പുൽപ്പള്ളി: ടൗണിൽ ഒറ്റ രാത്രി അഞ്ച് സ്ഥാപനങ്ങളിൽ പൂട്ട് തകർത്ത് മോഷണം നടത്തിയവരെ എത്രയും വേഗം പിടികൂടി നിയമത്തിനു മുന്നിൽ നിർത്തണമെന്ന് മർച്ചന്റ്സ് അസോസിയേഷൻ ഭരണസമിതി യോഗം ആവശ്യപ്പെട്ടു. കഴിഞ്ഞ ദിവസം പുലർച്ചെ രണ്ടിനും നാലിനും ഇടയിൽ പച്ചക്കറിക്കകടയിലും രണ്ട് പലചരക്കുകടകളിലും ഇൻഷ്വറൻസ് ഓഫീസിലും മൊത്തക്കച്ചവട സ്ഥാപനത്തിലുമാണ് കള്ളൻ കയറിയത്. ടൗണിൽ സിസിടിവി കാമറകൾ സ്ഥാപിക്കാത്തതും എല്ലായിടത്തും തെരവുവിളക്ക് ഇല്ലാത്തതും മോഷ്ടാക്കൾക്ക് സൗകര്യമാകുകയാണെന്നു യോഗം ചൂണ്ടിക്കാട്ടി. പ്രസിഡന്റ് മാത്യു മത്തായി ആതിര അധ്യക്ഷത വഹിച്ചു
മോഷ്ടാക്കളെ പിടികൂടണം: മർച്ചന്റ്സ് അസോസിയേഷൻ
