ബത്തേരി: നമ്പ്യാർകുന്നിൽ വീട്ടമ്മയെ വീടിനുള്ളിൽ മരിച്ച നിലയിൽ കണ്ടെത്തി.   നമ്പ്യാർകുന്ന് മേലത്തേതിൽ എലിസബത്ത് (51) നെയാണ് വീടിനുള്ളിൽ മരിച്ച നിലയിൽ കണ്ടെത്തിയത്. ഭർത്താവ് തോമസ് വർഗീസ് (56) നെ കൈ ഞരമ്പ് മുറിച്ച നിലയിലും കണ്ടെത്തി. ഞരമ്പ് മുറിച്ച നിലയിൽ കണ്ടെത്തിയ ഭർത്താവ് അത്യാസന്ന നിലയിൽ ചികിത്സയിലാണ് . ഇയാളെ സുൽത്താൻബത്തേരി സ്വകാര്യ ആശുപത്രിയിൽ പ്രവേശിപ്പിച്ചു. നൂൽപ്പുഴ പോലീസ് സ്ഥലത്തെത്തി. മരണത്തിലെ ദുരൂഹത പോലീസ് അന്വേഷിച്ചു വരുന്നു.

കൽപ്പറ്റ : സംസ്ഥാന മനുഷ്യാവകാശ കമ്മീഷന്‍ കലക്ടറേറ്റ് പഴശ്ശി ഹാളില്‍ നടത്തിയ സിറ്റിങിൽ 17 പരാതികള്‍ തീര്‍പ്പാക്കി. കമ്മീഷന്‍ അംഗം കെ. ബൈജുനാഥിന്റെ അധ്യക്ഷതയില്‍ നടന്ന സിറ്റിങിൽ 28 പരാതികളാണ് പരിഗണിച്ചത്. നേരത്തേ സ്‌കൂള്‍ കുട്ടികളില്‍ ഭക്ഷ്യവിഷബാധ കണ്ടെത്തിയതുമായി ബന്ധപ്പെട്ട കേസില്‍ സ്‌കൂളില്‍ പുതിയ ജലകണക്ഷന് അപേക്ഷ നല്‍കിയതായും പുതിയ വാട്ടര്‍ ട്രീറ്റ്‌മെന്റ് പ്ലാന്റ് സ്ഥാപിക്കുന്നതിന് നടപടികൾ സ്വീകരിച്ചതായും ബന്ധപ്പെട്ടവര്‍ കമ്മീഷനെ അറിയിച്ചു. പരാതിക്കാര്‍ ഹാജരാവാത്ത കേസുകള്‍ തുടര്‍ നടപടികള്‍ക്കായി മാറ്റിവെച്ചു. വിവിധ പരാതികളില്‍ ബന്ധപ്പെട്ട വകുപ്പുകള്‍,…

കൽപ്പറ്റ: പരമ്പരാഗത നെൽകൃഷിയുടെ സംരക്ഷകനും പത്മശ്രീ ജേതാവുമായ ചെറുവയൽ രാമന്റെ നിര്യാണത്തിൽ യൂത്ത് കോൺഗ്രസ്സ് ജില്ലാ കമ്മിറ്റി അനുശോചനം രേഖപ്പെടുത്തി. പാരമ്പര്യ നെൽവിത്തുകളുടെയും കൃഷിയുടെയും കാവലാളായിട്ടാണ് ചെറുവയൽ രാമൻ അറിയപ്പെട്ടിരുന്നത്.വയനാടിന്റെ കാർഷിക പൈതൃകത്തെ പുതിയ തലമുറക്ക് പരിചയപ്പെടുത്തിയ വ്യക്തിയായിരുന്നു ചെറുവയൽ രാമൻ. അദ്ദേഹത്തിന്റെ വേർപാട് വയനാട്ടുകാർക്ക് നികത്താൻ ആവാത്ത നഷ്ടമാണുണ്ടായത്  

കല്‍പ്പറ്റ: ഓണക്കാലത്ത് പച്ചക്കറി വിപണിയില്‍ ഇടപെടുന്നതിന്റെ ഭാഗമായി കൃഷി വകുപ്പ് നടത്തുന്ന കര്‍ഷക ചന്തകളുടെ ജില്ലാതല ഉദ്ഘാടനം പുതിയ സ്റ്റാന്‍ഡ് പരിസരത്ത് ജില്ലാ പഞ്ചായത്ത് പ്രിസിഡന്റ് സംഷാദ് മരക്കാര്‍ നിര്‍വഹിച്ചു. മുനിസിപ്പല്‍ ചെയര്‍മാന്‍ അഡ്വ.ടി.ജെ. ഐസക് അധ്യക്ഷത വഹിച്ചു. ജില്ലാ കളക്ടര്‍ ഡി.ആര്‍. മേഘശ്രീ ആദ്യവില്‍പന നടത്തി. കേരളാഗ്രോ ഉത്പന്ന വിതരണം ബ്ലോക്ക് പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ ഉദ്ഘാടനം ചെയ്തു. ജില്ലാ പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ഉഷ തമ്പി, ബ്ലോക്ക് പഞ്ചായത്ത് വികസ സ്റ്റാന്‍ഡിംഗ്…

വയനാട് ജില്ലയെ രാജ്യത്തെ ആദ്യ സമ്പൂർണ ഇ-മാലിന്യമുക്ത ജില്ലയാക്കി മാറ്റുന്നതിന്റെ ഭാഗമായി ജില്ലയിലെ വിവിധ ഗ്രാമപഞ്ചായത്തുകളിൽ ഇ-മാലിന്യമുക്ത പ്രഖ്യാപനം നടത്തി. നവംബർ ഒന്നിന് കേരളപ്പിറവി ദിനത്തിൽ ലക്ഷ്യം കൈവരിക്കുന്നതിനുള്ള പ്രവർത്തനങ്ങളുടെ ഭാഗമായാണ് തദ്ദേശസ്ഥാപനങ്ങളിൽ ഇ-മാലിന്യ ശേഖരണവും ബോധവൽക്കരണ പ്രവർത്തനങ്ങളും ഊർജിതമാക്കിയത്.   മാനന്തവാടി ബ്ലോക്ക് പഞ്ചായത്തിലെ ആദ്യ ഇ-മാലിന്യമുക്ത ഗ്രാമപഞ്ചായത്ത് എന്ന നേട്ടം തൊണ്ടർനാട് സ്വന്തമാക്കി. രണ്ട് ഘട്ടങ്ങളിലായി 1,686.75 കിലോഗ്രാം ഇ-മാലിന്യം ശേഖരിച്ചാണ് നേട്ടം കൈവരിച്ചത്. ഒന്നാംഘട്ടത്തിൽ 102.75 കിലോഗ്രാമും രണ്ടാംഘട്ടത്തിൽ 1,584 കിലോഗ്രാമും ശേഖരിച്ചു….