തൊഴിലാളി വിരുദ്ധ ലേബർ കോഡുകൾ പിൻവലിക്കണമെന്ന് കേരള ഗസറ്റഡ് ഓഫീസേഴ്സ് അസോസിയേഷൻ്റെ 44-ാം വയനാട് ജില്ലാ സമ്മേളനം കേന്ദ്ര സർക്കാരിനോട് ആവശ്യപ്പെട്ടു. പ്രതിനിധി സമ്മേളനം പട്ടിക വിഭാഗ ക്ഷേമ വകുപ്പ് മന്ത്രി ഒ.ആർ. കേളു ഉദ്ഘാടനം ചെയ്തു. സി.ഐ.ടി.യു ജില്ലാ ജനറൽ സെക്രട്ടറി വി.വി. ബേബി, എഫ്.എസ്.ഇ.ടി.ഒ ജില്ലാ സെക്രട്ടറി ടി.കെ. അബ്ദുൾ ഗഫൂർ, കെ.ജി.ഒ.എ സംസ്ഥാന വൈസ് പ്രസിഡൻ്റ് പി.പി.സുധാകരൻ എന്നിവർ അഭിവാദ്യം ചെയ്തു സംസാരിച്ചു. ഞായറാഴ്ച രാവിലെ ജില്ലാ പ്രസിഡൻ്റ് ഡോ. കെ.എസ്.സുനിൽ പതാക ഉയർത്തിയതോടെ രണ്ടു ദിവസങ്ങളിലായി സുൽത്താൻ ബത്തേരി ഡയറ്റ് ഹാളിൽ നടക്കുന്ന സമ്മേളനത്തിന് തുടക്കമായി. ജില്ലാ സെക്രട്ടറി കെ.ജി.പത്മകുമാർ പ്രവർത്തന റിപ്പോർട്ടും ട്രഷറർ എൻ.അജിലേഷ് വരവു ചെലവു കണക്കുകളും അവതരിപ്പിച്ചു. മുഹമ്മദ് സലിം, ശ്രദ്ധ മധു, നിതിൻ.വി. സാബു, സുജാത. എ.ഡി, കെ.കെ. വിനയൻ, സോയ. എം.വി എന്നിവർ ചർച്ചയിൽ പങ്കെടുത്തു. തിങ്കളാഴ്ച ഗസറ്റഡ് ജീവനക്കാരുടെ പ്രകടനത്തിനു ശേഷം സുൽത്താൻ ബത്തേരി സ്വതന്ത്ര മൈതാനിയിൽ നടക്കുന്ന പൊതുസമ്മേളനം സി.ഐ.ടി.യു ജില്ലാ വൈസ് പ്രസിഡൻ്റ് കെ. റഫീഖ് ഉദ്ഘാടനം ചെയ്യും. ഭാരവാഹികളായി ഡോ.കെ.എസ്.സുനിൽ (പ്രസിഡൻ്റ്), എൻ. മണിയൻ, സിന്ധു നാരായണൻ (വൈസ് പ്രസിഡൻ്റുമാർ), കെ.എം. നവാസ് (സെക്രട്ടറി), പി. സന്തോഷ്കുമാർ, സി.ആർ.ശ്രീനിവാസൻ (ജോയിൻ്റ് സെക്രട്ടറിമാർ), എൻ.അജിലേഷ് (ട്രഷറർ), ഡോ.അശ്വതി.കെ.എൻ (വനിതാ കമ്മറ്റി കൺവീനർ)എന്നിവരെ തെരഞ്ഞെടുത്തു.
തൊഴിലാളി വിരുദ്ധ ലേബർ കോഡുകൾ പിൻവലിക്കുക: കെ.ജി.ഒ.എ
