ശക്തമായ കാറ്റിലും മഴയിലും ബത്തേരിയിൽ വീടിന് മുകളിൽ മരം വീണ് ഒരാൾക്ക് പരിക്ക്

സുൽത്താൻ ബത്തേരി : വീടിന് മുകളിൽ മരം വീണ് ഒരാൾക്ക് പരിക്ക്. ഇന്നലെ പുലർച്ചെയുണ്ടായ ശക്തമായ കാറ്റിലും മഴയിലും ബത്തേരി പൂമല, ചെട്ടിമൂല ചേന്നാത്ത് വീട്ടിൽ ജോർജിൻ്റെ വീടിന് മുകളിൽ മരം വീണ് മേൽക്കൂര ഭാഗികമായി തകർന്നു. അപകടത്തിൽ വീടിനുള്ളിൽ ഉണ്ടായിരുന്ന തസ്ലീന എന്നയാൾക്ക് പരിക്കേറ്റു. ഇവരെ സുൽത്താൻ ബത്തേരി താലൂക്ക് ആശുപത്രിയിൽ പ്രവേശിപ്പിച്ചു.