മലപ്പുറം]മലപ്പുറം കുറ്റിപ്പുറത്ത് സ്വകാര്യബസ് തലകീഴായി മറിഞ്ഞുള്ള അപകടത്തിൽ ഒരാൾ മരിച്ചു. നിരവധിപ്പേർക്ക് പരുക്ക്. ഇതിൽ മൂന്നുപേരുടെ നില ഗുരുതരമാണ്.
കോഴിക്കോട് -തൃശൂർ ബസാണ് അപകടത്തിൽപ്പെട്ടത്. കുറ്റിപ്പുറം ദേശീയപാതയിൽ വച്ച് നിയന്ത്രണം വിട്ട ബസ് ഓട്ടോറിക്ഷയിൽ ഇടിച്ച ശേഷം കാറിന് മേലേക്ക് മറിയുകയായിരുന്നു.
രക്ഷാപ്രവർത്തനം തുടരുകയാണ്. പരുക്കേറ്റവരെ കോട്ടപ്പുറത്തെയും വളാഞ്ചേരിയിലെയും ആശുപത്രിയൽ പ്രവേശിപ്പിച്ചു.
ഓട്ടോറിക്ഷയിലും കാറിലുമുണ്ടായിരുന്നവർക്കാണ് ഗുരുതരമായ പരുക്കേറ്റത്. ദേശീയപാതയിലൂടെയുള്ള ഗതാഗതം താൽകാലികമായി സ്തംഭിച്ചിട്ടുണ്ട്.
