തരുവണ: മുപ്പത്തി ഒന്നാമത് എസ്എസ്എഫ് വയനാട് ജില്ലാ സാഹിത്യോത്സവിന് തരുവണയില്‍ തുടക്കമായി. 5 ഡിവിഷനുകളില്‍ നിന്നായി 1000ല്‍പരം പ്രതിഭകള്‍ മാറ്റുരക്കുന്ന സാഹിത്യോത്സവ് എസ്എസ്എഫ് സംസ്ഥാന പ്രസിഡന്റ് ഫിര്‍ദൗസ് സഖാഫി ഉദ്ഘാടനം ചെയ്തു. പ്രതിസന്ധികളിലും മനുഷ്യരെ ചേര്‍ത്തി നിര്‍ത്തി മനോഹരമായ സാമൂഹിക സൃഷ്ടി രൂപപ്പെടുത്തലിന്റെ ആലോചനകളാണ് സാഹിത്യോത്സവുകളിലൂടെ സാധ്യമാക്കുന്നതെന്ന് ഉദ്ഘാടന ഭാഷണത്തില്‍ അദ്ദേഹം പറഞ്ഞു. സ്മാര്‍ട്ട് വയനാട് ഉള്‍പ്പെടെയുള്ള അതിജീവനത്തിനുള്ള ശ്രമങ്ങള്‍ നമ്മുടെ ഉത്തരവാദിത്തമാണെന്നും അദ്ദേഹം കൂട്ടിച്ചേര്‍ത്തു. കേരള സാഹിത്യ അക്കാദമി അവാര്‍ഡ് ജേതാവ് യു കെ കുമാരന്‍…

തരുവണ: ദുരന്തങ്ങളില്‍ നിന്ന് പാഠമുള്‍ക്കൊണ്ട് പ്രതിസന്ധികളെ വിശ്വാസംകൊണ്ട് അതിജയിക്കണമെന്ന് എസ് വൈ എസ് സംസ്ഥാന സെക്രട്ടറി ഡോ. മുഹമ്മദ് ഫാറൂഖ് നഈമി അല്‍ ബുഖാരി പറഞ്ഞു. എസ് എസ് എഫ് വയനാട് ജില്ലാ സാഹിത്യോത്സവിനോടനുബന്ധിച്ച് നടന്ന ആത്മീയ സംഗമത്തില്‍ പ്രഭാഷണം നടത്തുകയായിരുന്നു അദ്ദേഹം. ഏത് ദുരന്ത പശ്ചാത്തലത്തിലും നബിദിനാഘോഷങ്ങള്‍ ഉള്‍പ്പെടെയുള്ള സ്തകര്‍മങ്ങള്‍ വിപുലമായി സംഘടിപ്പിക്കാനും ഇതര ആര്‍ഭാടങ്ങളില്‍ നിന്ന് വിട്ട് നിന്ന് മാതൃക കാണിക്കണമെന്നും അദ്ദേഹം ആവശ്യപ്പെട്ടു. അതോടൊപ്പം തന്നെ ദുരിതബാധിതരെ ചേര്‍ത്തുപിടിക്കാനും അവര്‍ക്കാവശ്യമായതെല്ലാം ചെയ്തു കൊടുക്കണമെന്നും…

കല്‍പ്പറ്റ : മുണ്ടക്കൈ-ചൂരല്‍മല ദുന്തത്തിന്റെ പശ്ചാത്തലത്തില്‍ ക്യാമ്പുകളില്‍ കഴിഞ്ഞിരുന്ന ആളുകള്‍ക്ക് വാടക വീടുകളിലേക്ക് മാറുമ്പോള്‍ അവശ്യ സാധനങ്ങളും, ഫര്‍ണ്ണിച്ചര്‍, പാത്രങ്ങള്‍ ഉള്‍പ്പെടെയുള്ള ബാക്ക് ടു ഹോം കിറ്റുകള്‍ വിതരണം ചെയ്തു. കല്‍പ്പറ്റ എം എല്‍ എ അഡ്വ. ടി. സിദ്ധിഖ് നേതൃത്വം നല്‍കുന്ന എം എല്‍ എ കെയറിന്റെ ഭാഗമായിട്ടാണ് സാധന സാമഗ്രികള്‍ വിതരണം ചെയ്തത്. ദുരന്തമുണ്ടായി ദിവസങ്ങള്‍ക്ക് ഉള്ളില്‍ തന്നെ നിരവധിയായ പ്രവര്‍ത്തനങ്ങള്‍ എം എല്‍ എ കെയറിന്റെ ഭാഗമായി നടത്തി വരുന്നുണ്ട്. നേരത്തെ ദുരന്തമുണ്ടായ…

മാനന്തവാടി: ഓണക്കാലത്ത് പൂക്കളുടെ വിൽപന നടത്തി വിറ്റ് കിട്ടുന്ന തുകയ്ക്ക് ചെമ്പിലോട് എ.എൽ.പി സ്‌കൂളിലെ നിർധനരായ വിദ്യാർത്ഥികൾക്ക് പഠനോപകരണം വാങ്ങിക്കുവാൻ വേണ്ടിയുള്ള ഉദ്ദേശത്തോടെ കണ്ണൂര്‍ യൂണിവേഴ്‌സിറ്റി മാനന്തവാടി ടീച്ചര്‍ എഡ്യൂക്കേഷന്‍ സെന്ററിലെ എന്‍.എസ്.എസ് യൂണിറ്റുമായി സഹകരിച്ച് ചെണ്ടുമല്ലിതോട്ട കൃഷി നടത്തിയ വിദ്യാർത്ഥികൾക്ക് ക്ഷേമകാര്യ ചെയർമാൻ ഇനീഷ്യേയേറ്റീവ് ഗ്രാമാദരപത്രം നൽകി അനുമോദിച്ചു.വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണിയിൽ നിന്നും കോഴ്സ് ഡയറക്ടർ ഡോ. എം. പി അനിൽ, വിദ്യാർത്ഥിപ്രതിനികൾ ചേർന്ന് ഉപഹാരം ഏറ്റുവാങ്ങി….

മാനന്തവാടി: വയനാട് ജില്ലയിലെ വിവിധ വിദ്യാഭ്യാസ സ്ഥാപനങ്ങളിൽ നിന്ന് തെരഞ്ഞെടുക്കപ്പെട്ട ഗിഫ്റ്റഡ് ചിൽഡ്രൻ പഴശ്ശി ഗ്രന്ഥാലയം സന്ദർശിച്ചു. വായനയെ അറിയുവാനും അതിലെ വ്യത്യസ്തത തിരിച്ചറിയുവാനും എത്തിച്ചേർന്ന കുട്ടികളോട് മാനന്തവാടി ഗവ. കോളേജിലെ മലയാളവിഭാഗം മേധാവി ഡോക്ടർ രമേശൻ മാസ്റ്റർ സംസാരിച്ചു. മലയാള സാഹിത്യ മേഖലയിലെ സമസ്ത മേഖലകളെയും സ്പർശിച്ച് ഏറ്റവും ഹൃദ്യമായി അദ്ദേഹം കുട്ടികളോട് ഇടപെട്ടു. ഗിഫ്റ്റഡ് ചിൽഡ്രൻ വയനാട് ജില്ല കോ-ഓഡിനേറ്റർ സ്വാഗതം പറഞ്ഞു. പഴശ്ശി ഗ്രന്ഥാലയം സെക്രട്ടറി തോമസ് സേവ്യർ അദ്ധ്യക്ഷത വഹിച്ചു.

കല്‍പ്പറ്റ: ഉറ്റവരില്ലാതെ, പിറന്ന നാടും നാട്ടുകാരുമില്ലാതെ ഉള്ളുരുകുന്നവര്‍ക്ക് ആശ്വാസമേകാന്‍ ‘ഒപ്പം ചിരിക്കാം’ എന്ന പദ്ധതിയുമായി വയനാട് പോലീസ്. ചൂരല്‍മല, മുണ്ടക്കൈ പ്രദേശങ്ങളിലെ ദുരന്തത്തെ തുടര്‍ന്ന് വിവിധ സ്ഥലങ്ങളിലേക്ക് മാറ്റി പാര്‍പ്പിച്ച കുടുംബങ്ങള്‍ക്ക് സാന്ത്വനമേകുകയാണ് വയനാട് പോലീസ്. അതിജീവന പാത തേടുന്ന ഇവർ പുതുതായി താമസിക്കുന്ന വാടക വീടുകളിലും ബന്ധു വീടുകളിലുമെത്തി കുട്ടികൾക്കും മറ്റു കുടുംബാംഗങ്ങൾക്കും അതിജീവന കരുത്ത് പകരുകയാണ് പൊലീസ്. മാനസികാഘാത ലഘൂകരണമാണ് ലക്ഷ്യം. പദ്ധതിയുടെ ജില്ലാതല ഉദ്ഘാടനം വയനാട് ജില്ലാ പോലീസ് മേധാവി തപോഷ് ബസുമതാരി…

കൽപ്പറ്റ: പുനരധിവാസവുമായി ബന്ധപ്പെട്ട് ഓരോ കുടുംബത്തിന്റെയും വ്യക്തികളുടെയും സാമൂഹിക- സാമ്പത്തിക വിദ്യഭ്യാസ – തൊഴിൽ – ആരോഗ്യ സാഹചര്യങ്ങൾ പരിഗണിച്ച് പുനരധിവസിപ്പിക്കുന്നതിന് ആവശ്യമായ എല്ലാ വിവരങ്ങളും കുടുംബശ്രീയുടെ സഹായത്തോടെ ശേഖരിച്ചതായി ജില്ലാ കളക്ടർ ഡി.ആർ മേഘ ശ്രീ പറഞ്ഞു. മുഴുവൻ കുടുംബങ്ങളേയും കുറഞ്ഞ സമയം കൊണ്ട് താൽക്കാലികമായി പുനരധിവസിപ്പിക്കുന്നതിന് സാധിച്ചത് എല്ലാവരും കൂട്ടായി പ്രവർത്തിച്ചതിന്റെ ഫലമാണ്. ഇതിനായി അഹോരാത്രം പരിശ്രമിച്ച ഉദ്യോഗസ്ഥരേയും ജനപ്രതിനിധകളേയും സന്നദ്ധ പ്രവർത്തകരേയും കളക്ടർ അഭിനന്ദിച്ചു. സ്ഥിര പുനരധിവാസം നടത്തുന്നത് വരെ ഓരോത്തരും ഇപ്പോൾ…

കൽപ്പറ്റ : മുണ്ടക്കൈ ചൂരല്‍മല ഉരുള്‍പൊട്ടല്‍ ദുരന്തബാധിതരുടെ താത്കാലിക പുനരധിവാസം റെക്കോര്‍ഡ് വേഗത്തില്‍ പൂര്‍ത്തിയായി. ആഗസ്റ്റ് 30 നകം കുറ്റമറ്റ രീതിയില്‍ താത്കാലിക പുനരധിവാസം പൂര്‍ത്തിയാക്കുമെന്ന് മന്ത്രിസഭാ ഉപസമിതി അറിയിച്ചിരുന്നു. ശനിയാഴ്ച ഉച്ചയോടെ വെള്ളരിമല സ്വദേശി എ. നാസര്‍ കൂടി മേപ്പാടിയിലെ വാടക വീട്ടിലേക്ക് മാറിയതോടെ ക്യാമ്പിലുണ്ടയിരുന്ന 728 കുടുബങ്ങള്‍ക്കും താമസിക്കാനിടമായി. സര്‍ക്കാര്‍ ക്വാര്‍ട്ടേഴ്‌സുകള്‍, സര്‍ക്കാര്‍ സ്‌പോണ്‍സര്‍ ചെയ്ത വാടകവീടുകള്‍, ദുരന്തബാധിതര്‍ സ്വന്തം നിലയില്‍ കണ്ടെത്തിയ വാടകവീടുകള്‍, ബന്ധുവീടുകള്‍, സ്വന്തം വീടുകള്‍ എന്നിവിടങ്ങളിലേക്ക് 2569 പേരാണ് ദുരിതാശ്വാസ…