മാനന്തവാടി: ജോയ് പാലക്കമൂല എഴുതിയ ചെറുവയൽ രാമൻ-കൃഷിയും ചിന്തകളും എന്ന പുസ്തകത്തിൻ്റെ പ്രകാശനം പട്ടികജാതി പട്ടികവർഗ വികസന മന്ത്രി ഒ.ആർ കേളു നിർവഹിച്ചു. വളർന്നു വരുന്ന ജനതയ്ക്കുള്ള സന്ദേശമാണ് ചെറുവയൽ രാമൻ്റെ ജീവിതവും, കൃഷിയും. അന്യം വന്നു പോകുന്ന കാർഷിക സംസ്കാരം, പുതിയ തലമുറകളിലേയ്ക്കു പകർന്നു നൽകുക എന്നതാണ് ഈ പുസ്തകത്തിൻ്റെ പ്രസക്തി എന്ന് അദ്ദേഹം അഭിപ്രായപ്പെട്ടു. ചെറുവയലിലെ രാമൻ്റെ വീട്ടിൽ നടന്ന ചടങ്ങിൽ ഏച്ചോം ഗോപി ആദ്യ പ്രതി ഏറ്റുവാങ്ങി. ചെറുവയൽ രാമൻ അധ്യക്ഷത വഹിച്ചു….

  മേപ്പാടി: ചൂരൽമല ദുരന്തബാധിതർക്കു വിതരണം ചെയ്തത് ഭക്ഷ്യവസ്തുക്കളിൽ പുഴുവരിച്ച സംഭവത്തിൽ പ്രതിഷേധിച്ച് ഡി വൈ എഫ് ഐ യുടെയും ദുരന്തബാധിതരുടെയും പ്രതിഷേധം പഞ്ചായത്ത് ഓഫിസിൽ അരങ്ങേറി. പ്രതിഷേധം പഞ്ചായത്ത് ഓഫിസിനുള്ളിലേക്ക് കടന്നു സംഘർഷത്തിലെത്തി. റവന്യൂ വകുപ്പ് നൽകിയ കിറ്റുകൾ ഉദ്യോഗസ്ഥരാണ് വിതരണം ചെയ്തതെന്ന് പഞ്ചായത്ത് ഭരണ സമിതി അറിയിച്ചു. ഗുണനിലവാരമുള്ള ഭക്ഷ്യ കിറ്റുകൾ ഇന്നുതന്നെ വിതരണം ചെയ്യുമെന്ന ഉറപ്പിൽ പ്രതിഷേധം അവസാനിപ്പിച്ചു

പൊരുന്നന്നൂർ: പൊരുന്നന്നൂർ സാമൂഹിക ആരോഗ്യ കേന്ദ്രത്തിൽ നിന്നും സ്‌തുത്യർഹമായ സേവനത്തിന് ശേഷം ട്രാൻസ്‌ഫറായി പോകുന്ന മെഡിക്കൽ ഓഫീസർ ഡോ. ഉമേഷ് പി.കെ, ഡോ. ഗീതു, ക്ലർക്ക് ജ്യോതിലക്ഷ്‌മി, ഡ്രൈവർ പ്രകാശൻ എന്നിവർക്ക്‌ ഹോസ്‌പിറ്റൽ മാനേജ്മെന്റ് കമ്മിറ്റി, സ്റ്റാഫ് കൗൺസിൽ എന്നിവയുടെ നേതൃത്വത്തിൽ യാത്രയയപ്പ് നൽകി. സ്റ്റാഫ് കൗൺസിൽ സെക്രട്ടറി ദിവ്യ സ്വാഗതം ആശംസിച്ചു. മാനന്തവാടി ബ്ലോക്ക് പഞ്ചായത്ത് പ്രസിഡന്റ്റ് ജസ്റ്റിൻ ബേബി അധ്യക്ഷത വഹിച്ചു സ്ഥലം മാറി പോകുന്നവർക്ക് യോഗത്തിൽ വെച്ച് ഉപഹാരങ്ങൾ സമർപ്പിച്ചു. ആശംസ അറിയിച്ചുകൊണ്ട്…