മാനന്തവാടി- പഴശ്ശിരാജ സ്മാരക ഗ്രന്ഥാലയത്തിൻ്റെ നേതൃത്വത്തിൽ ഇഫ്താർ സംഗമം നടത്തി. മാനന്തവാടിയിലെ രാഷ്ട്രീയ സാമൂഹിക സാംസ്കാരികമേഖലയിലെ പ്രമുഖ വ്യക്തിത്വങ്ങൾ പങ്കെടുത്ത അപൂർവ്വസംഗമവേദിയിൽ പ്രശസ്ത പ്രഭാഷകനായ റാഷിദ് കൂളിവയൽ ഇഫ്താർ സന്ദേശം നൽകി. ബ്ലോക്ക് പഞ്ചായത്ത് പ്രസിഡണ്ട് ജസ്റ്റിൻ ബേബി, മാനന്തവാടി നഗരസഭ പൊതുമരാമത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ പി.വി.എസ് മൂസ, വയനാട് ജില്ല ലൈബ്രറി കൗൺസിൽ സെക്രട്ടറി പി കെ സുധീർ, ഇന്ത്യൻ ക്രിക്കറ്റ് ടീമംഗം സജ്ന സജീവൻ, എഴുത്തുകാരനും സാംസ്കാരിക പ്രവർത്തകനുമായ റസാഖ് കൽപ്പറ്റ തുടങ്ങിയവർ പങ്കെടുത്ത ഇഫ്താർ സ്നേഹവിരുന്ന് സുഹൃദ് സംഗമങ്ങളുടെ വേറിട്ട അനുഭവമായിരുന്നു . താലൂക്ക് ലൈബറി കൗൺസിൽ വൈസ് പ്രസിഡണ്ട് k ഷബിത ടീച്ചർ, പഴശ്ശിഗ്രന്ഥാലയം വൈസ് പ്രസിഡണ്ട് നീതുവിൻസെൻറ്, സെക്രട്ടറി തോമസ് സേവ്യർ, പ്രസാദ് വി കെ , അരുൺ ഇ വി , ഹുസൈൻ വി, അനുരാഗ് വി എം, സനീഷ് പി ബി, ജിതിൻ എം സി, ലതീഷ് പ്രഭാകർ തുടങ്ങിയവർ പരിപാടിക്ക് നേതൃത്വം നൽകി.
സൗഹൃദവേദിയിൽ പഴശ്ശി ഗ്രന്ഥാലയത്തിൻ്റെ ഇഫ്താർ സംഗമം
