മാനന്തവാടി എക്സൈസ് സർക്കിൾ പാർട്ടി പ്രിവന്റീവ് ഓഫീസർ ദിപു എ യുടെ നേതൃത്വത്തിൽ 29.01.2025 ചീപ്പാട് മരച്ചുവട് ഭാഗത്ത് വെച്ച് നിരവധി മദ്യ കേസുകളിലെ പ്രതിയും വയനാടിന്റെ വിവിധ ഭാഗങ്ങളിൽ വിൽപ്പനയ്ക്കായി അനധികൃത വിൽപ്പനക്കാർക്ക് മദ്യം വ്യവസായിക അടിസ്ഥാനത്തിൽ എത്തിച്ചുകൊടുക്കുന്ന ആളുമായ വെള്ളമുണ്ട പഴഞ്ചന ഭാഗത്ത് ഒറ്റപിനാൽ ജോസഫിന്റെ മകൻ ജോഫിൻ ജോസഫ് എന്നയാളെ പിടികൂടി.ചില്ലറ വിൽപ്പനക്ക് പുറമെ, വിവിധ റിസോർട്ടുകളിൽ അടക്കം മദ്യം എത്തിച്ചുകൊടുത്ത് പ്രതിഫലം മേടിക്കുന്നതാണ് ഇയാളുടെ രീതി. ജനുവരി 30 രക്തസാക്ഷി ദിനത്തോടനുബന്ധിച്ച്…

കൽപ്പറ്റ: വിദ്യാർത്ഥികളിലും യുവാക്കളിലും ലഹരിയുടെ ഉപയോഗവും വിതരണവും വ്യാപകമാവുകയും സൈബർ തട്ടിപ്പുകൾ നിരന്തരമായി വർധിക്കുകയും ചെയ്യുന്ന സാഹചര്യത്തിൽ, സുന്നി സ്റ്റുഡൻ്റ്‌സ് ഫെഡറേഷൻ (എസ്എസ്എഫ്) ഡ്രഗ്സ് , സൈബർ ക്രൈമുകൾക്കെതിരെ സംസ്ഥാന വ്യാപകമായി നടത്തുന്ന കാമ്പയിൻ്റെ ഭാഗമായി, എസ്എസ്എഫ് വയനാട് ജില്ലാ കമ്മിറ്റി 2025 ഫെബ്രുവരി 1 ശനിയാഴ്ച രാവിലെ 10 മണിക്ക് കൽപ്പറ്റയിൽ എസ്പി ഓഫീസ് മാർച്ച് സംഘടിപ്പിക്കും. കൽപ്പറ്റ പുതിയ സ്റ്റാൻഡ് പരിസരത്ത് നിന്ന് ആരംഭിക്കുന്ന മാർച്ചിൽ ജില്ലയിലെ അഞ്ഞൂറിലധികം പ്രവർത്തകർ പങ്കെടുക്കും. പ്രാസ്ഥാനിക നേതാക്കൾ…

പനമരം: പനമരം ഗ്രാമപഞ്ചായത്തിൽ ലക്ഷ്മി ആലക്കമറ്റം പുതിയ പ്രസിഡണ്ടായി തിരഞ്ഞെടുക്കപ്പെട്ടു. പനമരം ഗ്രാമ പഞ്ചായത്തിലെ മുസ്ലീം ലീഗിൻ്റെ 22-ാം വാർഡ് മെമ്പറാണ് ലക്ഷ്മി ആലക്കമറ്റം. യൂഡിഎഫിൻ്റെ അവിശ്വാസപ്രമേയം പാസ്സായതിനെ തുടർന്ന് എൻഡിഎഫിന് പ്രസിഡൻ്റ് സ്ഥാനം നഷ്ടമായിരുന്നു. ബെന്നി ചെറിയാന്റെ പിന്തുണയോടെയാണ് യുഡിഎഫ് ഭരണം പിടിച്ചത്. പഞ്ചായത്ത് തെരഞ്ഞെടുപ്പിൽ തൃണമൂൽ കോൺഗ്രസ്സിലെ ബെന്നി ചെറിയാൻ യുഡിഎഫിന് വോട്ടു ചെയ്‌തു .

പയ്യമ്പള്ളി: പയ്യമ്പള്ളി മുട്ടൻകരയിൽ കെഎസ്ആർടിസി താക്കാലിക ജീവനക്കാരന്റെ ഒന്നരയേക്കർ സ്ഥലത്തെ പാവൽ കൃഷി വെട്ടിനശിപ്പിച്ചതായി പരാതി. പുളിക്കൽ സന്തോഷിന്റെ പാവൽതോട്ടമാണ് രാത്രിയുടെ മറവിൽ അജ്ഞാതർ വെട്ടിനശിപ്പിച്ചത്. സഹകരണ ബാങ്കിൽ നിന്നും സ്വാശ്രയസംഘങ്ങളിൽ നിന്നും വായ്‌പ എടുത്ത് രണ്ട് ലക്ഷത്തോളം രൂപ ചിലവഴിച്ചാണ് ഒന്നര ഏക്കറിൽ പാവൽ കൃഷി നടത്തിയത്. ആദ്യ വിളവെടുപ്പിന് ശേഷം ഡ്രൈവറായ സന്തോഷ് കോട്ടയം ഓട്ടം കഴിഞ്ഞ് ഇന്നലെ രാവിലെ പാവൽ തോട്ടത്തിലെത്തിയപ്പോഴാണ് പാവലിൻ്റെ ചുവടുകൾ മുഴുവനും വെട്ടിക്കളഞ്ഞതായി ശ്രദ്ധയിൽപ്പെട്ടത്. 900 ചുവട് നട്ടതിൽ…

മാനന്തവാടി : സാമൂഹിക പ്രതിബദ്ധത ഉയർത്തുക എന്ന ലക്ഷ്യത്തോടെ സ്നേഹസിരകളുടെ ജീവദാനം എന്ന പ്രമേയത്തിൽ മാനന്തവാടി CDS 2 വിൻ്റെ ആഭിമുഖ്യത്തിൽ സംഘടിപ്പിച്ച രുധിരം-25 രക്തദാനക്യാമ്പ് മാനന്തവാടി നഗരസഭ വൈസ് ചെയർമാൻ ജേക്കബ്ബ് സെബാസ്റ്റ്യൻ ഉദ്ഘാടനം നിർവഹിച്ചു. ക്ഷേമകാര്യ സ്ഥിരസമിതി അദ്ധ്യക്ഷൻ വിപിൻവേണുഗോപാൽ പരിപാടിക്ക് ആശംസ അറിയിച്ച് സംസാരിച്ചു.സിഡിഎസ്സ് ചെയർപേഴ്സൺ ഡോളി രജ്ഞിത്ത് അധ്യക്ഷതവഹിച്ചു. നഗരസഭ കൗൺസിലർമാർ, സപ്പോർട്ടിംഗ് ടീം അംഗങ്ങൾ എന്നിവർ പരിപാടിക്ക് നേതൃത്വം വഹിച്ചു.

മുള്ളന്‍കൊല്ലി: 2025-26 വാർഷിക പദ്ധതി രൂപീകരണവുമായി ബന്ധപ്പെട്ട് മുള്ളന്‍കൊല്ലി ഗ്രാമ പഞ്ചായത്ത് വികസന സെമിനാർ സംഘടിപ്പിച്ചു. മുള്ളന്‍കൊല്ലി ക്ഷീര സംഘം ഹാളില്‍ നടന്ന സെമിനാർ പുല്‍പ്പള്ളി ഗ്രാമ പഞ്ചായത്ത് പ്രസിഡന്‍റ് ടി.എസ് ദിലീപ്കുമാർ ഉദ്ഘാടനം നിർവ്വഹിച്ചു. പ്രസിഡന്‍റ് പി.കെ വിജയന്‍ അധ്യക്ഷത വഹിച്ചു വൈസ് പ്രസിഡന്‍റ് മോളി സജി സ്വാഗതം പറഞ്ഞു. ജില്ലാ പഞ്ചായത്ത് അംഗങ്ങളായ ബീന കരിമാംകുന്നേല്‍, എ.എന്‍ സുശീല, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്‍മാരായ പി.ഡി സജി, മേഴ്സി ബെന്നി, ഗ്രാമ പഞ്ചായത്ത്…

കൽപ്പറ്റ: വന്യമൃഗശല്യം മൂലം ജീവിതം ദുരിത പൂർണ്ണമായ തൊഴിലാളികളുടെ സംരക്ഷണത്തിന് ആവശ്യമായ നടപടികൾ സ്വീകരിക്കാത്ത കേന്ദ്ര-സംസ്ഥാന സർക്കാരുകളുടെ അനാസ്ഥയ്ക്കും കെടുകാര്യസ്ഥതക്കും എതിരെ പ്രക്ഷോഭത്തിന് നേതൃത്വം നൽകുമെന്ന് ഐഎൻടിയുസി വയനാട് ജില്ലാ കമ്മിറ്റി. തോട്ടം തൊഴിലാളികൾക്കും കൂലിപ്പണിക്കാർക്കും വന്യ മൃഗങ്ങളെ പേടിച്ച് തൊഴിൽ ചെയ്യാനാവാത്ത സാഹചര്യമാണുള്ളത്. തൊഴിലും കൂലിയും നഷ്ടപ്പെട്ട തൊഴിലാളികൾ പട്ടിണിയിലാണ്. ക്ഷീര കർഷകരുടെ ഉപജീവനമാർഗമായ കന്നുകാലികളെ വന്യമൃഗങ്ങൾ കൊന്നൊടുക്കുന്നു. ഇവരുടെ സംരക്ഷണം ഉറപ്പാക്കേണ്ട മന്ത്രി പാട്ടുപാടാൻ കണ്ടെത്തുന്ന സമയം പോലും തൊഴിലാളികളുടെ വിഷമതകൾ മനസ്സിലാക്കാനും അവരുടെ…