“കലാഞ്ജലി 24” സ്കൂൾ കലോത്സവത്തിന് പരിസമാപ്തി

കമ്പളക്കാട് : ഗവൺമെൻറ് യുപി സ്കൂൾ കലോത്സവം *കലാഞ്ജലി ’24* ഒക്ടോബർ 7, 8 തിങ്കൾ ചൊവ്വ ദിവസങ്ങളിലായി സംഘടിപ്പിച്ചു. എൽ.പി, യു.പി വിഭാഗങ്ങളിലായി 65 സ്റ്റേജ്, സ്റ്റേജിതര മത്സര ഇനങ്ങൾ നടന്നു. 235 പോയിന്റുകൾ നേടി ടീം നിശാഗന്ധി ഓവറോൾ കിരീടം നിലനിർത്തി. 230 പോയിന്റുകൾ നേടി ടീം മന്ദാരം രണ്ടാം സ്ഥാനവും 211പോയിന്റുകൾ നേടി ടീം പാരിജാതം മൂന്നാം സ്ഥാനവും നേടി. എച്ച്.എം ഒ.സി എമ്മാനുവൽ ഫലപ്രഖ്യാപനം നടത്തി. കണിയാമ്പറ്റ ഗ്രാമപഞ്ചായത്ത് വൈസ് പ്രസിഡണ്ട് നൂർഷ ചേനോത്ത് വിജയികൾക്കുള്ള ട്രോഫികൾ വിതരണം ചെയ്തു. ചടങ്ങിൽ വാർഡ് മെമ്പർ കമലാരാമൻ അധ്യക്ഷത വഹിച്ചു. പിടിഎ, എം.പി.ടി.എ, എസ്.എം.സി പ്രതിനിധികൾ ആശംസകൾ അർപ്പിച്ചു. കലാമേള കൺവീനർ അഷ്റഫ് കെ പി നന്ദി രേഖപ്പെടുത്തി.