കല്പ്പറ്റ: വയനാട് പാര്ലമെന്റ് മണ്ഡലം ഉപതെരഞ്ഞെടുപ്പ് പരസ്യപ്രചാരണത്തിന് നാളെ സമാപനം. പ്രചാരണസമാപനം ഗംഭീരമാക്കാനുള്ള ഒരുക്കത്തിലാണ് മുന്നണികള്. നാളെ രാത്രിയും ചൊവ്വാഴ്ചയും നിശബ്ദ പ്രചാരണം നടക്കും. 13നാണ് വോട്ടെടുപ്പ്.
പ്രിയങ്ക ഗാന്ധിയും രാഹുല് ഗാന്ധിയും പങ്കെടുക്കുന്ന യുഡിഎഫ് റോഡ് ഷോ തിങ്കള് രാവിലെ 11ന് സുല്ത്താന് ബത്തേരിയില് നടക്കും. ചുങ്കം ജംഗ്ഷനില്നിന്നു അസംപ്ഷന് ജംഗ്ഷനിലേക്കാണ് റോഡ് ഷോ. വൈകുന്നേരം നിയോജകമണ്ഡലം ആസ്ഥാനങ്ങളില് പരസ്യപ്രചാരണ സമാപന പരിപാടികള് ഉണ്ടാകും.
നാളെ രാവിലെ എട്ട് മുതല് 11 വരെ കല്പ്പറ്റ നിയോജകമണ്ഡലത്തിലും തുടര്ന്ന് ഉച്ചയ്ക്ക് ഒന്നു വരെ മാനന്തവാടി മണ്ഡലത്തിലും ഉച്ചകഴിഞ്ഞ് 1.30 മുതല് വൈകുന്നേരം നാല് വരെ ബത്തേരി മണ്ഡലത്തിലും എന്ഡിഎ റോഡ് ഷോ ഉണ്ടാകും. വൈകുന്നേരം ബത്തേരിയി ലാണ് എന്ഡിഎ ജില്ലാതല പരസ്യപ്ര ചാരണം സമാപനം.
നിയോജകമണ്ഡലം ആസ്ഥാനങ്ങളില് എല്ഡിഎഫ് പ്രചാരണ സമാപനം നടക്കും. സ്ഥാനാര്ഥി സത്യന് മൊകേരി കല്പ്പറ്റയില് കൊട്ടിക്കലാശത്തില് പങ്കെടുക്കും.
