കല്‍പ്പറ്റ: മഹിളാകോണ്‍ഗ്രസ് ജില്ലാകമ്മിറ്റിയുടെ നേതൃത്വത്തില്‍ മാനന്തവാടി നിയോജകമണ്ഡലം എം എല്‍ എ ഉഷാവിജയന് സ്വീകരണം നല്‍കി. ഡി സി സി പ്രസിഡന്റ് അഡ്വ. ടി ജെ ഐസക് സ്വീകരണയോഗം ഉദ്ഘാടനം ചെയ്തു. മഹിളാകോണ്‍ഗ്രസ് ജില്ലാപ്രസിഡന്റ് ജിനി തോമസ് അധ്യക്ഷയായിരുന്നു. കെ പി സി സി ജനറല്‍ സെക്രട്ടറി കെ എല്‍ പൗലോസ്, പി കെ ജയലക്ഷ്മി, പി പി ആലി. എം ജി ബിജു, ചിന്നമ്മ ജോസ്, ഒ വി അപ്പച്ചന്‍, ഉഷാതമ്പി, മേഴ്‌സി സാബു തുടങ്ങിയവര്‍…

പുൽപ്പള്ളി : മുള്ളൻകൊല്ലി പഞ്ചായത്തിലെ പെരിക്കല്ലൂർ (33) ടൗണിലെ സെൻ്റ് തോമസ് കൂൾബാറിലേക്കാണ് ഭാരത് ഗ്യാസ് വണ്ടി ഇടിച്ചു കയറിയത്. ബിൽഡിങ്ങിന്റെ ഇളംതിണ്ണയുടെ സൈഡിൽ നിർത്തിയിട്ടിരുന്ന സ്കൂട്ടറും, കെട്ടിടത്തിന്റെ ഒരു വശവും തകർത്താണ് ടെമ്പോവാൻ നിന്നത്. ഈ സമയത്ത് ആളുകൾ വഴിയിലും, സ്ഥലത്തും ഇല്ലായിരുന്നത് വൻ അപകടം ഒഴിവാക്കി. കയറ്റത്തിൽ വണ്ടി നിർത്തി ഡ്രൈവർ ഇറങ്ങിപ്പോയ ശേഷം വാഹനം തനിയെ ഉരുണ്ടുവന്നാണ് അപകടമുണ്ടായത്. വാഹനം നിർത്തിയിട്ടതിൽ ഉണ്ടായ പാകപ്പിഴവാണ് അപകടത്തിന് കാരണമെന്ന് കരുതുന്നു.

ചുങ്കം : നബിദിനം സാഹോദര്യത്തിന്റെയും സന്തോഷത്തിന്റെയും ലാളിത്യത്തിന്റെയു ദിനമാണെന്നും മുഹമ്മദ്‌ നബിയുടെ ജീവിതം സമൂഹത്തിന് മാതൃകയാണെന്നും അഡ്വ:എൻ കെ വർഗീസ്. നബിദിനത്തോടനുബന്ധിച്ച് ചുങ്കം മഹല്ല് കമ്മിറ്റി സംഘടിപ്പിച്ച സാംസ്കാരിക സദസ്സിൽ സംസാരിക്കുകയായിരുന്നു അദ്ദേഹം.റസൂൽ തിരുമേനി ജനിച്ചത് ഇരുളിൽ നിന്ന് മനുഷ്യനെ വെളിച്ചത്തിലേക്ക് നയിക്കാനാണ്.അസത്യത്തിൽ നിന്ന് സത്യത്തിലേക്കും അധർമ്മത്തിൽ നിന്ന് ധർമത്തിലേക്കും അദ്ദേഹം സമൂഹത്തെ നയിച്ചു. അവിടുത്തെ പാഠം ഉൾക്കൊണ്ട്‌ കൊണ്ട് ഇന്ത്യയിലെ ജനാധിപത്യത്തെ ഇല്ലാതാക്കുന്ന വർഗീയ ശക്തികൾക്കെതിരെ പോരാടാൻ സമൂഹം തയ്യാറാവണമെന്നും അദ്ദേഹം കൂട്ടിച്ചേർത്തു. മഹല്ല് പ്രസിഡന്റ്…

കൽപ്പറ്റ: ലോക മാനസികാരോഗ്യദിനാചരണത്തിൻ്റെ ഭാഗമായി കൽപ്പറ്റ എസ് കെ എം ജെ ഹയർ സെക്കൻഡറി സ്കൂൾ സൗഹൃദ ക്ലബ്ബിൻ്റെ ബാനറിൽ മനസ്സിലേക്ക് മടങ്ങുക എന്ന പേരിൽ ഹ്രസ്വചിത്രം തയ്യാറാക്കി. സൗഹൃദ ക്ലബ്ബ് അംഗങ്ങളായ ശ്രീനിഷ.എസ്, കൃഷ്ണേന്ദു എം.എസ് എന്നിവർ പ്രധാന വേഷം ചെയ്തു.കെ.മുഹമ്മദ് സഫ് വാൻ ചിത്രീകരണവും എഡിറ്റിങ്ങും നിർവഹിച്ചു. സൗഹൃദ ക്ലബ്ബ് കോർഡിനേറ്ററും മലയാളം അധ്യാപകനുമായ ഷാജി മട്ടന്നൂർ രചനയും ഏകോപനവും നിർവഹിച്ച ഹ്രസ്വചിത്രത്തിൻ്റെ സംഗീതം ഒരുക്കിയത് നിർമ്മിത ബുദ്ധിയുടെ സഹായത്തോടെയാണ് .

മാനന്തവാടി: വരയിലും നാട്യത്തിലും, ഭാവത്തിലും അരങ്ങിൽ താളം തീർത്ത കുരുന്നുകൾ നിലാവായി പെയ്തിറങ്ങി. കണിയാരം സെന്റ് ജോസഫ് ടി.ടി ഐയിലെ മൂന്ന് വേദികളിലായി നിറഞ്ഞാടിയ 21 സ്ഥാപനങ്ങൾ മാറ്റുരച്ച സഖ്യം ജില്ല നഴ്സറി കലോത്സവത്തിൽ 76 പോയന്റ് നേടി പനമരം ബാല്യ കലാ കിരീടം വാനിലുയർത്തി. ഇ.കെ മാധവൻ മെമ്മോറിയൽ എവറോളിംഗ് ട്രോഫി ക്രെസന്റിന് നെഴ്സറി കലോത്സവത്തിലെ കന്നി കിരീടമായി.56 പോയന്റ് നേടിയ സെന്റ് ആൻസ് വെള്ളമുണ്ട കരുത്ത് കാട്ടി രണ്ടാം സ്ഥാനത്തിനുള്ള സ്‌പെയ്സ് വെൽ കൊച്ചിൻ…