ഒ ആര്‍ കേളുവിന്‌ ലത്തീന്‍ രൂപതയുടെ ആദരം

മാനന്തവാടി: ലത്തീന്‍ കത്തോലിക്ക സര്‍ട്ടിഫിക്കറ്റ് അനുവദിക്കുന്നതുമായി ബന്ധപ്പെട്ട് 1947ലെ കാലഗണന ഒഴിവാക്കി സര്‍ട്ടിഫിക്കറ്റ് വേഗത്തിലാക്കാന്‍ നിയമ നിർമാണത്തിന് നേതൃത്വം നല്‍കിയ മന്ത്രി ഒ ആര്‍ കേളുവിനെ നെയ്യാറ്റിൻകര ലത്തീന്‍ രൂപതയുടെ നേതൃത്വത്തില്‍ ആദരിച്ചു. മാനന്തവാടി അമലോത്ഭവമാതാ ദേവാലയത്തിൽ നടന്ന ചടങ്ങിൽ ഫാ. അനില്‍കുമാര്‍, ഫാ. റോബര്‍ട്ട് വിന്‍സെന്റ്, ഫാ. ജെയ്‌മോന്‍ ആകശാലയിൽ എന്നിവർ ചേർന്ന്‌ പൊന്നാട അണിയിച്ചു. മെമെന്റോയും നൽകി. സിപിഐ എം മാനന്തവാടി ഏരിയാ കമ്മിറ്റിയംഗം കെ എം വര്‍ക്കിയും ഒപ്പമുണ്ടായി.