പുൽപള്ളി :പരിശുദ്ധ യാക്കോബായ സുറിയാനി ക്രിസ്ത്യാനി സഭ മലബാർ ഭദ്രാസനത്തിന്റെ ആഭിമുഖ്യത്തിൽ സംഘടിപ്പിച്ച ‘ദർശന ദീപം’ സംയുക്ത സമ്മേളനം സർവമത തീർഥാടന കേന്ദ്രമായ ചീയമ്പം മോർ ബസേലിയോസ് യാക്കോബായ സുറിയാനി പള്ളിയിൽ സമാപിച്ചു. ഞായറാഴ്ച ഉച്ചയ്ക്ക് 2 മണി മുതൽ വൈകുന്നേരം 4.30 വരെയായിരുന്നു പരിപാടി.
ഭദ്രാസന സെക്രട്ടറി ഫാ. ബേസിൽ പോൾ കരനിലത്ത് സമ്മേളനത്തിൽ സ്വാഗത പ്രസംഗം നടത്തി. മലബാർ ഭദ്രാസനാധിപൻ ഗീവർഗീസ് മോർ സ്തേഫാനോസ് മെത്രാപ്പോലീത്ത സമ്മേളനത്തിൽ അനുഗ്രഹ പ്രഭാഷണം നടത്തി.തുടർന്ന് ബിജു എം. കെ. മത്തോക്കിൽ സമ്മേളന പ്രതിനിധികൾക്കായി പ്രത്യേക ക്ലാസ് നയിച്ചു. ഇടവകകളുടെ ഭാവി പ്രവർത്തനങ്ങൾക്കും ആത്മീയ ഉണർവിനും ഊന്നൽ നൽകിക്കൊണ്ടായിരുന്നു ക്ലാസുകൾ. വൈദിക സെക്രട്ടറി ഫാ. മത്തായികുഞ്ഞ് ചാത്തനാട്ടുകുടി സമ്മേളനത്തിന് ആശംസകൾ അറിയിച്ചു സംസാരിച്ചു.ചടങ്ങിൽ ഭദ്രാസന ജോയിൻ്റ് സെക്രട്ടറി ബേബി വാളങ്കോട്ട് നന്ദി പ്രകാശനം നിർവഹിച്ചു.
ഭദ്രാസനത്തിലെ വൈദിക ശ്രേഷ്ഠർ, സഭാ മാനേജിങ് കമ്മിറ്റിയംഗങ്ങൾ, ഭദ്രാസന കൗൺസിൽ അംഗങ്ങൾ, വിവിധ പള്ളികളിലെ ട്രസ്റ്റിമാർ, സെക്രട്ടറിമാർ, പള്ളി മാനേജിങ് കമ്മിറ്റിയംഗങ്ങൾ, ഓഡിറ്റേഴ്സ്, ഭക്ത സംഘടന ഭദ്രാസന ഭാരവാഹികൾ, ജെയ്ക്സ് ഡയറക്ടർ ബോർഡ് അംഗങ്ങൾ തുടങ്ങി നിരവധി പേർ ഈ സംയുക്ത സമ്മേളനത്തിൽ പങ്കെടുത്തു. ഭദ്രാസനത്തിന്റെ വിവിധ തലങ്ങളിലുള്ള ഭാരവാഹികളുടെ സജീവ പങ്കാളിത്തം കൊണ്ട് സമ്മേളനം ശ്രദ്ധേയമായി.ചടങ്ങിൽ ഭദ്രാസന ജോയിൻ്റ് സെക്രട്ടറി ബേബി വാളങ്കോട്ട് നന്ദി പ്രകാശനം നിർവഹിച്ചു.ഭദ്രാസനത്തിലെ വൈദിക ശ്രേഷ്ഠർ, സഭാ മാനേജിങ് കമ്മിറ്റിയംഗങ്ങൾ, ഭദ്രാസന കൗൺസിൽ അംഗങ്ങൾ, വിവിധ പള്ളികളിലെ ട്രസ്റ്റിമാർ, സെക്രട്ടറിമാർ, പള്ളി മാനേജിങ് കമ്മിറ്റിയംഗങ്ങൾ, ഓഡിറ്റേഴ്സ്, ഭക്ത സംഘടന ഭദ്രാസന ഭാരവാഹികൾ, ജെയ്ക്സ് ഡയറക്ടർ ബോർഡ് അംഗങ്ങൾ തുടങ്ങി നിരവധി പേർ ഈ സംയുക്ത സമ്മേളനത്തിൽ പങ്കെടുത്തു. ഭദ്രാസനത്തിന്റെ വിവിധ തലങ്ങളിലുള്ള ഭാരവാഹികളുടെ സജീവ പങ്കാളിത്തം കൊണ്ട് സമ്മേളനം ശ്രദ്ധേയമായി.
