കൽപ്പറ്റ: പോലീസ് സ്മൃതി ദിനാചരണത്തിന്റെ ഭാഗമായി ജില്ലയിലെ പോലീസുകാർക്കായി പ്രഥമശുശ്രൂഷ-പരിശീലന പരിപാടിയും ക്ലാസ്സും സംഘടിപ്പിച്ചു. വയനാട് ജില്ലാ പോലീസും, കേരളാ പോലീസ് അസോസിയേഷൻ വയനാട് ജില്ലാ കമ്മറ്റിയും, ഡോക്ടർ മൂപ്പൻസ് മെഡിക്കൽ കോളേജ് (DMMC) ആശുപത്രിയും സംയുക്തമായി കൽപ്പറ്റ പോലീസ് സ്റ്റേഷൻ കോൺഫറൻസ് ഹാളിൽ സംഘടിപ്പിച്ച പരിപാടി വയനാട് അഡീഷണൽ എസ്.പി വിനോദ് പിള്ള ഉദ്ഘാടനം ചെയ്തു. കൽപ്പറ്റ സബ് ഡിവിഷൻ ഡിവൈ.എസ്.പി ടി.എൻ. സജീവ് മുഖ്യാതിഥിയായി. കെ.പി.എ ജില്ലാ പ്രസിഡന്റ് വിപിൻ സണ്ണി അധ്യക്ഷത വഹിച്ചു. ഡോ. മൂപ്പൻസ് മെഡിക്കൽ കോളേജ് ഡെപ്യൂട്ടി മാനേജർ ശ്രീ നൗഷാദ്, നേഴ്സിങ് കോളേജ് എച്ച്. ഓ.ഡി ശ്രീ. ഗിരീഷ് എന്നിവർ ക്ലാസ്സെടുത്തു. KPA ജില്ലാ സെക്രട്ടറി ഇർഷാദ് മുബാറക്, KPOA സംസ്ഥാന എക്സിക്യൂട്ടിവ് അംഗം കെ.എം ശശിധരൻ, KPA ജില്ലാ ജോയിൻ സെക്രട്ടറി നിറ്റസ് തുടങ്ങിയവർ സംസാരിച്ചു.
