നൗഷാദ് അസോസിയേഷന്‍ വയനാട് ജില്ലാ കമ്മിറ്റിയുടെ ആഭിമുഖ്യത്തില്‍ നൗഷാദുമാരുടെ കുടുംബ സംഗമം സംഘടിപ്പിച്ചു.അംഗങ്ങളുടെ വിദ്യാര്‍ത്ഥികളില്‍ നിന്നും പൊതു പരീക്ഷകളില്‍ വിജയിച്ചവര്‍ക്ക് അനുമോദനവും നല്‍കി.സംസ്ഥാന ജനറല്‍ സെക്രട്ടറി നൗഷാദ് പോപ്‌സണ്‍ പരിപാടി ഉദ്ഘാടനം ചെയ്തു.വയനാട് ജില്ലാ പ്രസിഡന്റ് കെഇഎച് നൗഷാദ് അധ്യക്ഷനായിരുന്നു.ജിസിസി അംഗങ്ങളായ നൗഷാദ് കുളങ്ങരത്ത്,നൗഷാദ് കെ.കെ കോറോത്ത്,കണ്ണൂര്‍ ജില്ലാ എക്‌സിക്യൂട്ടീവ് മെമ്പര്‍ നൗഷാദ് ചൊക്ലി തുടങ്ങിയവര്‍ സംസാരിച്ചു.കെഇഎച് നൗഷാദ്(പ്രസിഡണ്ട്),നൗഷാദ് ഉസ്താദ് നെല്ലിയമ്പം(സെക്രട്ടറി),നൗഷാദ് മണിച്ചിറ(ട്രഷറര്‍) എന്നിവരുള്‍പ്പടെ 18 അംഗങ്ങളെ പുതിയ വയനാട് ജില്ലാ കമ്മിറ്റി ഭാരവാഹികളായി സംഗമത്തില്‍ തെരഞ്ഞെടുത്തു.

മാനന്തവാടി: മാസങ്ങളായി അടഞ്ഞു കിടക്കുന്ന ഇക്കോ ടൂറിസം കേന്ദ്രങ്ങള്‍ തുറക്കാനിരിക്കെ പാല്‍വെളിച്ചത്ത് നിന്നും കുറുവദ്വീപിലേക്കുള്ള പ്രവേശനം നിര്‍ത്തിവെക്കുന്നു.ഇതോടെ ടൂറിസത്തെ ആശ്രയിച്ചുകഴിയുന്ന പയ്യമ്പള്ളി പാല്‍വെളിച്ചം മേഖലയിലെ നിരവധി കുടുംബങ്ങള്‍ പ്രതിസന്ധിയിലാവുന്ന തൊടൊപ്പം വടക്കെ വയനാട്ടിലെ ടൂറിസത്തിനും കനത്ത തിരിച്ചടിയാകും.കാട്ടാനയുടെ ആക്രമണത്തിൽ വന സംരക്ഷണ സമിതി ജീവനക്കാരൻ കൊല്ലപ്പെട്ടതിനെ തുടർന്നുണ്ടായ സoഘർഷങ്ങളുടെ പശ്ചാത്തലത്തിലായിരുന്നു ഹൈക്കോടതി സ്വമേധയ ഇക്കോ ടൂറിസം കേന്ദ്രങ്ങൾ അടച്ച് പൂട്ടാൻ കഴിഞ്ഞ ഫെബ്രുവരിയിൽ നിർദ്ദേശം നൽകിയത്.നിരന്തരമായ ആവശ്യങ്ങളെ തുടർന്ന്ജില്ലയിലെ ഇക്കോ ടൂറിസം കേന്ദ്രങ്ങള്‍ തുറന്നു പ്രവര്‍ത്തിക്കാന്‍ സെപ്തംബര്‍…

മുട്ടിൽ: എല്ലാ വാര്‍ഡിലും തെരുവ് വിളക്ക് സ്ഥാപിക്കല്‍ പദ്ധതിയുമായി മുട്ടില്‍ ഗ്രാമപഞ്ചായത്ത്. ഗ്രാമ പഞ്ചായത്ത് പ്രസിഡന്റ് ശ്രീദേവി ബാബു പരിയാരം ചെലഞ്ഞിച്ചാലില്‍ തെരുവ് വിളക്ക് സ്ഥാപിച്ച് പദ്ധതി ഉദ്ഘാടനം ചെയ്തു. വാര്‍ഷിക പദ്ധതിയിലുള്‍പ്പെടുത്തി മള്‍ട്ടി ഇയര്‍ പ്രൊജക്ടായി 87,25,000 രൂപ വകയിരുത്തിയാണ് പദ്ധതി നടപ്പാകുന്നത്. പദ്ധതിയിലൂടെ 2500 തെരുവ് വിളക്കുകള്‍ സ്ഥാപിക്കും. പരിപാടിയില്‍ ഗ്രാമപഞ്ചായത്ത് വൈസ് പ്രസിഡന്റ് അഷറഫ് ചിറക്കല്‍ അധ്യക്ഷത വഹിച്ചു. സ്ഥിരം സമിതി അധ്യക്ഷന്‍മാരായ നിഷ സുധാകരന്‍, നസീമ മങ്ങാടന്‍, ബിന്ദു മോഹനന്‍, വാര്‍ഡ്…