കൽപ്പറ്റ : ലഹരിമരുന്ന് ഉപയോഗവും വിൽപ്പനയും തടയുന്നതിനായുള്ള ‘ഓപ്പറേഷൻ ഡി ഹണ്ട്‌-ന്റെ ഭാഗമായി കഴിഞ്ഞ 10 ദിവസങ്ങളിലായി ജില്ലയിൽ നടത്തിയ പരിശോധനയിൽ 95 പേർ പിടിയിലായി. ജില്ലയിലെ വിവിധ സ്റ്റേഷനുകളിലായി 93 കേസുകൾ രജിസ്റ്റർ ചെയ്തു. വിൽപ്പനയ്ക്കായി എം.ഡി.എം.എ., കഞ്ചാവ് എന്നിവ സൂക്ഷിച്ചതിനും കഞ്ചാവ് നിറച്ച ബീഡി വലിച്ചതിനുമടക്കമാണ് 95 പേർ പിടിയിലായത്. 14.72 ഗ്രാം എം.ഡി.എം.എ.യും 670.84 ഗ്രാം കഞ്ചാവും 67 കഞ്ചാവ് നിറച്ച ബീഡികളുമാണ് ഇതുവരെ പിടിച്ചെടുത്തത്

കൽപ്പറ്റ : മുണ്ടക്കൈ – ചൂരൽമല ഉരുൾപൊട്ടൽ ദുരന്തബാധിതർക്ക് ഒരു കടുംബത്തിന്ന് 50 ലക്ഷം രൂപക്ക് മുകളിലുള്ള തുക സമാശ്വാസധനം നൽകണമെന്നും പുനരധിവാസ മിഷൻ രൂപീകരികണമെന്നും ഇരകൾക്ക് നീതിലഭിക്കാൻ ട്രിബൂണൽ വേണമെന്നും കൽപ്പറ്റയിൽ ചേർന്ന രാഷ്ട്രീയ-സാമൂഹ്യ-സാംസ്കാരിക പരിസ്ഥിതി രംഗത്ത് പ്രവർത്തിക്കുന്നവരുടെ യോഗം സംസ്ഥാന സർക്കാറിനോട് ആവശ്യപ്പെട്ടു. പുനരധിവാസം ഔദ്യാര്യമോ സൗമനസ്സ്യമോ സൗജന്യമോ അല്ല, ഇരകളുടെ അവകാശമാണെന്നും യോഗം അഭിപ്രായപ്പെട്ടു. വയനാട് പ്രകൃതി സംരക്ഷണ സമിതിയും ഹ്യൂം സെൻ്റർ ഫോർ ഇക്കോളജിയും ചേർന്ന് സംഘടിപ്പിച്ചതായിരുന്നു യോഗം. സർക്കാരിൻ്റെ പരിഗണനയിലുള്ള…

ബത്തേരി: നന്പ്യാർകുന്ന് റോഡില്‍ ചീരാല്‍ യുപി സ്കൂളിന് മുൻവശം മഴയത്ത് രൂപപ്പെടുന്ന വെള്ളക്കെട്ട് യാത്രക്കാർക്ക് ദുരിതമായി. വിദ്യാർഥികള്‍ അടക്കം യാത്രക്കാർ വെള്ളക്കെട്ടിലൂടെ പ്രയാസപ്പെട്ടാണ് നടക്കുന്നത്. വെള്ളക്കെട്ട് ഒഴിവാക്കാൻ അടിയന്തര നടപടി സ്വീകരിക്കണമെന്ന് പ്രദേശവാസികള്‍ ആവശ്യപ്പെട്ടു.

കൽപ്പറ്റ: ചുരം റോഡിലെ ഗതാഗതക്കുരുക്കിന് ശാശ്വത പരിഹാരവും വയനാടിന്റെ വികസനത്തിന് പുതിയ കുതിപ്പും നൽകുന്ന കോഴിക്കോട് – വയനാട് അതിവേഗ റെയിൽപാത പദ്ധതി സ്വാഗതാർഹമാണെന്ന് വ്യാപാരി വ്യവസായി ഏകോപന സമിതി ജില്ലാ കമ്മിറ്റി. വയനാടിന്റെ ജീവനാഡിയായ താമരശ്ശേരി ചുരം റോഡിൽ ദിനംപ്രതി മണിക്കൂറുകൾ നീളുന്ന ഗതാഗതക്കുരുക്കാണ് അനുഭവപ്പെടുന്നത്. മഴക്കാലത്തും മണ്ണിടിച്ചിലുണ്ടാകുമ്പോഴും ജില്ല പൂർണ്ണമായും ഒറ്റപ്പെടുന്ന അവസ്ഥയാണ്. രോഗികളെ ആശുപത്രിയിലെത്തിക്കുന്നതിനും, കാർഷിക ഉൽപ്പന്നങ്ങൾ വിപണിയിലെത്തിക്കുന്നതിനും, വിദ്യാർത്ഥികളുടെയും ജീവനക്കാരുടെയും യാത്രയ്ക്കും ഇത് വലിയ പ്രതിസന്ധി സൃഷ്ടിക്കുന്നു. ഈ സാഹചര്യത്തിൽ റെയിൽപാത…

കല്‍പറ്റ: കര്‍ഷകരെ സംരക്ഷിക്കണമെന്ന് ആവശ്യപ്പെട്ടും കര്‍ഷകരോടുള്ള അവഗണയില്‍ പ്രതിഷേധിച്ചും കര്‍ഷക കോണ്‍ഗ്രസ് കർഷക ദിനം കണ്ണീര്‍ ദിനമായി ആചരിച്ചു. കേന്ദ്ര സംസ്ഥാന സര്‍ക്കാരുകളുടെ കര്‍ഷക ദ്രോഹ നയങ്ങള്‍ കാരണം കേരളത്തിലെ കര്‍ഷകര്‍ ഇന്ന് ആത്മഹത്യയുടെ വക്കിലാണ്. കര്‍ഷകര്‍ക്ക് കൊടുക്കേണ്ട ആനുകൂല്യങ്ങളൊക്കെ മുടങ്ങി കിടക്കുകയാണ്. അടിയന്തരമായും കര്‍ഷകരെ സംരക്ഷിക്കണമെന്നും ആവശ്യപ്പെട്ടു. കല്‍പറ്റ നിയോജക മണ്ഡലം പ്രതിഷേധ സദസ്സ് ജില്ലാ കോണ്‍ഗ്രസ് കമ്മിറ്റി പ്രസിഡന്റ് എന്‍.ഡി. അപ്പച്ചന്‍ ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് കെ.ജെ.ജോണ്‍ അധ്യക്ഷത വഹിച്ചു. ബ്ലോക്ക്…

വടുവഞ്ചാല്‍ : വയനാട് ജില്ലാ ഖാദി ഗ്രാമവ്യവസായ ഓഫീസിന്റെ ആഭിമുഖ്യത്തില്‍ തേനീച്ച വളര്‍ത്തല്‍ പരിശീലന ക്ലാസ് സംഘടിപ്പിച്ചു.  ഗവ.ഹയര്‍ സെക്കണ്ടറി സ്‌കൂള്‍ ഓഡിറ്റോറിയത്തില്‍ സംഘടിപ്പിച്ച ചടങ്ങ് അമ്പലവയല്‍ ഗ്രാമപഞ്ചായത്ത് പ്രസിഡണ്ട് സി.കെ. ഹഫ്സത്ത് ഉദ്ഘാടനം ചെയ്തു. അമ്പലവയല്‍ ഗ്രാമപഞ്ചായത്ത് മെമ്പര്‍ എം.യു.ജോര്‍ജ്ജ് ചടങ്ങിന് അദ്ധ്യക്ഷത വഹിച്ചു. ഖാദി ബോര്‍ഡ് ഡയറക്ടര്‍ ടി.സി. മാധവന്‍ നമ്പൂതിരി, കെ.വി.മനോജ്, എസ്.എം.സി ചെയര്‍മാന്‍ കെ.ജെ ഷീജോ,യു.ബാലന്‍, വി.പി സുഭാഷ് എന്നിവര്‍ സംസാരിച്ചു.