മേപ്പാടി: പഞ്ചായത്തിലെ നെടുമ്പാല-വീട്ടിമറ്റം റോഡ് ഗതാഗതത്തിനു തുറന്നുകൊടുത്തു. ജില്ലാ, ഗ്രാമ പഞ്ചായത്തുകളുടെ ഫണ്ട് ഉപയോഗിച്ചാണ് പ്രവൃത്തി നടത്തിയത്. വീട്ടിമറ്റത്തും സമീപങ്ങളിലുമുള്ളവർക്ക് കൽപ്പറ്റയുമായി എളുപ്പം ബന്ധപ്പെടാൻ ഉതകുന്നതാണ് റോഡ്. ജില്ലാ പഞ്ചായത്ത് പ്രസിഡന്റ് സംഷാദ് മരയ്ക്കാർ ഉദ്ഘാടനം ചെയ്തു. വാർഡ് അംഗം രാജു ഹെജമാടി, പഞ്ചായത്തംഗം ഹാരിസ്, മുൻ മെംബർ ബെന്നി പീറ്റർ എന്നിവർ പ്രസംഗിച്ചു.
