സംസ്ഥാനത്താകെ കനത്ത മഴ: നാല് ജില്ലകളില് റെഡ് അലര്ട്ട്; എട്ട് ജില്ലകളില് ഓറഞ്ച്, യെല്ലോ മുന്നറിയിപ്പ്
തിരുവനന്തപുരം : അതിതീവ്രമഴയുടെ പശ്ചാത്തലത്തില് സംസ്ഥാനത്ത് നാല് ജില്ലകളില് റെഡ് അലർട്ട് പ്രഖ്യാപിച്ചു. കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് റെഡ് അലർട്ട് പ്രഖ്യാപിച്ചത്.തൃശ്ശൂർ, പാലക്കാട്, മലപ്പുറം എന്നീ മൂന്ന് ജില്ലകളില് ഓറഞ്ച് അലർട്ടും പ്രഖ്യാപിച്ചു. അഞ്ച് ജില്ലകളില് യെല്ലോ അലർട്ടുണ്ട്. പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലാണ് യെല്ലോ അലർട്ട്. വടക്കൻ കേരളത്തില് മഴ അതിശക്തമായിയിരിക്കുകയാണ്. കനത്ത ജാഗ്രത വേണമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. ഇടിയോടും കാറ്റോടും കൂടിയ ശക്തമായ മഴയ്ക്കാണ് സാധ്യത.
