പുൽപ്പള്ളി : മുള്ളൻകൊല്ലി പഞ്ചായത്തിലെ മരക്കടവ് -മൂന്നുപാലം ഭാഗത്ത് വീണ്ടും പുലി മൂന്ന് ആടിനെ പിടിച്ചതിൽ രണ്ടെണ്ണത്തിന് കൊന്നു. ഒരു ആടിൻറെ കാലും അകിടും കടിച്ചു മുറിച്ചിരിക്കുകയാണ്. മരങ്ങാട്ടിൽ തങ്കച്ചൻ എന്ന ആളുടെ മൂന്ന് ആടുകളെയാണ് ഇന്ന് പുലി ആക്രമിച്ചത്. ഇവർക്കും ഭാര്യക്കും സംസാരശേഷിയും കേൾവിശേഷിയും ഇല്ലാത്തവരാണ്. പ്രായമായ അമ്മ വീട്ടിലുണ്ടായിരുന്നു. ഇന്ന് പകൽ 11 മണിയോടുകൂടിയാണ് അയൽവാസികളും വീട്ടുകാരും ആടിൻ്റെ കരച്ചിൽ കേട്ടാണ് ഓടിയെത്തിയത്. അപ്പോഴേക്കും രണ്ട് ആടിനെ കൊന്ന് മറ്റൊരാടിനെ പുലി കടിച്ചു മുറിച്ചിരുന്നു. പരിസരപ്രദേശം കാടുമുടി കിടക്കുകയാണ്. ഒരാഴ്ച മുമ്പ് 200 മീറ്റർ അകലത്തിൽ ഉള്ള പുളിമൂട്ടിൽ ബെന്നിയുടെയും, ഉറുമ്പിൻ കരോട്ട് ബിജുവിന്റെയും രണ്ട് ആടുകളെ പുലി കൊന്നിരുന്നു. കൂട് ഈ കാടിൻറെ സമീപം കൊണ്ടുവന്നു വെച്ച് പുലിയെ പിടികൂടണം എന്നും, കാടുമുടിക്കിടക്കുന്ന തോട്ടങ്ങൾ എത്രയും പെട്ടെന്ന് കാട് വെട്ടിത്തിലേക്കുള്ള സംവിധാനം അധികൃതർ ഒരുക്കണമെന്നും ആണ് നാട്ടുകാരുടെ ആവശ്യം. വാർഡ് മെമ്പർമാരായ ജിഷാ സെബാസ്റ്റ്യൻ, ലിബിൻ ദിലീപ്, ബ്ലോക്ക് മെമ്പർ ഒ ആർ രഘു എന്നിവർ സ്ഥലത്ത് എത്തിയിരുന്നു.
മരക്കടവ് മൂന്നുപാലം ഭാഗത്ത് വീണ്ടും പുലി 3 ആടിനെ പിടിച്ചു. രണ്ട് ആടുകളെ കൊന്നു
