എടവക പഞ്ചായത്തിലെ പള്ളിക്കല് വീട്ടിച്ചാല് ഉന്നതിയിലെ ചുണ്ടമ്മയുടെ മൃതദേഹം ഓട്ടോറിക്ഷയില് ശ്മശാനത്തിലേക്ക് കൊണ്ടുപോകുന്നതിന് കുടുംബാംഗങ്ങളെ പ്രേരിപ്പിച്ചവരെ നിയമത്തിന് മുന്നില് നിര്ത്തണം.
ആംബുലന്സ് ലഭ്യമാക്കാത്തതിന്റെ പേരില് ട്രൈബല് പ്രമോട്ടറെ പിരിച്ചുവിട്ടത് നീതിനിഷേധമാണ്. എല്ലാ കുറ്റങ്ങളും പ്രമോട്ടറുടെ തലയില് കെട്ടിവച്ചത് ആദിവാസി വിഭാഗങ്ങളെ ഇപ്പോഴും മനുഷ്യരായി കാണാത്തതിനു മറ്റൊരു ഉദാഹരണമാണ്. ഭരണപരമായ ഉത്തരവാദിത്തം പട്ടികവര്ഗ ക്ഷേമവകുപ്പ് ഉദ്യോഗസ്ഥര്ക്കാണ്. പ്രമോട്ടറെ തിരിച്ചെടുക്കാനും ഉദ്യോഗസ്ഥര്ക്കെതിരേ നടപടി സ്വീകരിക്കാനും ബന്ധപ്പെട്ടവര് തയാറാകണം. ആദിവാസി വയോധികയുടെ മൃതദേഹം ഓട്ടോറിക്ഷയില് ശ്മശാനത്തിലേക്ക് കൊണ്ടുപോയതില് ഗൂഢാലോചന പ്രകടമാണ്. ഇതില് പങ്കാളികളായവരെ തുറന്നുകാട്ടണം. സംഭവത്തില് രാഷ്ട്രീയ മുതലെടുപ്പിനുള്ള ശ്രമം ദൗര്ഭാഗ്യകരമാണെന്നും ഗോത്രമഹാസഭാ നേതാക്കള് പറഞ്ഞു.
