കൽപറ്റ: ആരോഗ്യ വകുപ്പിന്റെ നേതൃത്വത്തില് ലോക കാഴ്ച ദിനത്തോടനുബന്ധിച്ച് ജില്ലയിലെ ഹൈസ്കൂള് വിദ്യാര്ഥികള്ക്കായി കുട്ടികളെ, ‘നിങ്ങളുടെ കണ്ണുകളെ സ്നേഹിക്കൂ’എന്ന വിഷയത്തില് പോസ്റ്റര് രചനാ മത്സരം സംഘടിപ്പിച്ചു. ജില്ലയിലെ വിവിധ സ്കൂളുകളില് നിന്നായി 30 വിദ്യാര്ഥികള് മത്സരത്തില് പങ്കെടുത്തു. കമ്പളക്കാട് കാപ്പിലോ ഓഡിറ്റോറിയത്തില് നടന്ന മത്സരം ദേശീയ അന്ധതാ കാഴ്ച വൈകല്യ നിയന്ത്രണ പരിപാടി ജില്ലാ പ്രോഗ്രാം ഓഫിസര് ഡോ പ്രിയ സേനന് ഉദ്ഘാടനം ചെയ്തു. ജില്ലാ മാസ് മീഡിയ ഓഫിസര് ഹംസ ഇസ്മാലി, ഡെപ്യൂട്ടി ജില്ലാ മാസ് മീഡിയ ഓഫിസര് കെ മുഹമ്മദ് മുസ്തഫ, ജില്ലാ ഒഫ്താല്മിക് കോ-ഓര്ഡിനേറ്റര് കെ. മനോജ് കുമാര്, സീനിയര് ഒപ്റ്റോമെട്രിസ്റ്റ് സലീം അയാത്ത്, ഒപ്റ്റോമെട്രിസ്റ്റ്മാരായ കെ.പി സോന, എം.എ ഷഹന എന്നിവര് സംസാരിച്ചു. മത്സരത്തില് വിജയികളായ ഒന്ന്, രണ്ട്, മൂന്ന് സ്ഥാനം നേടിയവര്ക്ക് ബത്തേരി അസംപ്ഷന് സ്കൂളില് നടക്കുന്ന ലോക കാഴ്ച ദിനാചരണം ജില്ലാതല ഉദ്ഘാടന പരിപാടിയില് ക്യാഷ് അവാര്ഡും സര്ട്ടിഫിക്കറ്റുകളും വിതരണം ചെയ്യും.
Headlines
