മാനന്തവാടി: അപ്ഹോൾസ്റ്ററി വർക്കേഴ്സ് അസോസിയേഷന്റെ അംഗത്വക്യാമ്പയിന്റെ ഭാഗമായി ജില്ലാതലത്തിൽ നടത്തുന്ന പര്യടനയാത്ര തോണിച്ചാലിൽ വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഫ്ലാഗ്ഓഫ്‌ ചെയ്തു. ചടങ്ങിൽ അസോസിയേഷൻ ജില്ലാ പ്രസിഡന്റ്‌ അബ്ദുൽ അഫീൽ അധ്യക്ഷത വഹിച്ചു. പരമ്പരാഗത അപ്ഹോൾസ്റ്ററി വർക്കുകൾ പുതിയ സാങ്കേതിക വിദ്യകൾ ഉപയോഗിച്ച് മാറിയ കാലത്തെ താല്പര്യങ്ങൾ പരിഗണിച്ച്‌ മുന്നേറുന്ന വൈദഗ്ധ്യമുള്ള അപ്ഹോൾസ്റ്ററർമാരുടെ സേവനം തൊഴിൽ രംഗത്തെ നിർണ്ണായക സാന്നിധ്യമാണെന്ന് ജുനൈദ് കൈപ്പാണി പറഞ്ഞു.

വെള്ളമുണ്ട: സ്കൂ‌ട്ടറിടിച്ചു പരിക്കേറ്റ് ചികിത്സയിലായിരുന്ന വയോധികൻ മരിച്ചു. വെളളമുണ്ട പഴഞ്ചന ആലാൻ മൊയ്തു (82) ആണ് മരിച്ചത്. ഡിസംബർ ഒന്നിന് വെള്ളമുണ്ട എട്ടാം മൈലിൽ വെച്ചായിരുന്നു അപകടം. വെള്ളമുണ്ട ഗവ. മോഡൽ ഹയർസെക്കൻഡറി സ്‌കൂൾ റോഡിലെ മുറുക്കാൻകട പൂട്ടി എട്ടാംമൈലിലുള്ള മകൻ റിയാസിന്റെ വീട്ടിലേക്കു പോകുന്നതിനിടെ വെള്ളമുണ്ടയിൽ നിന്ന് മാനന്തവാടി ഭാഗത്തേക്കു പോവുകയായിരുന്ന സ്‌കൂട്ടർ ഇടിക്കുകയായിരുന്നു. ഉടൻ മാനന്തവാടി ഗവ. മെഡിക്കൽ കോളേജ് ആശുപത്രിയിലും തുടർന്ന് മേപ്പാടിയിലെ സ്വകാര്യ ആശുപത്രിയിലും പിന്നീട് കോഴിക്കോട് ഗവ.മെഡിക്കൽ കോളേജ് ആശുപത്രിയിലും…

കണിയാമ്പറ്റ : ഗ്രാമപഞ്ചായത്ത്‌ പരിധിയിൽ തെരുവ് നായ ആക്രമണം അതിരൂക്ഷമാണെന്നും തെരുവ് നായകളെ പേടിച്ചു പൊതുജനങ്ങൾക്കും വിദ്യാർത്ഥി കൾക്കും പുറത്തു ഇറങ്ങാൻ പറ്റാത്ത സാഹചര്യമാണെന്നും നടപടി എടുക്കാതെ ഉത്തരവാദിത്തപ്പെ ട്ടവർ മൗനം തുടർന്നാൽ പൊതുജങ്ങളെ അണിനിരത്തി പ്രക്ഷോഭം സംഘടിപ്പിക്കുമെന്നും സിപിഐഎം കണിയാമ്പറ്റ ലോക്കൽ കമ്മിറ്റി അംഗം ലത്തീഫ് മേമാടൻ പത്രപ്രസ്താവനയിലൂടെ അറിയിച്ചു.കഴിഞ്ഞ ആഴ്ചകളിലായി പഞ്ചായത്തിന്റെ വിവിധ ഭാഗങ്ങളിൽ മൂന്നു നാലു കേസുകൾ റിപ്പോർട്ട്‌ ചെയ്തിട്ടും യുഡിഫ് ന്റെ ഭരണസമിതി അനങ്ങാപ്പാറ നയം സ്വീകരിക്കുകയാണെന്നും അദ്ദേഹം കുറ്റപ്പെടുത്തി.

ബത്തേരി: കുടുംബശ്രീ ജില്ലാമിഷന്റെ നേതൃത്വത്തില്‍ എഫ് എൻ എച്ച് ഡബ്ലിയു-എ എച്ച് പദ്ധതിയുടെ ഭാഗമായി സുല്‍ത്താന്‍ ബത്തേരി സി.ഡി.എസുകളിലെ കുടുംബശ്രീ അംഗങ്ങള്‍ക്ക് പാലും പാലുത്പന്നങ്ങളും പോഷകഹാരവും എന്ന വിഷയത്തില്‍ ബോധവത്കരണ ക്ലാസ് നടത്തി. നഗരസഭാ ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ലീല പാല്‍പ്പാത്ത് ഉദ്ഘാടനം ചെയ്തു. ജൂനിയര്‍ ഹെല്‍ത്ത് ഇന്‍സ്‌പെക്ടര്‍ ബാബു ക്ലാസെടുത്തു. സുൽത്താൻ ബത്തേരി മുനിസിപ്പാലിറ്റി ഹാളില്‍ നടന്ന പരിപാടിയില്‍ സി.ഡി.എസ് ചെയര്‍പേഴ്‌സണ്‍ കെ രാജലക്ഷ്മി അധ്യക്ഷയായി. സി.ഡി.എസ് ചെയര്‍പേഴ്‌സണ്‍ ആര്‍ ആര്‍ പ്രസന്ന കുമാരി വിഷയാവതരണം…