പുൽപ്പള്ളി : ബൈരക്കുപ്പയിൽ പാലം പണിയുന്നതിന് എതിർപ്പ് ഉയർന്ന സാഹചര്യത്തിലാണ് ഇത് മരക്കടവിലേക്ക് മാറ്റി പുതിയ അലൈൻമെന്റ് തയ്യാറാക്കി പാലം പണിയാൻ നടപടികൾ സ്വീകരിക്കണമെന്നാവശ്യപ്പെട്ടുകൊണ്ട് അസോസിയേഷൻ രാഹുൽ ഗാന്ധി എംപിക്ക് നിവേദനം നൽകിയത്. കേരള കർണാടക അതിർത്തിയായ ബൈരക്കുപ്പയിൽ കബനി നദിക്ക് കുറുകെ പാലം പണിയുന്നതിന് പ്രധാന തടസ്സം തുടർന്നുവരുന്ന റോഡ് വനത്തിലൂടെ കടന്നു പോകുന്നുവെന്നതായിരുന്നു. ഇക്കാരണം ചൂണ്ടിക്കാട്ടിയാണ്  കർണാടക സർക്കാർ പാലം പണിയുന്നതിന് താൽപര്യം പ്രകടിപ്പിക്കാത്തത്. എന്നാൽ ബൈരക്കുപ്പയിൽ നിന്നും 5 കിലോമീറ്റർ താഴെ മരക്കടവ്…

മാനന്തവാടി: മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ നൂറ് തൊഴിൽ ദിനങ്ങൾ പൂർത്തിയാക്കിയ ഗോത്ര വിഭാഗത്തിലെ തൊഴിലാളിയെ സഹ പ്രവർത്തകർ ആദരിച്ചു. വെള്ളമുണ്ട ഗ്രാമ പഞ്ചായത്തിലെ ആറാം വാർഡിൽപ്പെട്ട ഒഴുക്കൻ മൂല ഉണ്ടാടി ഉന്നതിയിലെ ലീലയെയാണ് സഹപ്രവർത്തകർ തൊഴിലിടത്തിൽ ആദരിച്ചത്. ആറാം വാർഡിൽ ഇതിനോടകം പത്തിലധികം പേർ നൂറ് തൊഴിൽ ദിനങ്ങൾ പൂർത്തിയാക്കിയിരുന്നു. തൊഴിലാളികൾ ലഡു വിതരണവും നടത്തി.

കൽപ്പറ്റ : എസ് കെ എസ് എസ് എഫ് സഹചാരി ഫണ്ട് കലക്ഷൻ നാളെ ജില്ലയിൽ സംഘടിപ്പിക്കും. 2024 – 25 വർഷത്തിൽ മാത്രം 3164000 രൂപയുടെ ചികിത്സാ സഹായങ്ങൾ ജില്ലയിലെ രോഗികൾക്ക് നൽകാനായിട്ടുണ്ട്. വ്യവസ്ഥാപിതമായി പ്രവർത്തിക്കുന്ന എഴുപതോളം സഹചാരി സെൻററുകൾ ആംബുലൻസ് സർവ്വീസുകൾ കിഡ്നിരോഗികൾക്ക് സ്ഥിരം സാമ്പത്തീക സഹായം, അപകടകളിലും മറ്റും പരുക്ക് പറ്റുന്നവർക്ക് സഹചാരിയുടെ അടിയന്തിര ചികിത്സാ സഹായം തുടങ്ങി കരുണയുടെ നോട്ടം കനിവിന്റെ സന്ദേശം എന്ന സഹചാരി പ്രമേയത്തെ കൂടുതൽ അർത്ഥമുള്ളതാക്കുന്നതാണ് സംഘടനയുടെ…

ചുണ്ടേല്‍: ചെമ്പട്ടിയില്‍ ട്രൈബല്‍ ലൈബ്രറി പ്രവര്‍ത്തനം തുടങ്ങി. വൈത്തിരി പഞ്ചായത്ത് പ്രസിഡന്റ് എം.വി. വിജേഷ് ഉദ്ഘാടനം ചെയ്തു. പഞ്ചായത്ത് അംഗം വി.എസ്. സുജിന അധ്യക്ഷത വഹിച്ചു. താലൂക്ക് ലൈബ്രറി കൗണ്‍സില്‍ സെക്രട്ടറി സി.എം. സുമേഷ് മുഖ്യപ്രഭാഷണം നടത്തി. പുസ്തക ചലഞ്ചിന്റെ ഭാഗമായി പൂക്കോട് ഡയറി കോളജ് പത്താം നമ്പര്‍ എന്‍എസ്എസ് യൂണിറ്റ് സമാഹരിച്ച 200 പുസ്തകങ്ങള്‍ ആന്‍ജലോ പൗലോസ് ലൈബ്രറി സെക്രട്ടറി ബബീഷ് കുമാറിന് കൈമാറി. ജിപ്‌സ ജഗദീഷ് സ്വാഗതവും എം. മണി നന്ദിയും പറഞ്ഞു.