പ്ലസ് വൺ പ്രവേശനം- ഫോക്കസ് പോയൻ്റ് – മാർഗനിർദ്ദേശ സെമിനാർ സംഘടിപ്പിച്ചു.

കുഞ്ഞോം : പ്ലസ് വൺ പ്രവേശനവുമായി ബന്ധപ്പെട്ട് ഈ വർഷം എസ്.എസ്.എൽ.സി വിജയിച്ച വിദ്യാർത്ഥികൾക്കായി കുഞ്ഞോം ഗവൺമെൻ്റ് ഹയർസെക്കണ്ടറി സ്കൂളിൽ മാർഗനിർദ്ദേശ സെമിനാർ നടത്തി. പൊതുവിദ്യാഭ്യാസ വകുപ്പും കരിയർ ഗൈഡൻസ് ആൻ്റ് അഡോളസൻ്റ് കൗൺസിലിംങ് സെല്ലും സംയുക്തമായി നടത്തിയ ഫോക്കസ് പോയൻ്റ് 2025- ൻ്റെ ഭാഗമായാണ് ക്ലാസ്സ് സംഘടിപ്പിച്ചത്. പി.ടി.എ പ്രസിഡണ്ട് ശ്രീ.ബഷീർ ടി.കെ സെമിനാർ ഉദ്ഘാടനം ചെയ്തു. അഭിലാഷ് ബേബി ക്ലാസ്സുകൾ നയിച്ചു. പ്രിൻസിപ്പാൾ ഡോ.ബിജുമോൻ, ലോഹിത് ഇ, ഷിജോ ജോർജ് എന്നിവർ സംസാരിച്ചു.