പുഞ്ചിരി ക്യാമ്പ് നടത്തി.

മാനന്തവാടി : വയനാടിനെ മുഖവൈകല്യ രഹിത ജില്ലയായി മാറ്റാനുള്ള പുഞ്ചിരി പദ്ധതിയുടെ ഭാഗമായി മെഡിക്കൽ ക്യാമ്പ് നടത്തി. ജ്യോതിർഗമയ, പോച്ചപ്പൻ ചാരിറ്റബിൾ ട്രസ്റ്റ്, ഹാർട്ട് ബീറ്റ് ട്രോമാ കെയർ എന്നിവ ചേർന്നാണ് പുഞ്ചിരി പദ്ധതി നടപ്പിലാക്കുന്നത്. ഹോട്ടൽ വയനാട് സ്ക്വയറിൽ നടന്ന ക്യാമ്പ് ജ്യോതിർഗമയെ കോഡിനേറ്റർ കെ എം ഷിനോജ് ഉദ്ഘാടനം ചെയ്തു. ബെസി പാറക്കൽ അധ്യക്ഷത വഹിച്ചു. ഡോ . മാത്യു റോയ്, ഡോ . പി കെ പ്രേമരാജൻ , ഡോ . ശതാക്ഷി സൂത് എന്നിവർ രോഗികളെ പരിശോധിച്ചു. പ്രേമരാജ് , മനു മത്തായി എന്നിവർ പ്രസംഗിച്ചു . സർജറി ആവശ്യമാണെന്ന് കണ്ടെത്തിയവർക്ക് മംഗലാപുരം ജസ്റ്റിസ് കെ.എസ്. ഹെഗ്ഡെ ആശുപത്രിയിൽ വച്ച് സൗജന്യ ശസ്ത്രക്രിയയും നിർവഹിക്കും .