പടിഞ്ഞാറത്തറ :വിൽപ്പനക്കായി സൂക്ഷിച്ച വിദേശ മദ്യവുമായി യുവാവ് പിടിയിൽ. വൈത്തിരി പൊഴുതന അറയന്മൂല പുതിയവീട്ടിൽ വി പി നിഖിലി(27) നെയാണ് പടിഞ്ഞാറത്തറ പോലീസ് പിടികൂടിയത്. കഴിഞ്ഞ ദിവസം ഉച്ചയോടെ പടിഞ്ഞാറത്തറ പതിമൂന്നാം മൈൽ എന്ന സ്ഥലത്ത് വെച്ചാണ് കൈവശമുണ്ടായിരുന്ന സഞ്ചിയിൽ സൂക്ഷിച്ച 11 ലിറ്റർ വിദേശ മദ്യവുമായി ഇയാൾ പിടിയിലാവുന്നത്. 500 എം.എൽ കൊള്ളുന്ന 22 ബോട്ടിലുകൾ ആണ് ഇയാളിൽ നിന്ന് പിടിച്ചെടുത്തത്. പടിഞ്ഞാറത്തറ സ്റ്റേഷൻ സബ് ഇൻസ്‌പെക്ടർ ടി.കെ മിനമോളുടെ നേതൃത്വത്തിലായിരുന്നു പരിശോധന.

മാനന്തവാടി: മാനന്തവാടി കെഎസ്‌ആർടിസി ഡിപ്പോയിൽ നിന്നും നിർത്തലാക്കിയ സർവീസുകൾ അടിയന്തരമായി പുനരാരംഭിക്കണമെന്ന് എസ്‌ഡിപിഐ വയനാട് ജില്ലാ ജനറൽ സെക്രട്ടറി പി.ടി സിദ്ധീഖ്. മാനന്തവാടി മണ്ഡലം യോഗത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം. ലാഭകരമായ നിരവധി ദീർഘദൂര സർവീസുകളടക്കം യാതൊരു കാരണവുമില്ലാതെ നിർത്തലാക്കിയ കെഎസ്‌ആർടിസിയുടെ നടപടി തീർത്തും അപലപനീയമാണ്. മാനന്തവാടിയില്‍ നിന്ന് രാവിലെ 6.20ന് പുറപ്പെട്ടിരുന്ന കാസർഗോഡ് ബസ്, വൈകുന്നേരം ഏഴിന് കണ്ണൂരില്‍ നിന്നുള്ള കണ്ണൂർ മാനന്തവാടി സർവീസ്, വൈകുന്നേരം 7.45 ന് മാനന്തവാടിയില്‍ നിന്ന് കൊട്ടിയൂർ വഴി കോട്ടയത്തേക്കുള്ള…

ബത്തേരി: നിരന്തര കുറ്റവാളിയെ കാപ്പ ചുമത്തി ഒരു വർഷത്തേക്ക് കണ്ണൂർ ജയിലിലടച്ചു. ഗുണ്ടാപ്രവർത്തനങ്ങൾ അമർച്ച ചെയ്യാനായി സംസ്ഥാനതലത്തിൽ ആരംഭിച്ച “ഓപ്പറേഷൻ കാവൽ’ ന്റെ ഭാഗമായി വടുവഞ്ചാൽ കല്ലേരി സ്വദേശി, തെക്കിനേടത്ത് വീട്ടിൽ ബുളു എന്ന ജിതിൻ ജോസഫി(35)നെയാണ് കാപ്പ ചുമത്തി ജയിലിലടച്ചത്. ജില്ലാ പോലീസ് മേധാവി സമർപ്പിച്ച റിപ്പോർട്ടിന്റെ അടിസ്ഥാനത്തിൽ ജില്ലാ കലക്ടറാണ് ഉത്തരവിറക്കിയത്.   ജില്ലയിലെ അമ്പലവയൽ, മീനങ്ങാടി, കൽപ്പറ്റ പോലീസ് സ്റ്റേഷനുകളിലും, കോഴിക്കോട് താമരശ്ശേരി പോലീസ് സ്റ്റേഷനിലും, തമിഴ്നാട്ടിലെ ഹൊസൂർ പോലീസ് സ്റ്റേഷനിലും രണ്ട്…

വെള്ളമുണ്ട: വെള്ളമുണ്ട സർവീസ് സഹകരണ ബാങ്ക് തിരഞ്ഞെടുപ്പിൽ മുഴുവൻ സീറ്റിലും യു.ഡി.എഫ്.മുന്നണി വിജയിച്ചു.മുസ്ലിം ലീഗ് അഞ്ചു സീറ്റിലും കോൺഗ്രസ്സ് നാലു സീറ്റിലുമാണ് മത്സരിച്ചത്. പി.കെ.മൊയ്‌ദു, എ.കെ.ഇബ്രാഹിം, ജിൻഷാദ്.എ.സി., സുഹറ മൂസ്സ, ഹാജറ.സി.എച്,(മുസ്ലിം ലീഗ് ), വി.വി.ബാലൻ, പി.ടി.ചെറിയാൻ, ചന്ദ്രൻ.പി,ജിൽസമ്മ,എന്നിവരാണ് വിജയിച്ച സ്ഥാനാർഥികൾ.മുസ്ലിം ലീഗിലെ പി.കെ.മൊയ്‌ദുവിനെ പ്രസിഡന്റ് ആയി തിരഞ്ഞെടുത്തു. തിരഞ്ഞെടുപ്പിൽ വിജയിച്ച സ്ഥാനാർഥികളെ ആ നയിച്ചു കൊണ്ട് യു.ഡി.എഫ്.പ്രവർത്തകർ വെള്ളമുണ്ടയിൽ ആഹ്ലാദ പ്രകടനം നടത്തി.പ്രകടനത്തിന് യോജക മണ്ഡലം മുസ്ലിംലീഗ് പ്രസിഡന്റ് സി.പി.മൊയ്‌ദു ഹാജി,കോൺഗ്രസ്സ് ബ്ലോക്ക് പ്രസിഡന്റ് ജിൽസൺ…

പുല്‍പ്പള്ളി: സി.പി.എം. പുല്‍പ്പള്ളി ഏരിയാ കമ്മിറ്റിയുടെ നവീകരിച്ച ഓഫീസിന്റെയും അന്തരിച്ച പാര്‍ട്ടി നേതാക്കളായ സി. ഭാസ്‌കരന്റെയും പി.കെ. മാധവന്റെയും സ്മരണാര്‍ഥം നിര്‍മ്മിച്ച സ്മാരക ഹാളിന്റേയും ഉദ്ഘാടനം നവംബര്‍ 13 തിങ്കളാഴ്ച നടക്കുമെന്ന് നേതാക്കള്‍ വാര്‍ത്തസമ്മേളനത്തില്‍ അറിയിച്ചു. ഓഫീസ് മുറികള്‍, കോണ്‍ഫറന്‍സ് ഹാള്‍, ലൈബ്രറി തുടങ്ങിയ വിപുലമായ സൗകര്യങ്ങളോടെയാണ് ഓഫീസ് കെട്ടിടമൊരുക്കിയിരിക്കുന്നത്. ഉദ്ഘാടനത്തിന് മുന്നോടിയായി മൂന്ന് മണിക്ക് താഴെയങ്ങാടിയില്‍നിന്നും റെഡ് വൊളന്റിയര്‍ മാര്‍ച്ചും റാലിയും ആരംഭിക്കും. തുടര്‍ന്ന് നടക്കുന്ന പൊതുസമ്മേളനം സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍ ഉദ്ഘാടനം…

കൽപറ്റ: ആഗോള വിപണിയിൽ ക്രൂഡോയിൽ വില കുറഞ്ഞിട്ടും പാചക വാതക വില വർധിപ്പിച്ച് പൊതുജനത്തിന് സാമ്പത്തിക ഭാരം അടിച്ചേൽപ്പിച്ച കേന്ദ്ര സർക്കാരിൻ്റെ ജനവിരുദ്ധ നയത്തിനെതിരായി കെ എഫ് എസ് ഇ.ടി.ഒ യുടെ നേതൃത്വത്തിൽ ജീവനക്കാരുടെയും അധ്യാപകരുടെയും പ്രതിഷേധ കൂട്ടായ്മകൾ സംഘടിപ്പിച്ചു. കൽപറ്റ സിവിൽ സ്റ്റേഷന് മുന്നിൽ നടന്ന പ്രതിഷേധ പരിപാടി എഫ് എസ് ഇ.ടി.ഒ ജില്ലാ സെക്രട്ടറി ടി. കെ അബ്ദുൽ ഗഫൂർ ഉദ്ഘാടനം ചെയ്തു. കെ.ജി.ഒ.എ ജില്ലാ സെക്രട്ടറി കെ.ജി. പത്മകുമാർ അധ്യക്ഷത വഹിച്ചു. എൻ.ജി.ഒ….

മാനന്തവാടി: ജവഹർ ബാൽ മഞ്ച് വയനാട് ജില്ലാ കമ്മിറ്റിയുടെ നേതൃത്വത്തിൽ പായോട് യൂണിറ്റിൽ വച്ച് സ്വാതന്ത്ര്യ ദിനാഘോഷം സംഘടിപ്പിച്ചു. ജില്ലാ ചെയർമാൻ ഡിന്റോ ജോസ് ഉദ്ഘാടനം ചെയ്തു. ജില്ലാ കോഡിനേറ്റർ ജിജി വർഗീസ് അധ്യക്ഷയായിരുന്നു. ഇന്ത്യൻ നാഷണൽ കോൺഗ്രസ് മണ്ഡലം പ്രസിഡന്റ് വിനോദ് തോട്ടത്തിൽ സ്വാതന്ത്ര്യദിന സന്ദേശം നൽകി. കുട്ടികളുടെ കലാപരിപാടികളും മുതിർന്നവരെ ആദരിക്കലും മധുര വിതരണവുമായി സ്വാതന്ത്ര്യദിനാഘോഷം കുട്ടികൾക്ക് പുതിയ ഒരു അനുഭവമായിരുന്നു. പനമരം ബ്ലോക്ക് ചെയർമാൻ ഷിനു പായോട്, ജില്ലാ ഭാരവാഹികളായ ഷഫീഖ് സി,ജോയ്സി…