് കമ്മീഷണർ എ. ജെ.ഷാജി സ്വാഗതം ആശംസിച്ചു. ഉത്തര മേഖല ജോയിൻറ് എക്സൈസ് കമ്മീഷണർ എം. സുഗുണൻ അധ്യക്ഷത വഹിച്ചു. അഡീഷണൽ ഡിസ്ട്രിക്ട് മജിസ്ട്രേറ്റ് കെ. ദേവകി ഉദ്ഘാടന കർമ്മം നിർവഹിച്ചു.ഗവൺമെൻറ് മെഡിക്കൽ കോളേജ് മാനന്തവാടിയിലെ മാനസികാരോഗ്യ വിഭാഗം ഡോക്ടർ കെ.ജംഷീല ലഹരി വിരുദ്ധ ബോധവൽക്കരണ സെമിനാർ നയിച്ചു അസിസ്റ്റൻറ് എക്സൈസ് കമ്മീഷണറും വിമുക്തി മാനേജരുമായ സജിത് ചന്ദ്രൻ ആശംസകൾ അർപ്പിച്ചു. ഇൻസ്പെക്ടർ ടി. ഷറഫുദ്ദീൻ നന്ദി പ്രകാശനം നടത്തി.