മുട്ടില്‍: യുദ്ധമല്ല, അധിനിവേശമാണ് അമേരിക്കയുടെയും ഇസ്രായേലിന്റെയും നേതൃത്വത്തില്‍ നടക്കുന്നതെന്നും കോര്‍പ്പറേറ്റ് രാഷ്ട്രീയ താത്പര്യങ്ങള്‍ സംരക്ഷിക്കാന്‍ അവര്‍ വിപണികളുടെ വൈവിധ്യങ്ങള്‍ ഇതിലൂടെ തുറക്കുകയാണെന്നും സാംസ്‌കാരിക പ്രവര്‍ത്തകന്‍ കെ.ഇ.എന്‍ കുഞ്ഞഹമ്മദ് അഭിപ്രായപ്പെട്ടു. ജനായത്ത മൂല്യങ്ങള്‍ ഉയര്‍ത്തിപ്പിടിക്കുന്നവര്‍ ഇതിനെതിരെ രംഗത്തു വരണമെന്നും അമേരിക്കയിലടക്കം അധിനിവേശത്തിനെതിരെ ജാഗ്രയുയര്‍ത്തുന്ന മനുഷ്യരുണ്ടെന്നും അദ്ദേഹം പറഞ്ഞു. മുട്ടില്‍ ഡബ്ല്യു.എം.ഒ ആര്‍ട് ആന്റ് സയന്‍സ് കോളേജില്‍ മലയാളവിഭാഗം സംഘടിപ്പിച്ച ശ്രീലത അനുസ്മരണത്തോടനുബന്ധിച്ച് യുദ്ധകാലത്തെ മനസ്സ് എന്ന വിഷയം അവതരിപ്പിച്ച് സംസാരിക്കുകയായിരുന്നു അദ്ദേഹം. പ്രിന്‍സിപ്പാള്‍ ഡോ.വിജി പോള്‍ ഉദ്ഘാടനം ചെയ്തു….

വിജ്ഞാന കേരളവും ജില്ലാ പഞ്ചായത്തും സംയുക്തമായി സംഘടിപ്പിച്ച തൊഴില്‍ മേളയില്‍ 55 ഉദ്യോഗാര്‍ത്ഥികള്‍ക്ക് നിയമനം. മുട്ടില്‍ ഡബ്ല്യൂ.എം.ഒ കോളേജില്‍ സംഘടിപ്പിച്ച വിജ്ഞാന കേരളം തൊഴില്‍മേള ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷഅണന്‍ ഉദ്ഘാടനം ചെയ്തു. തൊഴില്‍ അന്വേഷകര്‍ക്ക് അവസരങ്ങള്‍ കണ്ടെത്താനുള്ള ഫലപ്രദമായ വേദിയാണ് തൊഴില്‍ മേളകള്‍. അനുയോജ്യമായ തൊഴില്‍ ലഭ്യമാകുന്നതോടൊപ്പം പ്രമുഖ സ്ഥാപന പ്രതിനിധികളെ നേരിട്ട് പരിചയപ്പെടാനുള്ള അവസരങ്ങളാണ് മേളകളിലുടെ സാധ്യമാകുന്നതെന്നും ജില്ലാ പഞ്ചായത്ത് പ്രസിഡന്റ് അഭിപ്രായപെട്ടു. തൊഴില്‍ മേളയില്‍ 154 ഓളം ഉദ്യോഗാര്‍ത്ഥികള്‍ പങ്കെടുത്തു. മേളയില്‍…

മാനന്തവാടി : മാനന്തവാടിയിൽ വള്ളിയൂർക്കാവിൽ നിന്നും എരുമതെരുവ് ഭാഗത്തേക്ക് പോകേണ്ട വാഹനങ്ങൾ മാനന്തവാടി ജംഗ്ഷൻ എത്തുന്നതിന് മുമ്പ് വലത്തേക്ക് ഉള്ള വലിയ കയറ്റം കയറി കെഎസ്ആർടിസി ഡിപ്പോ വഴിയാണ് വാഹനങ്ങൾ പോകുന്നത്. എന്നാൽ കയറ്റം കയറി വരുമ്പോൾ കാട്ടിക്കുളത്തു നിന്നും മാനന്തവാടിയിലേക്ക് വരുന്ന വഴിയിലേക്കാണ് കയറുന്നത്. ഈ ഭാഗത്ത് ഒരു സ്പീഡ് ബ്രേക്കർ വയ്ക്കുകയാണ് എങ്കിൽ വാഹനങ്ങൾ സുഖവുമായി കയറി പോകുന്നതിനും അപകടങ്ങൾ ഉണ്ടാകാതിരിക്കുന്നതിനും നല്ലതാണ്. അധികൃതർ ഇതിന് വേണ്ടുന്ന നടപടികൾ സ്വീകരിക്കണമെന്ന് നാട്ടുകാർ ആവശ്യപ്പെട്ടു.

മാനന്തവാടി : സർവ്വ മത സംഗമ ഭൂമിയായ ചീയമ്പം പള്ളിയിലെ വിശുദ്ധ എൽദോ മോർ ബസേലിയോസ് ബാവയുടെ ഓർമ്മ പെരുന്നാളിന് മുന്നോടിയായി നടത്തിയ പതാകാ പ്രയാണത്തിന് മാനന്തവാടി ഗാന്ധിപാർക്കിൽ സർവ്വ മത പൗര സ്വീകരണം നൽകി. ബ്ലോക്ക് പഞ്ചായത്ത് പ്രസിഡൻ്റ് ജസ്റ്റിൻ ബേബി ഉദ്ഘാടനം ചെയ്തു. നഗരസഭാ ഉപാധ്യക്ഷൻ ജേക്കബ് സെബാസ്റ്റ്യൻ അധ്യക്ഷത വഹിച്ചു. നഗരസഭാ സ്ഥിരസമിതി അധ്യക്ഷരായ ലേഖാ രാജീവൻ, പി.വി.എസ്. മൂസ, അഡ്വ. സിന്ധു സെബാസ്റ്റ്യൻ, വള്ളിയൂർക്കാവ് ഭഗവതി ക്ഷേത്രം ട്രസ്റ്റി ടി.കെ. അനിൽകുമാർ,…

പള്ളിക്കുന്ന് : ഗാന്ധിജയന്തി ദിനാചരണത്തിന്റെ ഭാഗമായി ജവഹർ ബാൽ മഞ്ച് വയനാട് ജില്ലാ കമ്മിറ്റിയുടെ നേതൃത്വത്തിൽ ബാക്ക് ടു ഗാന്ധി സെമിനാറും ഗാന്ധി അനുസ്മരണവും സംഘടിപ്പിച്ചു. അനുസ്മരണ യോഗം യൂത്ത് കോൺഗ്രസ് ജില്ലാ ജനറൽ സെക്രട്ടറി ജിജി വർഗീസ് ഉദ്ഘാടനം ചെയ്തു. ജവഹർ ബാൽ മഞ്ച് ജില്ലാ ചെയർമാൻ ഡിന്റോ ജോസ് അധ്യക്ഷനായിരുന്നു. സുരേഷ് മാസ്റ്റർ അനുസ്മരണ പ്രഭാഷണം നടത്തി. ജില്ലാ ഭാരവാഹികളായ ഷിജു സെബാസ്റ്റ്യൻ,ഷഫീഖ് സി, അലൻ ജോസഫ് എന്നിവർ സംസാരിച്ചു.