2026ലെ കേരള നിയമസഭാ പൊതുതെരഞ്ഞെടുപ്പുമായി ബന്ധപ്പെട്ട് മാതൃകാ പെരുമാറ്റച്ചട്ടം നിലവില്‍ വന്നിരിക്കുന്ന സാഹചര്യത്തില്‍ സോഷ്യല്‍ മീഡിയ ഉപയോഗിക്കുമ്പോള്‍ ജാഗ്രത പുലര്‍ത്തണമെന്ന് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടര്‍ ഡി ആര്‍ മേഘശ്രീ അറിയിച്ചു.   സോഷ്യല്‍ മീഡിയ ഗ്രൂപ്പുകളില്‍ വരുന്ന മെസ്സേജുകള്‍, ചിത്രങ്ങള്‍, വീഡിയോകള്‍, ഓഡിയോ ക്ലിപ്പുകള്‍ എന്നിവ അഡ്മിന്‍മാര്‍ കൃത്യമായി നിരീക്ഷിക്കണം.         ആര്‍ട്ടിഫിഷ്യല്‍ ഇന്റലിജന്‍സ് (എഐ) ഉപയോഗിച്ച് നിര്‍മ്മിച്ച വ്യാജ വീഡിയോകള്‍, ഓഡിയോകള്‍ എന്നിവ പ്രചരിപ്പിക്കരുത്. തെരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരമുള്ള…

മീനങ്ങാടി: കുടുംബശ്രീ മിഷന്റെ നേതൃത്വത്തിൽ പണിയ സ്പെഷ്യൽ പ്രോജക്ട് പദ്ധതിയുടെ ഭാഗമായി കൗമാരക്കാരായ ബാലസഭ കുട്ടികൾക്ക് ബോധവൽക്കരണവും ലഹരി വിമുക്ത ക്ലാസും സംഘടിപ്പിച്ചു. കുടുംബശ്രീ ജില്ലാ മിഷൻ കോർഡിനേറ്റർ കെ.പി. ജയചന്ദ്രൻ ഉദ്ഘാടനം ചെയ്തു. സിഡിഎസ് ചെയർപേഴ്സൺ സിന്ധു ശ്രീധരൻ അധ്യക്ഷത വഹിച്ചു. റിട്ട. ഹെൽത്ത് ഇൻസ്പെക്ടർ ഷാജി കൈമൂല, കുടുംബശ്രീ സ്പെഷ്യൽ പ്രോജക്ട് കോർഡിനേറ്റർ സായ് കൃഷ്ണ എന്നിവർ ക്ലാസുകൾ നയിച്ചു. ബ്ലോക്ക് കോഓർഡിനേറ്റർ സി. ഷിഫാനത്, അനിമേറ്റർമാർ എന്നിവരും പങ്കെടുത്തു.

കൽപ്പറ്റ: ഓൺലൈൻ ട്രേഡിങ് വഴി പണം സമ്പാദിക്കാമെന്ന് വാഗ്‌ദാനം ചെയ്ത് ഡൽഹി സ്വദേശിനിയിൽ നിന്നും നാല് ലക്ഷത്തോളം രൂപ തട്ടിയെടുത്ത കേസിൽ ഓണ്ലൈൻ തട്ടിപ്പ്‌ സംഘത്തിലെ ഒരാൾ കൂടി അറസ്റ്റിൽ. വെങ്ങപ്പള്ളി സ്വദേശി അഷ്കർ അലി(30)യെയാണ് വയനാട് സൈബർ ക്രൈം പോലീസ് ഇൻസ്പെക്ടർ ഷജു ജോസഫും സംഘവും ബാംഗ്ലൂരിൽ നിന്നും അറസ്റ്റ് ചെയ്തത്. കഴിഞ്ഞ സെപ്തംബർ മാസമാണ് ഡൽഹി സ്വദേശിനിയെ സൈബർ തട്ടിപ്പ് സംഘം ടെലഗ്രാം വഴി ട്രെഡിംഗ് നടത്തി ലാഭം നൽകാം എന്ന് വിശ്വസിപ്പിച്ച് ചതിയിൽ…

വെള്ളമുണ്ട ഒഴുക്കൻ മൂല സെൻറ് തോമസ് ഇടവകയിൽ മികച്ച കർഷകരെ ആദരിച്ചു. എ കെ സി സി വെള്ളമുണ്ട യൂണിറ്റിന്റെ നേതൃത്വത്തിലാണ് കർഷക ദിനത്തോടനുബന്ധിച്ച് മികവ് പുലർത്തിയ 11 കർഷകരെ ആദരിച്ചത്. ഇടവകയിലെ വിവിധ വാർഡുകളിൽ നിന്നാണ് മികച്ച കർഷകരെ തെരഞ്ഞെടുത്തത്. ഇടവക വികാരി ഫാദർ തോമസ് വാഴച്ചാലിൽ കർഷകരെ പൊന്നാട അണിയിച്ചു. കെ. എം. ജോൺ , ബേബി കുന്നുമ്മൽ എന്നിവർ നേതൃത്വം നൽകി.

പുതുക്കിപ്പണിത നമ്പിക്കൊല്ലി സെന്റ് മേരീസ് യാക്കോബായ സുറിയാനി സിംഹാസന പള്ളിയുടെ വിശുദ്ധ മൂറോനാലുള്ള കൂദാശയും, വിശുദ്ധ ദൈവമാതാവിന്റെ ഓർമപെരുന്നാളും ജനുവരി 15 മുതൽ 18 വരെ തീയതികളിൽ നടത്തുമെന്ന് പള്ളി കമ്മിറ്റി ഭാരവാഹികൾ വാർത്താ സമ്മേളനത്തിൽ അറിയിച്ചു. വടക്കൻ പറവൂരിൽ കബറടങ്ങിയിട്ടുള്ള പരിശുദ്ധ അബ്ദുൽ ജലീൽ ബാവായുടെ തിരുശേഷിപ്പും ദേവാലയത്തിൽ സ്ഥാപിക്കും. ഗീവർഗ്ഗീസ് മോർ സ്തേഫാനോസ് , മാത്യൂസ് മോർ അപ്രോം, പൗലോസ് മോർ ഐറേനിയോസ്, സഖറിയാസ് മോർ പീലക്സിനോസ് എന്നീ മെത്രാപ്പോലീത്തമാരുടെ മുഖ്യകാർമ്മികത്വത്തിലാണ് ചടങ്ങുകൾ നടക്കുക…

താമരശ്ശേരി: ചുരത്തിലെ ഒമ്പതാം വളവിൽ ലോറി കുടുങ്ങിയതിനെ തുടർന്ന് ഗതാഗതം തടസ്സപ്പെട്ടു. വയനാട് ഭാഗത്തേക്ക് പോകുകയായിരുന്ന ലോറിയാണ് കുടുങ്ങിയത്. ഗതാഗതം പുനഃസ്ഥാപിക്കാനുള്ള ശ്രമങ്ങൾ അധികൃതർ നടത്തിവരികയാണ്. നിർമ്മാണ പ്രവൃത്തികളുടെ ഭാഗമായി തിങ്കളാഴ്ച മുതൽ ചുരത്തിൽ ഗതാഗത നിയന്ത്രണം ഏർപ്പെടുത്തിയിട്ടുണ്ട്. 6, 7, 8 വളവുകളിൽ മുറിച്ചിട്ട മരങ്ങൾ നീക്കം ചെയ്യുന്നതിനും റോഡ് അറ്റകുറ്റപ്പണികൾക്കുമായാണ് നിയന്ത്രണം. രാവിലെ 8 മുതൽ വൈകിട്ട് 6 വരെയായിരിക്കും പ്രവൃത്തി സമയം.

സ്വാതന്ത്ര്യ സമര ചരിത്രത്തിലെ ഉജ്വല ഇതിഹാസംവും വീര പഴശ്ശിയുടെ സൈന്യാധിപനുമായിരുന്ന എടച്ചന കുങ്കന്റെ പേരിൽ പുളിഞ്ഞാൽ ടൗണിൽ സ്ഥിതിചെയ്യുന്ന 81 സെന്റ് റവന്യു ഭൂമിയിൽ മിനിസ്റ്റേഡിയവും സ്വാതന്ത്ര്യ സമരസേനാനികളുടെ പേരിൽ സ്മാരകവും നിർമ്മിക്കാനുള്ള പദ്ധതിക്ക് റവന്യു ഭൂമി അനുവദിക്കണമെന്ന ആവശ്യവുമായി ബ്ലോക്ക്‌ പഞ്ചായത്ത്‌ പ്രതിനിധികൾ ജില്ലാ കളക്ടർ ഡിആർ മേഘശ്രീയെ സന്ദർശിച്ചു. മാനന്തവാടി ബ്ലോക്ക്‌ പഞ്ചായത്ത് പ്രസിഡന്റ് മീനാക്ഷി രാമൻ, വൈസ് പ്രസിഡന്റ് സി പി മൊയ്ദീൻ ഹാജി, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ഒ ടി…

ചുങ്കം : നബിദിനം സാഹോദര്യത്തിന്റെയും സന്തോഷത്തിന്റെയും ലാളിത്യത്തിന്റെയു ദിനമാണെന്നും മുഹമ്മദ്‌ നബിയുടെ ജീവിതം സമൂഹത്തിന് മാതൃകയാണെന്നും അഡ്വ:എൻ കെ വർഗീസ്. നബിദിനത്തോടനുബന്ധിച്ച് ചുങ്കം മഹല്ല് കമ്മിറ്റി സംഘടിപ്പിച്ച സാംസ്കാരിക സദസ്സിൽ സംസാരിക്കുകയായിരുന്നു അദ്ദേഹം.റസൂൽ തിരുമേനി ജനിച്ചത് ഇരുളിൽ നിന്ന് മനുഷ്യനെ വെളിച്ചത്തിലേക്ക് നയിക്കാനാണ്.അസത്യത്തിൽ നിന്ന് സത്യത്തിലേക്കും അധർമ്മത്തിൽ നിന്ന് ധർമത്തിലേക്കും അദ്ദേഹം സമൂഹത്തെ നയിച്ചു. അവിടുത്തെ പാഠം ഉൾക്കൊണ്ട്‌ കൊണ്ട് ഇന്ത്യയിലെ ജനാധിപത്യത്തെ ഇല്ലാതാക്കുന്ന വർഗീയ ശക്തികൾക്കെതിരെ പോരാടാൻ സമൂഹം തയ്യാറാവണമെന്നും അദ്ദേഹം കൂട്ടിച്ചേർത്തു. മഹല്ല് പ്രസിഡന്റ്…